ឈ្មួញទុច្ចរិតនៅតែបន្តផ្គើនបទបញ្ជាសម្តេចតេជោ
ខេត្តត្បូងឃ្មុំ ៖ ទោះបីជាសម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ធ្លាប់បានព្រមានយ៉ាងធ្ងន់ៗចំពោះក្រុមឈ្មួញទុច្ចរិតដោយមិនអនុញ្ញាតឲ្យនាំឈើប្រណីត
ខេត្តត្បូងឃ្មុំ ៖ ទោះបីជាសម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ធ្លាប់បានព្រមានយ៉ាងធ្ងន់ៗចំពោះក្រុមឈ្មួញទុច្ចរិតដោយមិនអនុញ្ញាតឲ្យនាំឈើប្រណីត
ខេត្តត្បូងឃ្មុំ ៖ ទោះបីជាសម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ធ្លាប់បានព្រមានយ៉ាងធ្ងន់ៗចំពោះក្រុមឈ្មួញទុច្ចរិតដោយមិនអនុញ្ញាតឲ្យនាំឈើប្រណីតចេញទៅកាន់ប្រទេសវៀតណាមក៏ដោយ ក៏ឈ្មួញទុច្ចរិតនៅតែផ្គើនទៅនឹងអនុសាសន៍ដ៏ថ្លៃថ្លារបស់សម្តេចតេជោ គឺបានបន្តនាំឈើគ្រញូងជាបន្តបន្ទាប់ ជាក់ស្តែងរថយន្តប្រភេទយីឌុបធុនយក្ស១គ្រឿង ពាក់ស្លាកលេខ ព្រះសីហនុ 3A-2451 ដឹកស្ករសមានបង្កប់ឈើគ្រញូងរហូតដល់ទៅជាង១០តោន ប្រុងចេញតាមច្រកជាំក្រវៀនក្នុងស្រុកមេមត់កាលពីយប់រំលងអាធ្រាត្រឈានចូលថ្ងៃទី២៤ ខែឧសភា ឆ្នាំ២០១៦ ត្រូវបានកម្លាំងគយចល័ត ដែលបានដឹកនាំដោយលោក ព្រាប គីរ៉ាត់ សហការជាមួយកម្លាំងអាវុធហត្ថផ្ទៃប្រទេសបង្ក្រាបបាន ខណៈពេលដែលជំនាញរដ្ឋបាលព្រៃឈើកំពុងដេកលក់ហាក់ដូចជាត្រូវថ្នាំសណ្ដំអ៊ីចឹង ។
សមត្ថកិច្ចមួយរូបនៅស្រុកមេមត់បានប្រាប់ឲ្យដឹងថា នៅពេលដែលរថយន្តធុនធំខាងលើបានបើកចេញពីផ្លូវជាតិលេខ៧ ចូលតាមច្រកជាំក្រវៀន ក្នុងបំណងទៅកាន់ប្រទេសវៀតណាម តែមិនទាន់ទៅដល់ផងនោះត្រូវបានកម្លាំងគយចល័តស្ទាក់ចាប់ជាប់ ដោយបានអូសនាំមកកាន់ទីស្នាក់ការរបស់គយចល័តនៅស្រុកពញាក្រែកដើម្បីត្រួតពិនិត្យមើល ។
តាមប្រភពបានឲ្យដឹងបន្តថា មុននឹងឈានទៅចាប់រថយន្តនេះគឺមានកម្លាំងសម្ងាត់គយ និងក្រោមការបញ្ជាផ្ទាល់ពីលោក កើត សុធារ៉ា ប្រធាននាយកដ្ឋានគយ និងនាយកដ្ឋានស្រាវជ្រាវ និងបង្ក្រាបបទល្មើសគយ គឺបានឲ្យលោកព្រាប គារ៉ាត់ ដឹកនាំមន្ត្រីក្រោមឱវាទជាច្រើននាក់ ចាំឃ្លាំមើលពីប្រភេទភិនភាគរថយន្តដែលបានរាយការណ៍មកនោះជារថយន្តដឹកស្ករសជិត៦០០បាវ ។ នៅវេលាយប់រំលងអាធ្រាត្រក៏បានឃើញរថយន្តបើកមកមែន ក៏បានស្ទាក់ហៅឈប់ធ្វើការត្រួតពិនិត្យ ក៏ឃើញមានបង្កប់ឈើគ្រញូងរហូតដល់ទៅជាង១០តោន ហើយការឃាត់នេះគឺមានការឯកភាពពីលោកព្រះរាជអាជ្ញាអមសាលាដំបូងខេត្តផងដែរ ។
សមត្ថកិច្ចបានបញ្ជាក់ថា រថយន្តដឹកស្ករសត្រូវបានបញ្ជូនមកដាក់ស្នាក់ការគយចល័ត ដែលមានទីតាំងស្ថិតនៅស្រុកពញាក្រែក រហូតដល់ពេលល្ងាចថ្ងៃទី២៤ ខែឧសភា ឆ្នាំ២០១៦ បានថ្លឹង និងរាប់ឈើគ្រញូងទាំងនោះរួចរាល់ តែម្ចាស់ឈើវិញមិនត្រូវបានគេទន្លាយឲ្យដឹងនោះទេ ។
សូមបញ្ជាក់ថា ចាប់តាំងពីសម្តេចតេជោ ហ៊ុន សែន បានដាក់បទបញ្ជាយ៉ាងតឹងរ៉ឹង មិនអនុញ្ញាតឲ្យដឹកជញ្ជូនឈើចេញទៅប្រទេសវៀតណាមមក គេបានឃើញលោកឧត្តមសេនីយ៍ត្រី វ៉ា សារិទ្ធ មេបញ្ជាការកងរាជអាវុធហត្ថខេត្ត និងលោក ហៀង សុភក្ត្រ ព្រះរាជអាជ្ញាអមសាលាដំបូងខេត្ត បានចេញប្រតិបត្តិការយុទ្ធនាការក្តៅ ដោយចុះត្រួតពិនិត្យឃ្លាំងស្តុកឈើប្រណីតរបស់ឧកញ៉ា អុល ឧកញ៉ាខ្នា នៅស្រុកមេមត់ និងឧកញ៉ា ថៃ នៅស្រុកស្រុកអូររាំងឪ បានរកឃើញឈើប្រណីតល្មើសច្បាប់រហូតដល់ទៅរាប់ពាន់ម៉ែត្រគូបផងដែរ ។
ប្រភពក្រៅផ្លូវការបានឲ្យដឹងថា ចំពោះឈើគ្រញូងដែលបង្កប់ក្រោមស្ករសជាង១០តោនតម្លៃរាប់សិបម៉ឺនដុល្លារនោះ គឺអាចជារបស់ឈ្មួញមុខដដែលៗ មិនមានអ្នកណាមកពីឆ្ងាយនោះទេ ៕
ចែករំលែកព័តមាននេះ