កងទ័ពអីុរ៉ាក់កាលពីថ្ងៃទី២៤ ឧសភា បន្តការវាយលុកលើទីក្រុងហ្វាល់លូចា កាន់កា.ប់ដោយក្រុមរដ្ឋអ៊ិស្លាមចាប់តាំងពីខែមករា ឆ្នាំ២០១៤ មក ដោយបា.ញ់ផ្លោងដាក់បណ្តាគោលដៅរបស់ក្រុមជីហាដនេះ ។
កងទ័ពអីុរ៉ាក់កាលពីថ្ងៃទី២៤ ឧសភា បន្តការវាយលុកលើទីក្រុងហ្វាល់លូចា កាន់កាប់ដោយក្រុមរដ្ឋអ៊ិស្លាមចាប់តាំងពីខែមករា ឆ្នាំ២០១៤ មក ដោយបាញ់ផ្លោងដាក់បណ្តាគោលដៅរបស់ក្រុមជីហាដនេះ ។
នាថ្ងៃទី២នៃប្រតិបត្តិការវាយលុក អ.ស.ប និងគណៈកម្មាធិការកាកបាទក្រហមអន្តរជាតិ សម្តែងការព្រួយបារម្ភចំពោះវាសនារបស់ប្រជាជនទីក្រុងនេះ ខណៈក្រុមរដ្ឋអ៊ិស្លាមដាក់ពង្រាយតាមដងវិថីនានានូវក្រុមពេជ្ឈឃាត ហើយគំរាមសម្លាប់ពួកអ្នកដែលសាកល្បងរត់ចេញពីទីនោះ ។ ស្ថិតនៅចម្ងាយប្រមាណតែ៥០គីឡូម៉ែត្រ ខាងលិចក្រុងបាដាដ ទីក្រុងនេះនៅមានប្រជាជនប្រមាណជា១០០.០០០នាក់ គឺ៣ដងតិចជាងមុនពេលក្រុមរដ្ឋអ៊ិស្លាមចូលកាន់កាប់ ។
ទាក់ទងតាមអីុនធើរណេតប្រជាជនទីក្រុងនេះ កាលពីថ្ងៃទី២៤ ឧសភា រាយការណ៍ពីការបាញ់ផ្លោងដាក់កណ្តាលក្រុង ។ ពលរដ្ឋម្នាក់និយាយថា ពុំមាននរណាម្នាក់ហ៊ានចាកចេញឡើយ គឺគ្រោះថ្នាក់ខ្លាំងណាស់ ។ គ្រប់កន្លែងមានពួកខ្មាន់កាំភ្លើងចាប់ពួនស្ទាក់បាញ់ប្រហារតាមដងផ្លូវដែលអាចចាកចេញ ។
កងទ័ពអីុរ៉ាក់ដែលទទួលការជួយទ្រទ្រង់តាមអាកាសរបស់ក្រុមចម្រុះអន្តរជាតិនាំមុខដោយសហរដ្ឋអាមេរិកអះអាងថា បានកម្ចាត់ពួកយុទ្ធជនជីហាដចេញពីភូមិហ្គាម៉ានាភាគខាងកើតទីក្រុងកាលពីយប់ថ្ងៃទី២៣ មក២៤ ឧសភា ។
នាថ្ងៃទី២៤ ឧសភា កងយោធា និងបុគ្គលិកមន្ទីរពេទ្យសំខាន់មួយនៃទីក្រុងហ្វាល់លូចា ពុំរាយការណ៍ពីជនរងគ្រោះណាម្នាក់ឡើយ ។ តុល្យការមុននេះរបស់ប្រភពមន្ទីរពេទ្យអះអាងពីជនស៊ីវិលស្លាប់៨នាក់ ហើយយុទ្ធជន៣នាក់ ក៏ត្រូវស្លាប់ដែរ រួចមនុស្ស២៥នាក់រងរបួសក្នុងនោះមានជនស៊ីវិល២០នាក់ ។
យោងតាមនាយករដ្ឋមន្ត្រីអីុរ៉ាក់លោកហៃអីុឌ័រ អាល់អាបាឌី ថា កងទ័ពអីុរ៉ាក់ទទួលការណែនាំឱ្យថែរក្សាជីវិតប្រជាជនក្រុងហ្វាល់លូចា ហើយការពារទ្រព្យសម្បត្តិសាធារណៈ និងឯកជន ។ តាមទូរទស្សន៍នៅពេលលោកទៅកាន់មជ្ឈមណ្ឌលទីបញ្ជាការដ្ឋានប្រតិបត្តិការជិតក្រុងហ្វាល់លូចា លោកអាបាឌី បានស្នើដល់ប្រជាជនទីក្រុងហ្វាល់លូចា ដែលពុំអាចរត់ភៀសខ្លួនចេញបានឱ្យស្ថិតនៅក្នុងផ្ទះ ហើយកុំចេញទៅណាមកណា ។
ការវាយលុកលើទីក្រុងហ្វាល់លូចា ត្រូវបាននាយករដ្ឋមន្ត្រីអីុរ៉ាក់ចេញបញ្ជាឱ្យធ្វើ ទោះបីមានការភ័យខ្លាច ដែលរណសិរ្សថ្មីនេះ កាត់បន្ថយមធ្យោបាយ ដើម្បីវាយលុកដណ្តើមយកទីក្រុងម៉ូសស៊ុលជាទីក្រុងធំទី២របស់ប្រទេសក្តី ។ ផ្ទុយទៅវិញ ការវាយលុកនេះពិតណាស់ជាការឆ្លើយតបចំពោះរលកនៃការវាយប្រហារភេរវកម្ម បណ្តាលឱ្យមនុស្សស្លាប់ដល់ជាង១៥០នាក់រយៈពេលតែមួយសប្តាហ៍នៅក្រុងបាដាដ ។
កងទ័ពអាមេរិកវាយតម្លៃថា អាចមានយុទ្ធ ជនក្រុមរដ្ឋអ៊ិស្លាមរវាងពី៥០០ទៅ៧០០នាក់ ក្នុងទីក្រុងហ្វាល់លូចា ។ យោងតាមកាសែតអង់គ្លេស THE INDEPENDANT ថា ពួកខ្មាន់កាំភ្លើងក្រុមរដ្ឋអ៊ិស្លាមដាក់ពង្រាយនៅទីក្រុងហ្វាល់លូចា បន្ទាប់ពីការប្រកាសពីការវាយលុករបស់អាជ្ញាធរអុីរ៉ាក់ ដើម្បីរំដោះទីក្រុងនេះ និងបន្ទាប់ពីទីបញ្ជាការដ្ឋានកងទ័ពអីុរ៉ាក់អំពាវនាវដល់ជនស៊ីវិលឱ្យនាំគ្នាចាកចេញ ឬដោតទង់ពណ៌សដាក់លើដំបូលផ្ទះ ចៀសវាងកុំឱ្យរងគ្រោះ ដោយការទម្លាក់គ្រាប់បែក ឬការបាញ់ផ្លោង ។ ពួកខ្មាន់កាំភ្លើងក្រុមរដ្ឋអ៊ិស្លាមដាក់ពង្រាយតាមវិថីនានានៃទីក្រុងព្រមានសម្លាប់ពួកអ្នកដែលសាកល្បងរត់ចេញ ឬគ្រវីទង់ស ។ ពេលនេះកងទ័ពអីុរ៉ាក់អាចដណ្តើមត្រួតត្រាមូលដ្ឋានចំនួន១១ ស្ថិតនៅជុំវិញក្រុងហ្វាល់លូចា ។ ការរុលទៅមុខរបស់កងទ័ពរដ្ឋាភិបាលជួបការលំបាក ព្រោះតែការដាក់រាយគ្រាប់មីន និងគ្រឿងផ្ទុះកែច្នៃពីសំណាក់ក្រុមរដ្ឋអ៊ិស្លាមនៅជុំវិញក្រុង ៕
ចែករំលែកព័តមាននេះ