សហរដ្ឋអាមេរិក ៖ កាលពីថ្ងៃសៅរ៍កន្លងទៅនេះ សហរដ្ឋអាមេរិកបានព្រមានជប៉ុន មិនឲ្យលូកដៃលើទីផ្សាររូបិយប័ណ្ណ ខណៈដែលប្រទេសទាំងពីរមានអត្រាប្តូរប្រាក់ខុសគ្នាក្នុងចំណោមអ្នកដឹកនាំហិរញ្ញវត្ថុទាំង៧
សហរដ្ឋអាមេរិក ៖ កាលពីថ្ងៃសៅរ៍កន្លងទៅនេះ សហរដ្ឋអាមេរិកបានព្រមានជប៉ុន មិនឲ្យលូកដៃលើទីផ្សាររូបិយប័ណ្ណ ខណៈដែលប្រទេសទាំងពីរមានអត្រាប្តូរប្រាក់ខុសគ្នាក្នុងចំណោមអ្នកដឹកនាំហិរញ្ញវត្ថុទាំង៧ នៃបណ្តាជាតិអាស៊ី ។
ជប៉ុន និងអាមេរិក គឺមានការប្រឆាំងគ្នាចំពោះគោលនយោបាយរូបិយប័ណ្ណ ដែលក្រុងវ៉ាស៊ីនតោននិយាយថា ទីក្រុងតូក្យូមិនមានហេតុផលណាដែលត្រូវមកលូកដៃក្នុងទីផ្សារប្រាក់យេន ដែលធ្វើឲ្យចលនារូបិយប័ណ្ណនៅតែមានដំណើរការតាមសម្រួលនោះ ។
លោក Jack Lew អគ្គលេខាធិការរតនាគារអាមេរិក បានមានប្រសាសន៍ថា ៖ « វាមានសារសំខាន់ណាស់ដែលប្រទេស G7 មានការយល់ព្រមមិនត្រឹមតែលើការទប់ស្កាត់ការទម្លាក់តម្លៃប្រកួតប្រជែង និងការទំនាក់ទំនងទៀត ដូច្នេះយើងមិនធ្វើឲ្យភាគីទាំងសងខាងមានការភ្ញាក់ផ្អើលឡើយ » ។
រដ្ឋមន្ត្រីក្រសួងហិរញ្ញវត្ថុបានលើកឡើងថា ៖ « វាគ្មានការពិភាក្សាដ៏ក្តៅគគុកឡើងលើប្រាក់យេនជាមួយនឹងលោក Jack Lew ដែលនេះជារឿងធម្មតាទៅហើយដែលប្រទេសទាំងពីរមានភាពខុសគ្នាលើអត្រាប្តូរប្រាក់ » ។
រដ្ឋមន្ត្រីក្រសួងហិរញ្ញវត្ថុបារាំង លោក Michel Sapin បានឲ្យដឹងថា ៖ « គោលនយោបាយរូបិយប័ណ្ណ គឺមានភាពប្រែប្រួលល្អ ហើយវាគ្មានគម្លាតខ្លាំងឡើយ ដូច្នេះមិនចាំបាច់ធ្វើអន្តរាគមន៍នោះទេ » ។
បណ្តាប្រទេស G7 បានឆ្លើយតបនឹងអតិផរណាខ្សោយបូករួមទាំងកំណើនសេដ្ឋកិច្ចទាបដែលធ្វើឲ្យរងនូវការប៉ះទង្គិច ។ ក្រុមអ្នកដឹកនាំបានកោះហៅឲ្យធ្វើគោលនយោបាយរួមដើម្បីបង្កើនតម្រូវការ ប៉ុន្តែផ្តល់សិទ្ធិឲ្យប្រទេសនីមួយៗសម្រេចវាដោយខ្លួនឯង និងបានកោះហៅឲ្យប្រទេសជប៉ុនធ្វើសកម្មភាពបន្ទាន់រួមគ្នាផងដែរ ៕
ចែករំលែកព័តមាននេះ