ប្រទេសកូរ៉េខាងត្បូង ៖ ការនាំចេញឱសថរបស់កូរ៉េខាងត្បូងមានការកើនឡើងខ្ពស់ ក្រោមទឹកប្រាក់ចំនួន២,៣ប៊ីលានកាលពីឆ្នាំមុន ទោះបីជាការនាំចេញទំនិញទូទៅបានធ្លាក់ចុះក្តី ។ នេះបើយោងតាមទិន្នន័យ
ប្រទេសកូរ៉េខាងត្បូង ៖ ការនាំចេញឱសថរបស់កូរ៉េខាងត្បូងមានការកើនឡើងខ្ពស់ ក្រោមទឹកប្រាក់ចំនួន២,៣ប៊ីលានកាលពីឆ្នាំមុន ទោះបីជាការនាំចេញទំនិញទូទៅបានធ្លាក់ចុះក្តី ។ នេះបើយោងតាមទិន្នន័យដែលបានបង្ហាញកាលពីថ្ងៃចន្ទកន្លងមក ។
ការកើនឡើងនេះមានអត្រា២៨,៥% បើធៀបនឹងឆ្នាំមុន ។ នេះបើយោងតាមរបាយការណ៍ផ្តល់ដោយសមាគមផលិតផលឱសថកូរ៉េខាងត្បូង ។
ជាមួយគ្នានេះ មហាអំណាចសេដ្ឋកិច្ចអាស៊ីធំជាងគេទី៤នេះ បានធ្លាក់ចុះនៃការនាំចេញសរុបក្នុងអត្រា៨% កាលពីឆ្នាំ២០១៥ ។ ចំណែកការនាំចេញឱសថបានធ្លាក់ចុះ១,៨% ស្មើនឹង៥,១ប៊ីលានកាលពីឆ្នាំមុន ដែលធ្វើឲ្យពាណិជ្ជកម្មឱសថនាពេលបច្ចុប្បន្ននេះមានភាពប្រសើរឡើង ។
លោក Cho Young-tae អ្នកស្រាវជ្រាវស្ថិតិសេវាកម្មពាណិជ្ជកម្ម បានមានប្រសាសន៍ថា ៖ « កាលពីពេលថ្មីៗនេះ ការនាំចេញឱសថក្នុងស្រុកកំពុងតែបន្តកើនឡើង បើទោះបីជាពាណិជ្ចកម្មសរុបមានដំណើរការយ៉ាងត្រដាបត្រដួសក្តី » ។
« ឱនភាពពាណិជ្ជកម្មឱសថបានធ្លាក់ចុះកាលពីឆ្នាំមុន ខណៈដែលការនាំចេញបានកើនឡើង ចំណែកឯការនាំចូលវិញក៏បានធ្លាក់ចុះខ្សោយផងដែរ » ។ នេះបើតាមការបញ្ជាក់របស់លោក Cho Young-tae ។
លោកបានលើកឡើងថា ៖ « កូរ៉េខាងត្បូងកំពុងតែពង្រីកវិសាលភាពនាំចេញរបស់ខ្លួនទៅកាន់ទីផ្សារចិន និងជប៉ុន ហើយវាជាពេលដែលកូរ៉េខាងត្បូងត្រូវពង្រីកទីផ្សារនាំចេញទៅកាន់សហរដ្ឋអាមេរិក និងអឺរ៉ុប ដែលជាទីផ្សារឱសថធំជាងគេនៅលើពិភពលោក » ៕
ចែករំលែកព័តមាននេះ