រាជធានីភ្នំពេញ ៖ បន្ទាប់ពីជជែកគ្នាតឹងសរសៃកនៅក្នុងកម្មវិធី«មតិផ្ទុយ»របស់ទូរទស្សន៍ PNN ដែលធ្វើការផ្សាយផ្ទាល់នាព្រឹកថ្ងៃទី២៥ ឧសភា ២០១៦នោះ អ្នកទស្សនាឃើញលោកអាចារ្យអេ នាយកវិទ្យុ ABC ប្រុងដោះអាវ ប៉ុន្តែត្រូវបានលោក ឆោម ឆាយ៉ា អគ្គនាយករងទទួលបន្ទុកផ្នែកព័ត៌មានរបស់ទូរទស្សន៍ PNNឃាត់ ហើយនិយាយថាស្ទូឌីយ៉ូ (Studio) មានម៉ាស៊ីនត្រជាក់ទេ ។
បើតាមអ្នកទស្សនានៅក្នុងកម្មវិធី«មតិផ្ទុយ»របស់ទូរទស្សន៍ PNN ដែលទើបនឹងបិទបញ្ចប់នៅប៉ុន្មាននាទីមុននេះ ការដែលលោកអាចារ្យអេប្រុងដោះអាវក្នុងកម្មវិធីផ្សាយផ្ទាល់នេះ គឺធ្វើឡើងក្រោយពីមានការជជែកវែកញែកពីកម្មវិធីនិងអ្នកកាន់កម្មវិធីរបស់វិទ្យុ ABC ដែលអ្នកស្តាប់រិះគន់ផងនិងលើកសរសើរផង ពីសំណាក់លោក ឆោម ឆាយ៉ា កញ្ញា រ៉ានី (ខាងPNN) លោកអាចារ្យអេ និងកញ្ញា ច្រឹប (ពិធីការិនីវិទ្យុ ABC) ។
លោក ឆោម ឆាយ៉ា និង លោក អាចារ្យ មិនអាចទាក់ទងសុំការបញ្ជាក់បន្ថែមបានទេ នៅព្រឹកថ្ងៃទី២៥ឧសភាដដែលនេះ ៕
ចែករំលែកព័តមាននេះ