កូនស្រីចាក់ឪពុកបង្កើតមួយកាំបិតលិចដល់ដង
ខេត្តកំពត ៖ បុរសជាឪពុកបង្កើតម្នាក់បានរងរបួសយ៉ាងធ្ងន់ធ្ងរត្រូវក្រុមគ្រួសារដឹកយកទៅសង្គ្រោះនៅមន្ទីរពេទ្យ បន្ទាប់ពីត្រូវកូនស្រីរបស់ខ្លួនដែលមានសតិមិនគ្រប់ និងជាមនុស្សគ
ខេត្តកំពត ៖ បុរសជាឪពុកបង្កើតម្នាក់បានរងរបួសយ៉ាងធ្ងន់ធ្ងរត្រូវក្រុមគ្រួសារដឹកយកទៅសង្គ្រោះនៅមន្ទីរពេទ្យ បន្ទាប់ពីត្រូវកូនស្រីរបស់ខ្លួនដែលមានសតិមិនគ្រប់ និងជាមនុស្សគ
ខេត្តកំពត ៖ បុរសជាឪពុកបង្កើតម្នាក់បានរងរបួសយ៉ាងធ្ងន់ធ្ងរត្រូវក្រុមគ្រួសារដឹកយកទៅសង្គ្រោះនៅមន្ទីរពេទ្យ បន្ទាប់ពីត្រូវកូនស្រីរបស់ខ្លួនដែលមានសតិមិនគ្រប់ និងជាមនុស្សគផងនោះយកកាំបិតចុងស្រួចចាក់ចំត្រង់បោះដៃផុតខាងស្តាំលិចដល់ដង ។
ហេតុការណ៍នេះកើតឡើងកាលពីវេលាម៉ោង៧ និង៣០នាទីព្រឹក ថ្ងៃទី២៣ ខែឧសភា ឆ្នាំ២០១៦ ស្ថិតនៅភូមិប្រាល ឃុំតានី ស្រុកអង្គរជ័យ ខេត្តកំពត ។
បើតាមសាក្សីនៅកន្លែងកើតហេតុបានឲ្យដឹងថា ស្ត្រីជាកូនដែលបានចាក់ឪពុកបង្កើតនេះមានឈ្មោះ ជ្រុន ស៊ីនួន អាយុ២៥ឆ្នាំ នាងជាមនុស្សគ ហើយមានសតិមិនគ្រប់ទៀត ។ នៅមុនពេលកើតហេតុ ដោយសារតែក្រុមគ្រួសារនេះឪពុកម្តាយបានបែកបាក់គ្នា ម្តាយនៅផ្ទះផ្សេង (ផ្ទះរបស់ខ្លួន) រីឯឪពុកមកស្នាក់នៅផ្ទះម្តាយបង្កើតរបស់ខ្លួន ដែលមានចម្ងាយពីគ្នាជាង១០០ម៉ែត្រប៉ុណ្ណោះ ហើយគ្រួសារនេះមុននឹងបែកបាក់គ្នាមានម៉ាស៊ីនកិនស្រូវ១គ្រឿង ក្រោយពេលបែកបាក់គ្នាជនរងគ្រោះចុះចេញ ដោយបានយកម៉ាស៊ីនកិនស្រូវមករកស៊ីនៅខាងផ្ទះម្តាយ រីឯកូនស្រីដែលគហើយមានសតិមិនគ្រប់នេះ ឪពុកបានផ្គត់ផ្គង់លុយកាក់ឲ្យរហូត ស្រាប់តែថ្ងៃកើតហេតុមិនដឹងជាមានមូលហេតុអ្វី ម្យ៉ាងដោយឪពុកមិនចាប់អារម្មណ៍ថាកូនវាមានកំហឹងអ្វីជាមួយខ្លួនផងនោះ ទើបកូនស្រីដើរមកពីក្រោយខ្នងចាក់ឪពុកមួយកាំបិតលិចដល់ដងបណ្តាលរងរបួសយ៉ាងធ្ងន់ធ្ងរ ហើយត្រូវក្រុមគ្រួសារដឹកទៅសង្គ្រោះនៅមន្ទីរពេទ្យភ្លាមដែរ ។ ចំណែកកូនស្រីក៏ត្រូវបានសមត្ថកិច្ចនគរបាលផ្នែកព្រហ្មទណ្ឌស្រុកនាំខ្លួនមកកាន់អធិការដ្ឋាននគរបាលស្រុកអង្គរជ័យ ដើម្បីធ្វើការសាកសួរ ។
លោក កែម មី នាយផ្នែកនគរបាលព្រហ្មទណ្ឌស្រុកបានឲ្យដឹងថា ជនរងគ្រោះជាឪពុកឈ្មោះ ជ្រុន បេង អាយុ៥៨ឆ្នាំ មានមុខរបរកស៊ីកិនស្រូវ បានរងរបួសធ្ងន់ធ្ងរត្រង់បោះដៃផុតខាងស្តាំ ។ ចំណែកជនសង្ស័យជាកូនដោយសារតែសមត្ថកិច្ចគ្មានជំនាញខាងភាសា គ ការសាកសួរទៅជនសង្ស័យដោយធ្វើកាយវិកាដៃសួរ រីជនសង្ស័យមិនបានធ្វើកាយវិការប្រាប់សមត្ថកិច្ចទេ គឺគ្រវីតែក្បាលតែប៉ុណ្ណោះ ។
សមត្ថកិច្ចបន្តថា ដោយពិបាកក្នុងការសួរចម្លើយក៏បញ្ជូនជនសង្ស័យជាកូនរូបនេះមកស្នងការខេត្ត ដើម្បីសាកសួរបន្ត ។ ចំណែក សមត្ថកិច្ចនគរបាលផ្នែកព្រហ្មទណ្ឌខេត្តបានឲ្យដឹងដែរថា ជនសង្ស័យទោះបីសមត្ថកិច្ចសួរតាមកាយវិកាមនុស្សគ ក៏មិនឆ្លើយប្រាប់សមត្ថកិច្ចពីមូលហេតុយ៉ាងណានោះដែរ គឺបានត្រឹមតែគ្រវីក្បាលតែប៉ុណ្ណោះ ។ ហើយសមត្ថកិច្ចក៏បានកសាងសំណុំរឿងបញ្ជូនទៅតុលាការនៅថ្ងៃទី២៤ខែឧសភាឆ្នាំ២០១៦នេះ ។
គេពុំដឹងថា តើកូនស្រីដែលចាក់ឪពុកឲ្យរងរបួសធ្ងន់នេះមានកំហឹងជាមួយឪពុករឿងនោះអ្វីនោះទេ មានប្រភពខ្លះបាននិយាយក្រៅផ្លូវការថា ប្រហែលមូលហេតុមកពីខឹងឪពុកបែកបាក់គ្នាមករស់នៅផ្ទះផ្សេងតែម្នាក់ឯង មិនគិតពីពួកគេនៅជាមួយម្តាយក្នុងបន្ទុកដល់ទៅ៤នាក់ ដោយម្តាយរកស៊ីចិញ្ចឹមទាំងវេទនានាពេលកន្លងមកនេះ ហើយឮថាឪពុកតាំងពីចុះចេញពីផ្ទះមានស្រីទៀតផង។ ប៉ុន្តែ នេះគ្រាន់តែជាប្រភពខាងក្រៅ មិនមែនជាប្រភពជាក់លាក់នោះទេ ៕
ចែករំលែកព័តមាននេះ