Barcelona គ្រងជើងឯក Copa del Rey លើកទី28
ខ្សែបម្រើក្លិប Gladbach វ័យ២៣ឆ្នាំ Granit Xhaka បង្ហាញពីអារម្មណ៍ពុះកញ្ជ្រោលចង់ទៅលេងឱ្យក្លិបកាំភ្លើងធំ Arsenal នៅរដូវក្តៅនេះដើម្បីបំពេញក្តីសុបិនរបស់គេតាំងពីក្មេងមកម៉្លេះ ។
ខ្សែបម្រើក្លិប Gladbach វ័យ២៣ឆ្នាំ Granit Xhaka បង្ហាញពីអារម្មណ៍ពុះកញ្ជ្រោលចង់ទៅលេងឱ្យក្លិបកាំភ្លើងធំ Arsenal នៅរដូវក្តៅនេះដើម្បីបំពេញក្តីសុបិនរបស់គេតាំងពីក្មេងមកម៉្លេះ ។
ការប្រកួតរវាងក្លិបBarcelona និងSevilla ក្នុងវគ្គផ្តាច់ព្រ័ត្រ Copa del Rey នារាត្រីថ្ងៃអាទិត្យកន្លងទៅត្រូវបានបញ្ចប់ដោយBarcelonaបំបាក់គូប្រកួតរបស់ខ្លួនក្នុងម៉ោងបន្ថែមដោយលទ្ធផល២-០ ។ គេសង្កេតឃើញថា ការប្រកួតនេះ Barcelona ហាក់ដូចជាព្យាយាមគាបសង្កត់គូប្រកួតរបស់ខ្លួនមិនឱ្យមានឱកាសគ្រប់គ្រងបាល់ រហូតធ្វើឱ្យខ្សែបម្រើ Mascherano ទទួលបានកាតក្រហមដោយបានទាញអាវខ្សែប្រយុទ្ធក្លិបSevilla កីឡាករ Gameiro នៅនាទីទី៣៦ ។ មួយវិញទៀតខ្សែប្រយុទ្ធកំពូលល្បិច Luis Suarez ក៏ត្រូវបានប្តូរចេញផងដែរដោយសារតែបញ្ហារបួស ។ យ៉ាងណាមិញកីឡាករ Banega របស់ក្លិប Sevilla ក៏ត្រូវបានអាជ្ញាកណ្តាលពិន័យកាតក្រហមនៅចុងម៉ោងបន្ថែមនិងកីឡាករ Martins នៅនាទីទី១២១ ។
ទោះជាយ៉ាងណាក្តី Barcelona នៅតែអាចបំបែករនាំងដែករបស់ Sevilla បានដដែលដោយកីឡាករ Alba នៅនាទីទី៩៧ និងនាទីទី១២២ ដោយកីឡាករវ័យក្មេង Neymar ដែល២គ្រាប់ដ៏អស្ចារ្យនេះ សុទ្ធតែត្រូវបានបញ្ជូនបាល់ចេញពីជើង Messi ។
សូមបញ្ជាក់ថា នេះជាជ័យជម្នះលើកទី២៨របស់ក្លិប Barcelona គ្រងជើងឯក Copa del Rey ក្រោមការដឹកនាំរបស់គ្រូបង្វឹក Luis Enrique បន្ទាប់ពីក្លិបនេះទើបតែឈ្នះពាន La Liga លើកទី២៤របស់ខ្លួនកាលពីពាក់កណ្តាលខែឧសភាកន្លងទៅដោយបានយកឈ្នះក្លិប Granada ក្នុងលទ្ធផល៣-០៕
ចែករំលែកព័តមាននេះ