រាជធានីភ្នំពេញ ៖ បន្ទាប់ពីគេហទំព័រ«កោះសន្តិភាព» បានចេញផ្សាយរឿងរ៉ាវមួយនៅខេត្តបន្ទាយមានជ័យ កាលពីព្រឹកថ្ងៃទី២៤ឧសភា ដែលដាក់ចំណងជើងថា «ឡូយមែន ! មិនទទួលខុសត្រូវហើយ ប្តឹងបកវិញទៀត»
រាជធានីភ្នំពេញ ៖ បន្ទាប់ពីគេហទំព័រ«កោះសន្តិភាព» បានចេញផ្សាយរឿងរ៉ាវមួយនៅខេត្តបន្ទាយមានជ័យ កាលពីព្រឹកថ្ងៃទី២៤ឧសភា ដែលដាក់ចំណងជើងថា «ឡូយមែន ! មិនទទួលខុសត្រូវហើយ ប្តឹងបកវិញទៀត» ដែលជារឿងស្រីប្រកាន់ ប្រុសប្រកែក ។ តាមសិទ្ធិក្នុងការបញ្ចេញមុនការចុះផ្សាយនូវអត្ថបទខាងលើនេះ ភ្នាក់ងារ«កោះសន្តិភាព»បានព្យាយាមទាក់ទងទៅតួអង្គបុរសដែលម្តាយនិងកូនបានធ្វើការចោទប្រកាន់នោះដែរ តែទូរស័ព្ទចូល៣ដងមិនមានអ្នកទទួល ។ នៅរសៀលថ្ងៃទី២៤ឧសភានេះ យុវជនឈ្មោះ យ៉ាំង ធូឈីង ដែលថាជាអ្នករងនូវការចោទប្រកាន់ពីសំណាក់ស្រី្តម្តាយ និងកូន បានទូរស័ព្ទពីខេត្តបន្ទាយមានជ័យមកភ្នាក់ងារ«កោះសន្តិភាព»នៅភ្នំពេញ ដើម្បីសុំធ្វើការបកស្រាយ និងបំភ្លឺ ចំពោះបញ្ហានេះ ។
«កោះសន្តិភាព» សូមធ្វើការចុះផ្សាយតាមសំដីដើម(សម្លេងតាមទូរស័ព្ទ)ទាំងស្រុងដូចតទៅ ៖
សូមគោរពលោកពូ លោកពូខាងកាសែត«កោះសន្តិភាព»មែនទេលោកពូ ? ខ្ញុំបាទឈ្មោះ យ៉ាំង ធូឈីង អាយុ២៧ឆ្នាំ រស់នៅខេត្តបន្ទាយមានជ័យ ខ្ញុំចង់ជំរាបជួនលោកពូអ្នកសារព័ត៌មាន«កោះសន្តិភាព»ថា ទាក់ទងនឹងការបង្ហោះព័ត៌មានទាំងអស់នោះ ខ្ញុំចង់និយាយថា គឺជាការនិយាយមិនពិត បំផ្លើសច្រើនណាស់ ដែលធ្វើឲ្យមហាជនវាយប្រហារមកលើរូបខ្ញុំ ។
លោក យ៉ាំ ធូឈីង បន្តថា ក្នុងគេហទំព័រអ្នកស្រី យឿន លីណា ជាម្តាយនាង សាន ដាណែត បានចោទខ្ញុំថា ខ្ញុំបានលួចទៅរៀបការ ។ រឿងនឹងខ្ញុំបានរៀបការស្របច្បាប់ និងបានចុះសំបុត្រអាពាហ៍ពិពាហ៍ត្រឹមត្រូវ ហើយមុនរៀបការ ភូមិ-ឃុំបានបិទប្រកាស១ខែមុន និងបានធ្វើតាមនិតិវិធីទាំងអស់ គឺមិនអាចប្រើពាក្យថាលួចទៅរៀបការបានទេ ។ ការស្គាល់អ្នកស្រី យឿន លីណា និងនាង សាន ដាណែត គឺជាការរាប់អានគ្នាទេ ហើយរឿងមួយទៀតដែលថា គាត់បានទៅកក់ភ្នួង កក់រោងការអីណុងខ្ញុំអត់បានដឹងរឿងផង រួចមកចោទខ្ញុំ និងបង្គាប់ថាឲ្យកក់ភ្នួង និងរោងការអស់រាប់ពាន់ដុល្លារ ពេលនេះកំពុងជំពាក់គេវ័នក ចំណុចនេះខ្ញុំចង់បញ្ជាក់ថា គាត់មានភស្តុតាងណាថាជំពាក់គេវន័កនោះ ដូច្នេះការប្រើពាក្យសំដីទាំងអស់នេះចង់ដាក់បន្ទុកមកលើខ្ញុំទាំងស្រុងតែម្តង ។ មួយទៀតដែលអ្នកស្រី យឿន លីណា ថាខ្ញុំបានសន្យាថានឹងរៀបការជាមួយកូនស្រីគាត់ នាង សាន ដាណែត អត់មានទេ រួមទាំងថាខ្ញុំមានស្នាមមេដៃនោះក៏គ្មានដែរ ។
លោក យ៉ាំង ធូឈីង បន្តថា មើលឯកសារទាំងអស់ដែលភាគីម្ខាងយកមមកបង្ហាញនោះ គ្មានកាលបរិច្ឆេទត្រឹមត្រូរទេ ហើយគ្មានកាលបរិច្ឆេទត្រឹមត្រូវផងគាត់ថាបែរទៅជាកក់ភ្នួង ចុងភៅ អីនោះវាគ្មានហេតុផលសោះ ហេតុបានជាគាត់ដាក់ក្នុងសារព័ត៌មានថាយ៉ាងដូច្នេះវិញ ។ ចំពោះរូបថតដែលបានថតជាមួយនាង សាន ដាណែត គឺខ្ញុំទទួលស្គាល់ជារូបថតពិត ។ អ្នកស្រី យឿន លីណា និយាយថាខ្ញុំបានទៅរស់នៅជាមួយកូនស្រីគាត់រយៈពេល១ឆ្នាំ តាមពិតជាការរាប់អានស្គាល់គ្នា មិនបានទៅរស់នៅជាមួយគ្នាទេ ហេតុអ្វីចោទប្រកាន់ថាទៅរស់នៅជាមួយកូនស្រីគាត់១ឆ្នាំ ។ ធម្មតាការស្គាល់គ្នា ធ្លាប់ធ្វើខូបកំណើតឲ្យ ធ្លាប់ចូលពិធីខួបកំណើត ឬទៅណាជាមួយគ្នា តែមិនបានរស់នៅជាមួយទេ មិនមែនដូចគាត់ថាខ្ញុំនិងរស់នៅជាមួយកូនរបស់គាត់ដូចប្តីប្រពន្ធ អញ្ចឹងអត់ត្រឹមត្រូវ ខ្ញុំសុំបដិសេធត្រង់ហ្នឹង ។ ពេលដែលស្គាល់គ្នាណុងខ្ញុំបានប្រាប់គាត់ហើយថា ខ្ញុំមានគួដណ្តឹង មិនមែនគាត់មិនដឹងទេ ទាំងម្តាយ និងកូនគាត់ដឹងថា ខ្ញុំមានគួរដណ្តឹង ហើយខ្ញុំក៏មិនបានលូកលាន់កូនគាត់ដែរ កន្លងមក ឬអ្វីដែលធ្វើជាមួយគ្នានិងគឺដោយសារផ្ទះជាប់គ្នា ហើយគាត់ដឹងថា ខ្ញុំជិតដល់ថ្ងៃរៀបការទៀត អញ្ចឹងនេះជាការរៀបចំដើម្បីបំបែកបំបាក់គ្រួសាររបសខ្ញុំ ។
ខ្ញុំវិល មកបកស្រាយរឿងរូបថត និងស្នាមមេដៃ និងសំបុត្រកំណើតរបស់ខ្ញុំត្រូវបានគាត់យកទៅបង្ហោះជាសាធារណៈ ។ ពេលនិងគឺមានការគាបសង្កត់គំរាមខ្ញុំ ថាមិនព្រមថតជាមួយ និងមិនទទួលស្គាល់កូនដែលថាមាននៅក្នុងផ្ទៃ៣ខែនោះមិនមែនជាកូនរបស់ខ្ញុំទេ គាត់និងរករឿង និងរំខានដល់រោងការរបស់ខ្ញុំ ព្រមទាំងមិនឲ្យបានរៀបការស្រួលបួលទេ ។ ក្នុងកាលៈទេសៈនិង បើខ្ញុំមិនធ្វើតាមគាត់ទេ គាត់នឹងប្រើសមត្ថកិច្ចឲ្យមកចាប់យកភ្លាមៗ ពេលនោះខ្ញុំមិនបានពិភាក្សាជាមួយឪពុក-ម្តាយ និងក្រុមគ្រួសារទេ គឺព្យាយាមដោះស្រាយម្នាក់ឯង ក៏ចាប់ខ្ញុំយកទៅ ។ រឿងគាត់ថានាង សាន ដាណែត មានផ្ទៃពោះកូន៣ខែ គាត់មិនទាន់ច្បាស់ថាមានកូនជាមួយខ្ញុំផងគាត់ហ៊ានទៅបង្ហោះលើសារព័ត៌មានថាជាកូនរបស់ខ្ញុំ ខ្ញុំមិនដឹងទេថាគាត់ទាក់ទងជាមួយអ្នកណាខ្លះផង ។ គាត់គ្រាន់តែមានសំបុត្រពេទ្យមួយសន្លឹកហើយអះអាងថាជាកូនរបស់ខ្ញុំ ខ្ញុំអត់ទទួលស្គាល់ទេ លុះត្រាកូននោះកើតមកហើយពិនិត្យឈាមទៅជាកូនរបស់ខ្ញុំមែន ខ្ញុំទទួលស្គាល់ការពិត ប៉ុន្តែពេលនេះពុំមានភស្តុតាងច្បាស់លាស់ខ្ញុំម៉ិចទទួលស្គាល់ថាជាកូនរបស់ខ្ញុំ ឥឡូវមកហែកកេរ្តិ៍ខ្ញុំជាសារធារណៈអញ្ចឹងខ្ញុំអត់សុខចិត្តទេ ដូច្នេះខ្ញុំត្រូវប្រើសិទ្ធិការពារខ្លួនខ្ញុំដែរ មិនមែនអ្នកឯងចេះតែចោទប្រកាន់នោះទេ ៕
ចែករំលែកព័តមាននេះ