ស្ត្រីទីមួយកូរ៉េខាងជើងដ៏ស្រស់សោភា លោកស្រី RI SOL-JU បានសាបព្រោះការភ្ញាក់ផ្អើលក្នុងផ្ទៃភ្នាក់ងារស៊ើបការណ៍កូរ៉េខាងត្បូង ។
យោងតាមអត្ថបទមួយរបស់ទីភ្នាក់ងារព័ត៌មានរុស្ស៊ី SPUTNIK ថា
ស្ត្រីទីមួយកូរ៉េខាងជើងដ៏ស្រស់សោភា លោកស្រី RI SOL-JU បានសាបព្រោះការភ្ញាក់ផ្អើលក្នុងផ្ទៃភ្នាក់ងារស៊ើបការណ៍កូរ៉េខាងត្បូង ។
យោងតាមអត្ថបទមួយរបស់ទីភ្នាក់ងារព័ត៌មានរុស្ស៊ី SPUTNIK ថា ភរិយាលោកគីម ជុងអ៊ុន ពុំមែនជាគ្រោះថ្នាក់ពិតប្រាកដមួយសម្រាប់ប្រជាជនកូរ៉េខាងត្បូងឡើយ ក៏ប៉ុន្តែលោកស្រី RI SOL-JU មានប្រជាប្រិយភាពខ្ពស់នៅកូរ៉េខាងត្បូង កាលពីឆ្នាំ២០១២ ដែលភ្នាក់ងារស៊ើបការណ៍កូរ៉េខាងត្បូង ប្រមូលកម្លាំងបណ្តាអ្នកជំនាញខាងព័ត៌មានវិទ្យា ដើម្បីជួយបង្វែរការចាប់អារម្មណ៍លើសម្រស់របស់ភរិយាមេដឹកនាំកូរ៉េខាងជើង ។
អតីតប្រមុខភ្នាក់ងារសម្ងាត់កូរ៉េខាងត្បូង លោក WON SEI HOON រៀបរាប់ថា ពេលគេដឹងកាលពីខែកក្កដា ឆ្នាំ២០១២ ថា លោក គីម ជុងអ៊ុន រៀបការជាមួយលោកស្រី RI SOL-JU បណ្តាសារព័ត៌មានកូរ៉េខាងត្បូងផ្សាយព្រោងព្រាតនូវអត្ថបទយ៉ាងច្រើនពីនារីរូបនេះ រហូតដល់ស្នើបង្កើតតាមអុីនធើរណេតនូវក្លឹបគាំទ្រលោកស្រី RI SOL-JU ទៀតផង ។
រដ្ឋាភិបាលកូរ៉េខាងត្បូងបន្ទាប់មកចេញបញ្ជាឱ្យបញ្ឈប់ប្រជាប្រិយភាពកាន់តែខ្លាំងរបស់ភរិយាលោកគីម ជុងអ៊ុន ។ ទីបំផុតក្រុមសង្គ្រាមចិត្តសាស្ត្ររបស់ភ្នាក់ងារសម្ងាត់កូរ៉េខាងត្បូងបានចាត់វិធានការនានា ដែលសំដៅរារាំងការបង្កើតក្លិបគាំទ្រលោកស្រី RI SOL-JU ។ ចំណែកឯទីភ្នាក់ងារស៊ើបការណ៍កូរ៉េខាងត្បូង ក៏ធ្វើរាល់លទ្ធភាពដើម្បីបង្វែរការចាប់អារម្មណ៍របស់ប្រជាជនកូរ៉េខាងត្បូងចំពោះនារីរូបនេះដែរ ។
ការបង្កើតយុទ្ធជន CYBER របស់ភ្នាក់ងារសម្ងាត់កូរ៉េខាងត្បូង គឺទទួលបន្ទុកផ្សព្វផ្សាយតាមអុីនធើរណេតនូវការអះអាងផ្សេងៗពីកូរ៉េខាងជើង ។
កាលពី៤ឆ្នាំមុន លោកស្រី RI SOL-JU ក៏ត្រូវគេផ្សាយយ៉ាងគគ្រឹកគគ្រេងលើទំព័រទីមួយនៃបណ្តាសារព័ត៌មានលោកខាងលិចផងដែរ ។ សារព័ត៌មានទាំងនេះសរសេរសរសើរថា លោកស្រី RI SOL-JU ជួយកែលម្អមុខមាត់របស់កូរ៉េខាងជើងលើពិភពលោក ។ សារព័ត៌មានសរសើរសម្រស់ និងម៉ូដស្លៀកពាក់របស់លោកស្រី RI SOL-JU ។
បណ្តាអ្នកកាសែតក៏គូសបញ្ជាក់ដែរថា លោកស្រី RI SOL-JU មានអារម្មណ៍ស្រស់ស្រាយជាមួយស្វាមីអមដំណើរពេលទៅណាមកណា ដោយទឹកមុខសើចញញឹម ហើយកៀកដៃមិនអៀនខ្មាសជាមួយលោកគីម ជុងអ៊ុន ៕
ចែករំលែកព័តមាននេះ