ប្រទេសវៀតណាម ៖ អ្នកជំនាញបាននិយាយថា វៀតណាមអាចប្រឈមនឹងបញ្ហាជាច្រើនក្នុងការសម្រេចគោលដៅនាំចេញរបស់ខ្លួនក្នុងឆ្នាំនេះ ដោយសារតែកំណើនយឺតនៃការនាំចេញក្នុងរយៈពេល៤ខែដំបូង ។
ប្រទេសវៀតណាម ៖ អ្នកជំនាញបាននិយាយថា វៀតណាមអាចប្រឈមនឹងបញ្ហាជាច្រើនក្នុងការសម្រេចគោលដៅនាំចេញរបស់ខ្លួនក្នុងឆ្នាំនេះ ដោយសារតែកំណើនយឺតនៃការនាំចេញក្នុងរយៈពេល៤ខែដំបូង ។
ក្រសួងឧស្សាហកម្ម និងពាណិជ្ជកម្មបានរាយការណ៍ថា ក្នុងរយៈពេល៤ខែដើមឆ្នាំនេះ វៀតណាមសម្រេចបានកំណើនពីមួយឆ្នាំទៅមួយឆ្នាំ ៦%នៅក្នុងតម្លៃនៃការនាំចេញសរុបស្មើនឹង៥២,៨៧ប៊ីលានដុល្លារ ។ អត្រានេះ គឺទាបជាងអត្រាកំណើន៧,២% នៅក្នុងរយៈពេល៤ខែដូចគ្នាក្នុងឆ្នាំ២០១៥ ។
អ្នកជំនាញមានក្ដីបារម្ភអំពីការសម្រេចគោលដៅប្រចាំឆ្នាំនៅក្នុងអត្រាកំណើន១០% ដែលមានតម្លៃទឹកប្រាក់នាំចេញសរុបស្មើនឹង១៨១ប៊ីលានដុល្លារក្នុងរយៈពេញមួយឆ្នាំនេះ។
ក្រសួងបាននិយាយថា ជាមួយនឹងអត្រាកំណើនសេដ្ឋកិច្ចយឺតក្នុងរយៈពេល៤ខែដំបូងនេះ តម្លៃនាំចេញរបស់ជាតិ ត្រូវតែឈានដល់កម្រិតជាមធ្យម១៦ប៊ីលានដុល្លារក្នុង១ខែនៅក្នុងរយៈពេល៨ខែ ដែលសេសសល់ដើម្បីឈានដល់សម្រេចគោលដៅនាំចេញរបស់ខ្លួនក្នុងឆ្នាំនេះ ។
យោងតាមកាសែតក្នុងស្រុកមួយបានរាយការណ៍ថា នេះជាបញ្ហាប្រឈមធំបំផុតសម្រាប់ប្រទេសជាតិ ដោយសារតែតម្លៃនៃការនាំចេញជាមធ្យមក្នុងរយៈពេល៤ខែដំបូងនេះ មានទឹកប្រាក់ត្រឹមតែ១៣,២ប៊ីលានដុល្លារប៉ុណ្ណោះក្នុង១ខែ ខណៈដែលតម្លៃនៃការនាំចេញក្នុងឆ្នាំ២០១៥ បានឈានដល់១៣,៥ប៊ីលានដុល្លារក្នុង១ខែ ។
ក្រសួងបាននិយាយថា កំណើនយឺតក្នុងការនាំចេញដោយសារតែការកាត់បន្ថយដ៏ខ្លាំងក្លានៃតម្លៃនាំចេញប្រេង និងពពួករ៉ែប្រមាណ៤៤,៩% ខណៈដែលបណ្ដាឧស្សាហកម្មដទៃទៀតមានអត្រាកំណើនជាមធ្យម៥%ប៉ុណ្ណោះ បូករួមទាំងផលិតផលគីមី, វាយនភ័ណ្ឌ, រោងចក្រ និងស្បែកជើង ។
ក្រសួងបន្ដថា តម្លៃជាមធ្យមនៃការនាំចេញរបស់វៀតណាមបានធ្លាក់ចុះ ខណៈដែលតម្លៃនៃផលិតផលកាលពីមុន មិនរាប់បញ្ចូលសាច់ប្រាក់ និងស្រូវ បានធ្លាក់ចុះនៅក្នុងទីផ្សារសកល ។
អនុប្រធានសមាគមសហគ្រិន លោក Pham Ngoc Hung បាននិយាយថា ៖ « សហគ្រាសក្នុងស្រុកគួរតែកសាងយុទ្ធសាស្ត្រសម្រាប់ផលិតកម្មនិងពាណិជ្ជកម្ម និងស្ដារហេដ្ឋារចនាសម្ព័ន្ធសហគ្រាសឡើងវិញ ដើម្បីបង្កើនគុណភាពផលិតផល និងសមត្ថភាពក្នុងការប្រកួតប្រជែងរបស់ក្រុមហ៊ុន » ។
ក្រសួងនឹងទទួលការគាំទ្រដ៏សមស្របដើម្បីឲ្យសហគ្រាសក្នុងស្រុកប្រតិបត្តិការយ៉ាងមានប្រសិទ្ធភាពនៅក្នុងទីផ្សារ ដែលប្រទេសវៀតណាមបានចុះកិច្ចព្រមព្រៀងពាណិជ្ជកម្មសេរីសម្រាប់ពង្រីកការនាំចេញទៅកាន់ទីផ្សាររបស់ពួកគេ ។ ទន្ទឹមនឹងនេះ ក្រសួងក៏ផ្ដល់ព័ត៌មានថ្មីៗដល់សហគ្រាសក្នុងស្រុកអំពីគុណសម្បត្តិនៃកិច្ចព្រមព្រៀងសេរីជាមួយដៃគូក្រៅប្រទេសផងដែរ ។
លោក Tran Thanh Hai អនុប្រធាននាយកដ្ឋាននាំចូល-នាំចេញ បានឲ្យដឹងថា ៖ « សហគ្រាសគួរតែដឹងនូវព័ត៌មានថ្មីៗអំពីកិច្ចព្រមព្រៀងពាណិជ្ជកម្មសេរី ដើម្បីទទួលបានគុណសម្បត្តិពេញលេញពីកិច្ចព្រមព្រៀងនេះ និងកំណើននៃតម្លៃនាំចេញផលិតផលរបស់ពួកគេ » ៕
ចែករំលែកព័តមាននេះ