១-ក្តីរំពឹង៖ មួយភាគធំនៃសមាជិកក្រុមជម្រើសជាតិអេស្ប៉ាញបច្ចុប្បន្នគឺសុទ្ធតែជាកីឡាករធ្លាប់បានចូលរួមប្រកួតកាលពីEuro 2012 ដែលពេលនោះអេស្ប៉ាញជាម្ចាស់ជើង ឯក ។ ជាមួយនឹងបច្ចេកទេសនៃការប្រកួតនានាធ្វើឱ្យក្រុមជម្រើសជាតិមួយនេះកាន់តែមានប្រៀបលើគូបដិបក្ខ ។
វាហាក់ដូចជាមិនមានគូប្រជែងណាខ្លាំងជាងក្រុមអេស្ប៉ាញនេះទេ ព្រោះថា អេស្ប៉ាញបានយកឈ្នះការប្រកួតជាច្រើនមកហើយដូចជាក្នុងព្រឹត្តិការណ៍ Euro 2008, World Cup 2010 និង Euro 2012 ។ ប៉ុន្តែវាជាសុបិនអាក្រក់មួយសម្រាប់អេស្ប៉ាញដែលមិនមែនជាម្ចាស់ជើងឯក World Cup 2014 ។
គ្រូបង្វឹកលោក Vicente del Bosque ជឿជាក់ថា ក្រុមជម្រើសជាតិរបស់លោកនឹងអាចឈានជើងដល់វគ្គផ្តាច់ព្រ័ត្រក្នុងការប្រកួត Euro 2016 នេះ ។
២-លទ្ធផលល្អ៖ អេស្ប៉ាញក្លាយជាក្រុមជម្រើសជាតិដំបូងបង្អស់ដែលអាចរក្សាតំណែងជាម្ចាស់ជើងឯក២ឆ្នាំជាប់ៗគ្នា ដែលលើកចុងក្រោយ អេស្ប៉ាញបានបំបាក់អីុតាលីក្នុងលទ្ធផល ៤-០ នៅវគ្គផ្តាច់ព្រ័ត្រ Euro 2012 ។
៣-កីឡាករក្នុងចំណាប់អារម្មណ៍៖ ខ្សែបម្រើ David Silva, ខ្សែការពារ Sergio Ramos, ខ្សែបម្រើ Sergio Busquets, ខ្សែបម្រើ Andrés Iniesta, និងខ្សែប្រយុទ្ធ Diego Costa ។ អេស្ប៉ាញកាន់តែខ្លាំងមួយកម្រិតទៀតជាមួយនឹងកីឡាករឆ្នើមៗទាំងអស់នេះ ។ ចំពោះកីឡាករ David Silva ជាធម្មតាតែងតែលេងនៅស្លាបខាងស្តាំបម្រើឱ្យខ្សែប្រយុទ្ធ ក៏ប៉ុន្តែកីឡាកររូបនេះតែងតែរកឱកាសល្អក្នុងការស៊ុតបញ្ចូលទីដោយខ្លួនឯង ជាមួយនឹងភាពវៃឆ្លាតរបស់ខ្លួន ។
៤-គ្រូបង្វឹក៖ លោក Vicente del Bosque អាយុ៦៤ឆ្នាំ ជនជាតិអេស្ប៉ាញ ត្រូវបានតែងតាំងជាគ្រូបង្វឹកក្នុងឆ្នាំ២០០៨ ។ ស្នាដៃដែលមិនអាចបំភ្លេចបានរបស់លោកគឺបានជួយឱ្យអេស្ប៉ាញក្លាយជាម្ចាស់ជើងឯក World Cup 2010 និង Euro 2012 ។
៥-បញ្ជីឈ្មោះសមាសភាពកីឡាករសរុប
(បណ្តោះអាសន្ន)៖
-អ្នកចាំទី៖ Iker Casillas (Captain) (Porto), David de Gea (Man Utd), Sergio Rico (Sevilla) ។
-ខ្សែការពារ៖ Sergio Ramos (Real Madrid), Gerard Pique (Barcelona), Jordi Alba (Barcelona), Juanfran (Atlético), César Azpilicueta (Chelsea), Marc Bartra (Barcelona), Nacho (Real Madrid), Mario Gaspar (Villarreal) ។
-ខ្សែបម្រើ៖ Cesc Fàbregas (Chelsea), David Silva (Man City), Juan Mata (Man Utd), Koke (Atlético), Isco (Real Madrid), Thiago (Bayern), Mikel San José (Bilbao), Sergi Roberto (Barcelona), Sergio Busquet (Barcelona), Andrés Iniesta (Barcelona) ។
-ខ្សែប្រយុទ្ធ៖ Pedro (Chelsea), Paco Alcácer (Valencia), Álvaro Morata (Juventus), Nolito (Celta), Aritz Aduriz (Bilbao), Diego Costa (Chelsea) ៕
ចែករំលែកព័តមាននេះ