នីឡា បញ្ជាក់ថានាយចឺម មិនឈឺចិត្តដោយសារនាងទេ
រាជធានីភ្នំពេញ ៖ កញ្ញាវ៉ាន់ នីឡា ក្រោយភ្ជាប់ពាក្យជាមួយកូនថៅកែល្ខោនបាសាក់ «ភី សុគន្ធី» រួចមក បានច្រានចោលពាក្យលេចឮថា នាយចឺមដៃគូកំប្លែងជាមួយគ្នា ខូចចិត្តដោយសារនាង ។
រាជធានីភ្នំពេញ ៖ កញ្ញាវ៉ាន់ នីឡា ក្រោយភ្ជាប់ពាក្យជាមួយកូនថៅកែល្ខោនបាសាក់ «ភី សុគន្ធី» រួចមក បានច្រានចោលពាក្យលេចឮថា នាយចឺមដៃគូកំប្លែងជាមួយគ្នា ខូចចិត្តដោយសារនាង ។
រាជធានីភ្នំពេញ ៖ កញ្ញាវ៉ាន់ នីឡា ក្រោយភ្ជាប់ពាក្យជាមួយកូនថៅកែល្ខោនបាសាក់ «ភី សុគន្ធី» រួចមក បានច្រានចោលពាក្យលេចឮថា នាយចឺមដៃគូកំប្លែងជាមួយគ្នា ខូចចិត្តដោយសារនាង ។
លើទំព័រហ្វេសប៊ុករបស់ខ្លួន នាថ្ងៃទី២១ ឧសភា ឆ្នាំ២០១៦ កញ្ញាវ៉ាន់ នីឡា បានបង្ហាញវីដេអូឃ្លីបបកស្រាយថា «ពីរនាក់ខ្ញុំ គឺបងចឺម គឺជាដៃគូលេងកំប្លែងជាមួយគ្នាដោយមិនបានស្រលាញ់គ្នាអីនោះទេ យើងគ្រាន់តែជាដៃគូជាមួយគ្នា រាប់អានគ្នាដូចជាបងប្អូន អត់មានថា ទាក់ទងគ្នា ស្រឡាញ់គ្នា អត់ទេ ។ ហើយដែលថា នាយចឺមត្រូវស្រក់ទឹកភ្នែកអត់មានទេ ព្រោះបងចឺមក៏គាត់មានសង្សារដែរ ។ អីុចឹងឱ្យតែលេងជាមួយគ្នាសុទ្ធតែស្រឡាញ់គ្នា…» ។
ស្របពេលជាមួយគ្នានេះ វ៉ាន់ នីឡា ទទូចសុំកុំឱ្យយករូបថតរបស់នាង និងនាយចឺមផ្គូផ្គងគ្នាទៀត ព្រោះគូដណ្តឹងរបស់នាងមិនសប្បាយចិត្តទេ ។ គូដណ្តឹងនាងពិបាកទទួលយករឿងនេះ ។
ទាក់ទិនមតិរិះគន់ថា នាងភ្ជាប់ពាក្យទាំងវ័យក្មេង ខណៈគូដណ្តឹងអាយុលើសនាងច្រើនឆ្នាំនោះកញ្ញាវ៉ាន់ នីឡា ឆ្លើយតបថា ការស្រឡាញ់គ្នាគេមិនគិតពីអាយុទេ បើទោះបីជារូបនាង និងគូដណ្តឹងមានវ័យខុសគ្នាចន្លោះពី១៧ឆ្នាំទៅ២៤ឆ្នាំក៏ដោយចុះ ។ សំខាន់អ្នកដែលនាងជ្រើសរើសអាចមើលថែនាងជំនួសឪពុកម្តាយនាងបាននាពេលអនាគត ។
វ៉ាន់ នីឡា និងគូដណ្តឹងឈ្មោះផន រង្សី បានភ្ជាប់ពាក្យកាលពីថ្ងៃទី១៩ ឧសភា ឆ្នាំ២០១៦ ដោយខាងប្រុសជូនបណ្ណាការចំនួន៣ម៉ឺនដុល្លារ។ អ្នកទាំងពីរគ្រោងរៀបការក្នុងរយៈពេលប្រមាណ៣ឆ្នាំទៀត ៕
ចែករំលែកព័តមាននេះ