ខេត្តក្រចេះ ៖ តុលាការខេត្តក្រចេះ ព្រះរាជអាជ្ញាររងអមសាលាដំបូងខេត្ត លោកហាក់ ហ៊ាន់ បានបញ្ជាក់ឱ្យដឹងនៅថ្ងៃទី២៣ ឧសភា នេះថា ក្រោយការពិនិត្យលើសំណុំរឿងករណីគ្រោះថ្នាក់ចរាចរណ៍របស់នគរបាលស្ថាប័នអយ្យការសម្រេចចេញដីកាកោះ
ខេត្តក្រចេះ ៖ តុលាការខេត្តក្រចេះ ព្រះរាជអាជ្ញាររងអមសាលាដំបូងខេត្ត លោកហាក់ ហ៊ាន់ បានបញ្ជាក់ឱ្យដឹងនៅថ្ងៃទី២៣ ឧសភា នេះថា ក្រោយការពិនិត្យលើសំណុំរឿងករណីគ្រោះថ្នាក់ចរាចរណ៍របស់នគរបាលស្ថាប័នអយ្យការសម្រេចចេញដីកាកោះហៅបុគ្គលិករបស់អង្គការម្នាក់ឈ្មោះស៊ឹង គឹមស៊ារ មានមុខងារជានាយករងទី១ នៃសាខាខេត្តក្រចេះ របស់អង្គការការពាព្រៃឈើសត្វព្រៃ និងបរិស្ថានឱ្យចូលបំភ្លឺនៅថ្ងៃទី១៦ មិថុនា ខាងមុខនេះ នៅជុំវិញករណីគ្រោះថ្នាក់ចរាចរណ៍កាលពីថ្ងៃទី១២ ឧសភា នៅលើនៅផ្លូវជាតិលេខ៧ ក្នុងភូមិកសាង ឃុំចង្ក្រង់ ស្រុកចិត្របុរី ។
ការចេញដីកាកោះហៅរបស់សាលាដំបូងខេត្ត ទៅលើបុគ្គលិករបស់អង្គការនេះ គឺបានធ្វើឡើងក្រោយរយៈពេល១សប្តាហ៍ បន្ទាប់ពីបុរសជាប្រធានទី១របស់អង្គការនេះ បានយកតួនាទី និងអំណាចរបស់គេទៅប្រើប្រាស់ ដោយធ្វើអាជីវកម្មលើផ្លូវជាតិ គឺបើករថយន្តប្រដេញកាក់ទារលុយពីរថយន្តដឹកឈើក្តារ ហើយក៏បានធ្វើសកម្មភាពភ្លាត់ស្នៀតជាលើក ចុងក្រោយកាលពីព្រឹកថ្ងៃទី១២ ឧសភា និងបានបង្កឲ្យមានគ្រោះថ្នាក់ចរាចរណ៍ដល់អ្នកធ្វើដំណើរតាមរថយន្តចំនួន២គ្រឿង ដោយសារតែបុក និងក្រឡាប់។
រថយន្តសាំយ៉ុងយ៉ាងហោច២គ្រឿង ក្នុងនោះមានមួយគ្រឿងមានផ្ទុកឈើក្តារ បានបុកគ្នាពេញទំហឹងចំពីមុខ បណ្តាលឲ្យខូចខាតធ្ងន់ធ្ងរ នៅលើផ្លូវជាតិ និងបានបង្កឲ្យអ្នកជិះរងរបួសធ្ងន់-ស្រាល ដោយសារតែការបើកគេចពីការប្រដេញប្រមាញ់កាក់ទាលុយលើ ចម្ងាយផ្លូវរាប់សិបគីឡូម៉ែត្ររបស់បុគ្គលិកអង្គការការពារសត្វព្រៃ និងបរិស្ថា ឈ្មោះស៊ឹង គឹមស៊ារ ។
ចែករំលែកព័តមាននេះ