រាជធានីភ្នំពេញ ៖ ក្រុមហ៊ុន ECI Distribution ដែលជាក្រុមហ៊ុនឈានមុខគេមួយក្នុងការនាំចូល និងចែកចាយផលិតផលម៉ាស៊ីនកុំព្យូទ័រ ព្រីនធ័រ ម៉ាស៊ីនហ្វូតូកូពី ហើយនិងឧបករកណ៍អេឡិចត្រូនិកផ្សេងៗទៀត
រាជធានីភ្នំពេញ ៖ ក្រុមហ៊ុន ECI Distribution ដែលជាក្រុមហ៊ុនឈានមុខគេមួយក្នុងការនាំចូល និងចែកចាយផលិតផលម៉ាស៊ីនកុំព្យូទ័រ ព្រីនធ័រ ម៉ាស៊ីនហ្វូតូកូពី ហើយនិងឧបករកណ៍អេឡិចត្រូនិកផ្សេងៗទៀត ព្រមទាំងផ្ដល់ដំណោះស្រាយផ្នែកបច្ចេកវិទ្យាដ៏ធំនៅក្នុងព្រះរាជាណាចក្រកម្ពុជា បានសហការគ្នាជាមួយនឹងក្រុមហ៊ុន Fuji Xerox ដែលជាក្រុមហ៊ុនផលិតម៉ាស៊ីនព្រីន និងហ្វូតូកូពីដ៏ល្បីល្បាញរបស់ប្រទេសជប៉ុន បានបើកសម្ពោធជាផ្លូវការផលិតផល Fuji Xerox ថ្មីៗ ជាច្រើនប្រភេទ និងមានការជប់លៀងជូនដៃគូចែកចាយបន្តរបស់ខ្លួនផងដែរ ។ កម្មវិធីនេះ ប្រព្រឹត្តទៅនៅសណ្ឋាគារ រ៉ាហ្វល់ ឡឺរ៉ូយ៉ាល់ កាលពីល្ងាចថ្ងៃទី១៩ ឧសភា ២០១៦ ។
លោក Len Tan អគ្គនាយកគ្រប់គ្រងក្រុមហ៊ុន ECI Distribution បានឱ្យដឹងថា គោលបំណងសំខាន់នៃការរៀបចំពិធីបង្ហាញនូវផលិតផលថ្មីរបស់ Fuji Xerox ក៏ដូចជារៀបចំឱ្យមានពិធីជប់លៀងជូនដល់ដៃគូចែកចាយបន្តនៅពេលនេះ គឺជាការចូលរួមចំណែកមួយដ៏សំខាន់ក្នុងការចែករំលែកនូវបទពិសោធន៍ថ្មីៗ និងបច្ចេកវិទ្យាទំនើបៗដែលមាននៅលើផលិតផលថ្មីរបស់ Fuji Xerox ដែលកំពុងតែមានតម្រូវការពីអតិថិជននៅក្នុងទីផ្សារប្រទេសកម្ពុជានាពេលបច្ចុប្បន្ននេះ ពីព្រោះថាផលិតផលថ្មីរបស់ Fuji Xerox មិនត្រឹមតែមានការពេញនិយមពីសំណាក់អ្នកប្រើប្រាស់ជាច្រើននៅកម្ពុជាប៉ុណ្ណោះទេ នៅលើពិភពលោក ក៏កំពុងពេញនិយមយ៉ាងខ្លាំងផងដែរ ។ មួយវិញទៀត គឺយើងចង់បង្កើននូវការប្រាស្រ័យទាក់ទងគ្នា ឱ្យបានកាន់តែជិតស្និទ្ធមួយកម្រិតទៀតរវាងក្រុមហ៊ុនជាមួយនឹងតំណាងចែកចាយបន្តទាំងអស់ដែលពួកគាត់បានខិតខំជួយជំរុញការលក់ឱ្យក្រុមហ៊ុន ECI Distribution និងផលិតផល Fuji Xerox ទទួលបាននូវជោគជ័យ និងមានភាពល្បីល្បាញរហូតមកដល់ពេលនេះ ។
ព្រឹត្តិការណ៍នេះដែរ ក៏មានការធ្វើបទបង្ហាញស្តីពីការវិវត្តរីកចម្រើនរបស់ក្រុមហ៊ុន Fuji Xerox តំបន់ក៏ដូចជាបង្ហាញពីបច្ចេកវិទ្យាទំនើបៗ ដែលមានបំពាក់មកជាមួយផលិតផលម៉ាស៊ីនព្រីនធ័រ រួមនឹងម៉ាស៊ីនហ្វូតូកូពីរបស់ Fuji Xerox ម៉ូដែលថ្មីៗ ដែលនឹងមានវត្តមាននៅលើទីផ្សារព្រះរាជាណាចក្រកម្ពុជា ។
គួរបញ្ជាក់ថា រហូតមកដល់សព្វថ្ងៃនេះ ក្រុមហ៊ុន ECI Distribution មានក្រុមហ៊ុនដៃគូសហការជាច្រើនហើយនឹងមានតំណាងចែកចាយធំៗចំនួន៣ នៅភ្នំពេញ ក្នុងនោះមាន ICE កុំព្យូទ័រ សាខាមុនីវង្ស , ICE អេឡិចត្រូនិកសាខាអូឡាំពិក និងICE អេឡិចត្រូនិកសាខាទឹកថ្លា ៕
ចែករំលែកព័តមាននេះ