ប្រទេសសិង្ហបុរី ៖ ក្រុមហ៊ុនអភិវឌ្ឍន៍អចលនទ្រព្យសិង្ហបុរីនៅតែមានសុទិដ្ឋិនិយមលើទីផ្សារអចលនទ្រព្យនៅក្នុងត្រីមាសទី១នេះ បើធៀបនឹងឆ្នាំមុន ។ ទោះបីជាយ៉ាងណា បើគិតពីតុល្យភាពពួកគេរំពឹងថា
ប្រទេសសិង្ហបុរី ៖ ក្រុមហ៊ុនអភិវឌ្ឍន៍អចលនទ្រព្យសិង្ហបុរីនៅតែមានសុទិដ្ឋិនិយមលើទីផ្សារអចលនទ្រព្យនៅក្នុងត្រីមាសទី១នេះ បើធៀបនឹងឆ្នាំមុន ។ ទោះបីជាយ៉ាងណា បើគិតពីតុល្យភាពពួកគេរំពឹងថា អ្វីៗអាចនឹងកាន់តែអាក្រក់ទៅ ។ នេះបើយោងតាមការស្ទាបស្ទង់មតិរបស់ក្រុមហ៊ុនអចលនទ្រព្យ NUS-Redas Real Estate Sentiment Index ។
សន្ទស្សន៍នៃការយល់ឃើញបច្ចុប្បន្នមានការកើនឡើង៣,៦%នៅក្នុងត្រីមាសទី៤ បើធៀបនឹងអត្រា៣,៩%នៅក្នុងត្រីមាសទី១ ខណៈដែលសន្ទស្សន៍ការយល់ឃើញបច្ចុប្បន្នបានកើនឡើងពី៣,៤% ទៅ៣,៦% ។
លោក Sing Tien Foo សាស្ត្រាចារ្យនៃអគ្គនាយកដ្ឋានអចលនទ្រព្យនៃសកលវិទ្យាល័យជាតិសិង្ហបុរី បានថ្លែងថា ៖ « បរិយាកាសទីផ្សារនៅតែមានភាពទន់ខ្សោយ ខណៈដែលពិន្ទុនៃការយល់ឃើញកាន់តែធ្លាក់ដុនដាបទៅសម្រាប់ហានិភ័យដែលមានសក្តានុពល និងអាចធ្វើឲ្យប៉ះពាល់ដល់ទស្សនវិស័យក្នុងរយៈពេល៦ខែទៀត » ។
អ្នកឆ្លើយតបចំនួន៨៤,៤%រំពឹងថា សេដ្ឋកិច្ចនឹងធ្លាក់ចុះ ខណៈអ្នកឆ្លើយតប៦៨,៨%ទៀតឆ្លើយថា នឹងបាត់បង់ការងារ ហើយអាចជះឥទ្ធិពលដល់សេដ្ឋកិច្ចក្នុងស្រុក ។
ការរំពឹងទុកនៃការផ្គត់ផ្គង់៣ភាគនៃក្រុមហ៊ុនអភិវឌ្ឍន៍រំពឹងថា ចំនួននៃគម្រោងដែលសម្ពោធថ្មីបានកើនឡើងបន្តិច ខណៈ៥២,៨%ទៀតរំពឹងថា វាដូចគ្នានឹងពាក់កណ្តាលឆ្នាំបន្ទាប់ ។ ចំណែកការប្រែប្រួលតម្លៃ ៤៧,២%រំពឹងថា តម្លៃនឹងធ្លាក់ចុះក្នុងរយៈពេលកន្លះឆ្នាំទៀត រីឯ៤៤,៤%ទៀតរំពឹងថា តម្លៃនឹងគ្មានការប្រែប្រួលអ្វីឡើយ ។
ភាគច្រើននៃអ្នកឆ្លើយតបចំនួន៥៨,៤% បានបញ្ជាក់ពីទីផ្សារអចលនទ្រព្យនឹងកាន់តែអាក្រក់ទៅៗ ប្រសិនបើរដ្ឋាភិបាលមិនចាត់វិធានការទប់ស្កាត់ទេនោះ ។ ទីផ្សារអចលនទ្រព្យរបស់សិង្ហបុរី នឹងរងការជះឥទ្ធិពលខ្ពស់ដោយសារតែទស្សនវិស័យអវិជ្ជមាន ។
ទោះជាយ៉ាងណា ការរើបឡើងវិញក្នុងរយៈពេលខ្លីនៃទីផ្សារមូលធននេះ គឺដោយសារតែមានអត្រាការប្រាក់ទាប ៕
ចែករំលែកព័តមាននេះ