ខេត្តចំនួន ៥ ជាប់បឹងទន្លេសាប នឹងដាំឫស្សីផ្អែម លើផ្ទៃដីដកហូត
- បន្ទាយមានជ័យ
ខេត្តបន្ទាយមានជ័យ៖ ឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី៦ ខែធ្នូ ឆ្នាំ២០២១…
ខេត្តបន្ទាយមានជ័យ៖ ឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី៦ ខែធ្នូ ឆ្នាំ២០២១…
ខេត្តបន្ទាយមានជ័យ៖ ឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី៦ ខែធ្នូ ឆ្នាំ២០២១ កន្លងទៅ បានដឹកនាំប្រតិភូថ្នាក់ជាតិទៅពិនិត្យព្រៃលិចទឹកតំបន់ ៣បឹងទន្លេសាប ក្នុងភូមិសាស្ត្រឃុំសំបួរ ស្រុកមង្គលបុរីជាប់ព្រំប្រទល់ឃុំតាពូង ស្រុកថ្មគោល ខេត្តបាត់ដំបង។
រួមដំណើរជាមួយឯកឧត្តមឧបនាយករដ្ឋមន្ត្រី មាននាយឧត្តមសេនីយ៍ សៅ សុខា អគ្គបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថផ្ទៃប្រទេស និងក្រុមការងារថ្នាក់ជាតិ និងខេត្តជាច្រើនរូបទៀត។
ឯកឧត្តមឧបនាយករដ្ឋមន្ត្រី ជា សុផារ៉ា មានប្រសាសន៍ថា បទបញ្ជាសម្តេចតេជោ ហ៊ុន សែន គឺត្រូវបង្ក្រាបនិងទប់ស្កាត់ការចូលទន្ទ្រានដីព្រៃលិចទឹកតំបន់៣ បឹងទន្លេសាបឱ្យបាន។ ការលួចទន្ទ្រានយកដីព្រលិចទឹក ត្រូវបញ្ឈប់សកម្មភាពជាបន្ទាន់ និងត្រូវតែដកហូតមកវិញទុកជាសម្បត្តិរដ្ឋ។ យើងបានឯកភាពគ្នាចំនួន៥ខេត្តហើយឱ្យដាំឫស្សីផ្អែម ស្ដារឡើងវិញនៅកន្លែងទន្ទ្រានព្រៃលិចទឹក។
របាយការណ៍របស់ខេត្តបន្ទាយមានជ័យឱ្យដឹងថា ដីតំបន់៣មានផ្ទៃដី ១២.២៩៧ហិកតា ត្រូវបានទន្ទ្រាកាន់កាប់អស់៥.៣៥០ហិកតា។
ឯកឧត្តម បញ្ជាក់ថា ព្រៃលិចទឹកតំបន់៣ ដែលរងការរុករានទន្ទ្រានកាន់កាប់បំផ្លាញព្រៃនិងបានដកហូតជាសម្បត្តិរដ្ឋមកវិញ ត្រូវស្ដារឡើងវិញដោយការដាំឫស្សីផ្អែមដែលក្នុងរយៈពេលតែ៣ឆ្នាំទទួលផល។
ឯកឧត្តមឧបនាយករដ្ឋមន្ត្រី ជា សុផារ៉ា បានបញ្ជាក់ថា នៅពេលចុះពិនិត្យជាក់ស្តែង ព្រៃលិចទឹកតំបន់៣ ភូមិសាស្ត្រស្រុកមង្គលបុរីឃើញមានស្រូវដែលប្រមូលផលបានពីដីព្រៃលិចទឹកតំបន់៣ និងត្រៀមបម្រុងនៅពេលទឹកស្រក កសិករចុះបង្កបង្កើនផលព្រោះឃើញមានស្រូវពូជច្រើន ។ បើឱ្យគោយន្តដឹកប្រើពេល២ទៅ៣សប្តាហ៍ក៏មិនអស់ផង។
អាជ្ញាធរខេត្ត និងមន្ទីរពាក់ព័ន្ធ ត្រូវធ្វើរបាយការណ៍ជាប្រចាំពីលទ្ធផលដកហូតដីតំបន់៣ បើយើងមិនរួមគ្នាបង្ក្រាប និងទប់ស្កាត់ទេ ស្មើនឹងនាំគ្នាបំផ្លាញបរិស្ថាន។ ត្រូវដាំឫស្សីផ្អែម និងស្រាវជ្រាវរកបង្គោល ដែលបាត់ និងដួល ឬទ្រេត។ ត្រូវដាំឡើងវិញ លើកប៉ាណូផ្សព្វផ្សាយអប់រំណែនាំ មិនត្រូវរំលោភបំពានដីតំបន់៣ដើម្បីចូលរួមថែរក្សាជម្រកមច្ឆជាតិ៕
ចែករំលែកព័តមាននេះ