អូស្ត្រាលី រកឃើញពូជថ្មីមួយទៀត បំប្លែងចេញពីអូមីក្រុង មានឈ្មោះថា”Omicron-Like”
ស៊ីដនី ៖ ប្រទេសអូស្ត្រាលី បានរាយការណ៍ រកឃើញពូជពង្សថ្មី មានឈ្មោះថា”Omicron-Like” ដែលបំប្លែងចេញពីវីរុស អូមីក្រុង នេះបើយោងតាមសារព័ត៌មាន ABC…
ស៊ីដនី ៖ ប្រទេសអូស្ត្រាលី បានរាយការណ៍ រកឃើញពូជពង្សថ្មី មានឈ្មោះថា”Omicron-Like” ដែលបំប្លែងចេញពីវីរុស អូមីក្រុង នេះបើយោងតាមសារព័ត៌មាន ABC របស់អូស្ត្រាលីចេញផ្សាយនៅថ្ងៃទី០៨ ធ្នូ ២០២១នេះ ។
បុរសជនជាតិអាហ្វ្រិកខាងត្បូងម្នាក់ ក្នុងរដ្ឋ ឃ្វីនឡែន ដែលបានធ្វើតេស្តវិជ្ជមានចំពោះ អូមីក្រុង ប៉ុន្តែមានកំណែទម្រង់ហ្សែនខុសគ្នា នៃមេរោគអូមីក្រុង ដែលអ្នកជំនាញបានដាក់ឈ្មោះថា ‘Omicron Like’ ពូជថ្មីមួយទៀតក្នុងពិភពលោក ។
បុរសខាងលើ ដែលទើបត្រឡប់មកពីតំបន់ភាគកណ្តាលនៃខេត្ត Gauteng នៃប្រទេសអាហ្វ្រិកខាងត្បូង កាលពីសប្តាហ៍មុន កំពុងដាក់នៅដាច់ដោយឡែកពីគេ នៅឯសណ្ឋាគារ Brisbane ខណៈអ្នកជំងឺ មានរោគសញ្ញាស្រាល ។
រដ្ឋមន្ត្រីសុខាភិបាល នៃរដ្ឋឃ្វីនឡែន លោកស្រី Yvette D’Ath បានបញ្ជាក់ពីករណីនេះ មានន័យថា វីរុស អូមីក្រុង ឥឡូវនេះ ត្រូវបានចាត់ថ្នាក់ចេញជា ២ត្រកូល ដោយគណៈកម្មាធិការអន្តរជាតិ ។
លោកស្រីបាននិយាយថា “យើងកំពុងឈរនៅទីនេះ ដើម្បីប្រកាសអំពី កំណែថ្មីនៃវីរុសអូមីក្រុង ហើយវាគឺជាពូជថ្មី លើកដំបូង នៅក្នុងពិភពលោក” ។
ករណី Omicron Like ក៏ត្រូវបានរាយការណ៍ថា រកឃើញនៅអាហ្វ្រិកខាងត្បូង និងកាណាដា ផងដែរ ប៉ុន្តែមិនមានរបាយការណ៍ផ្លូវការ ។
បច្ចុប្បន្ននេះ មិនទាន់មានព័ត៌មានណាមួយថា តើ Omicron Like នេះ វាអាចឆ្លងច្រើន ឬតិចជាងអូមីក្រុង ឫមួយវាកាចខ្លាំងជាងវ៉ាក់សាំង យ៉ាងណានោះទេ ៕
ចែករំលែកព័តមាននេះ