រាជធានីភ្នំពេញ ៖ បន្ទាប់ពីទទួលបានភាពជោគជ័យនៃម៉ាក Pedro នៅក្នុងប្រទេសកម្ពុជា ម៉ាកផលិតផលរបស់ប្រទេសអេស្ប៉ាញមួយទៀត បានចូលមករាជធានីភ្នំពេញ ដើម្បីមកវាយលុកទីផ្សារស្បែកជើងប៉ាតា
រាជធានីភ្នំពេញ ៖ បន្ទាប់ពីទទួលបានភាពជោគជ័យនៃម៉ាក Pedro នៅក្នុងប្រទេសកម្ពុជា ម៉ាកផលិតផលរបស់ប្រទេសអេស្ប៉ាញមួយទៀត បានចូលមករាជធានីភ្នំពេញ ដើម្បីមកវាយលុកទីផ្សារស្បែកជើងប៉ាតា នោះគឺម៉ាកអន្តរជាតិ Victoria។
ស្បែកជើងប៉ាតាកំពុងតែមានសន្ទុះប្រជាប្រិយភាពខ្លាំងនៅលើទីផ្សារកម្ពុជា។ យុវវ័យខ្មែរមានការពេញនិយមខ្លាំងជាមួយនឹងម៉ាកស្បែកជើង Yeezys, Roshes និង Air Jordan ដែលអាចរកទិញបាននៅផ្សារទំនើបសូរិយា និងហាងផ្សេងៗជាដើម។ ជាការពិតណាស់ ស្បែកជើងទាំងនោះ អាចមានតម្លៃរហូតដល់រាប់រយដុល្លារ (១.២០០ដុល្លារសម្រាប់ស្បែកជើង Adidas Yeezy បង្កើតដោយអ្នកចំរៀងអាមេរិកដ៏ល្បី គឺលោក Kanye West) តែត្រូវបានលក់តែ៣០ដុល្លារតែប៉ុណ្ណោះជិតផ្សារថ្មី។ ស្បែកជើងក្លែងក្លាយទាំងអស់នេះ មានលក់គ្រប់ទីកន្លែង ហើយលក់ដាច់ថែមទៀតផង។
ផលិតផលពិតក៏មាននៅលើទីផ្សារដែរ។ ក្រុមហ៊ុនម៉ាក Adidas និង Puma បានមកដល់កម្ពុជា មួយរយៈហើយ ហើយពេលនេះម៉ាក Nike បានមកដល់ខេត្តសៀមរាបផងដែរ តែជាអកុសល ការលក់ផលិតផលទាំងនេះ នៅតែមិនទាន់មានកម្រិតខ្ពស់នៅឡើយ។ ស្បែកជើង Original មានតម្លៃខ្ពស់ខ្លាំងដែលមនុស្សភាគច្រើនពុំមានលទ្ធភាពទិញនៅឡើយទេ។
បង្កើតឡើងតាំងពីឆ្នាំ១៩១៥ ស្បែកជើងម៉ាក Victoria នៅតែត្រូវបានផលិតឡើងក្នុងប្រទេសអេស្ប៉ាញ ដែលជាប្រទេសកំណើតរបស់ខ្លួន។ អស់អាយុកាលជាង១០០ឆ្នាំ ស្បែកជើងនេះ នូវតែរក្សាទុកម៉ូដែលដែលលក់ដាច់បំផុតរបស់ខ្លួន គឺម៉ូដែល Inglesa ។ ទោះជាយ៉ាងណាក៏ដោយ ក្រុមហ៊ុននេះ បានវិវឌ្ឍន៍ខ្លួនឆ្ពោះទៅរកវប្បធម៌ ស្បែកជើង ប៉ាតា បានយ៉ាងជោគជ័យ។ ស្បែកជើងម៉ាកល្បីៗទាំងនេះ គឺអាចរកទិញបាននៅហាង Melrose ជាហាងលក់សម្លៀកបំពាក់ ដែលនាំចូលនូវវិស័យម៉ូដសម្លៀកបំពាក់ទំនើបថ្មីៗមកកាន់កម្ពុជា។
ភាពជោគជ័យរបស់ក្រុមហ៊ុនស្បែកជើងមួយនេះ បានមកពីអាជីវកម្មវិជ្ជាជីវៈខ្ពស់របស់ខ្លួន។ ដោយផលិតឡើងនៅក្នុងប្រទេសអេស្ប៉ាញ ស្បែកជើង Victoria គ្មានជាតិគីមី។ គ្រប់គូរស្បែកជើងនីមួយៗ ត្រូវបានបញ្ជាក់ដោយស្តង់ដា Oko-TEx ដែលធានាថា ផលិតផលពិតជាមានសុវត្ថិភាព ស័ក្តិសមបំផុត ទោះជាប៉ះពាល់ផ្ទាល់ជាមួយស្បែករួមទាំងទារកផងដែរ។ គុណភាពល្អផ្តាច់របស់ Victoria បានមកពីការប្រើប្រាស់វត្ថុធាតុដើមធម្មជាតិពីសរសៃកប្បាស១០០% បាតធ្វើឡើងពីកៅស៊ូធម្មជាតិ ដែលមានប្រភពមកពីអឺរ៉ុបទាំងអស់។
ជាមួយនឹងតំលៃចាប់ពី៤០ដុល្លារតែប៉ុណ្ណោះ ស្បែកជើង Victoria អាចទន្ទ្រានទីផ្សារបានយ៉ាងឆាប់រហ័សដោយសារពណ៌ដ៏ស្រស់ឆើតឆាយ និងរូបរាងដ៏ល្អឥតខ្ចោះរបស់ខ្លួន។
ចែករំលែកព័តមាននេះ