មន្ត្រីថា ការកាត់ទោសលោកស្រី អ៊ុងសាន ស៊ូជី បង្ហាញថាគ្មាននរណាម្នាក់នៅលើច្បាប់បានឡើយ
មីយ៉ាន់ម៉ា ៖ មន្ត្រីជាន់ខ្ពស់របបយោធាមីយ៉ាន់ម៉ាបាននិយាយកាលពីថ្ងៃអង្គារម្សិលមិញថា ការកាត់ទោសលោកស្រី អ៊ុងសាន ស៊ូជី
មីយ៉ាន់ម៉ា ៖ មន្ត្រីជាន់ខ្ពស់របបយោធាមីយ៉ាន់ម៉ាបាននិយាយកាលពីថ្ងៃអង្គារម្សិលមិញថា ការកាត់ទោសលោកស្រី អ៊ុងសាន ស៊ូជី
មីយ៉ាន់ម៉ា ៖ មន្ត្រីជាន់ខ្ពស់របបយោធាមីយ៉ាន់ម៉ាបាននិយាយកាលពីថ្ងៃអង្គារម្សិលមិញថា ការកាត់ទោសលោកស្រី អ៊ុងសាន ស៊ូជី (Aung San Suu Kyi) បង្ហាញថា គ្មាននរណាម្នាក់អាចនៅលើច្បាប់បានឡើយ ហើយមេដឹកនាំយោធាបានបន្ធូរបន្ថយទោសលោកស្រីដោយផ្អែកលើហេតុផលមនុស្សធម៌។
រដ្ឋមន្ត្រីក្រសួងព័ត៌មានលោក Maung Maung Ohn ក៏បានថ្លែងប្រាប់សន្និសិទសារព័ត៌មានផងដែរថា ប្រព័ន្ធយុត្តិធម៌របស់មីយ៉ាន់ម៉ាមិនមានភាពលំអៀងឡើយ ហើយការកាត់ទោសលោកស្រី អ៊ុងសាន ស៊ូជី ធ្វើឡើងស្របតាមច្បាប់។
ម្ចាស់ពានរង្វាន់ណូបែលសន្តិភាព លោកស្រី អ៊ុងសាន ស៊ូជី ត្រូវបានតុលាការកាត់ទោសឲ្យជាប់គុករយៈពេល ៤ឆ្នាំពីបទញ៉ុះញ៉ង់ឲ្យមានការប្រឆាំងយោធា និងរំលោ.ភបំពានបទប្បញ្ញាតិ COVID 19 ប៉ុន្តែមេដឹកនាំយោធាមីយ៉ាន់ម៉ា បានបន្ថយទោសរបស់លោកស្រីមកត្រឹមការឃុំខ្លួនរយៈពេល ២ឆ្នាំ។
លោក Maung Maung Ohn ថ្លែងថា «គ្មាននរណាម្នាក់នៅលើច្បាប់បានឡើយ ហើយប្រព័ន្ធយុត្តិធម៌មីយ៉ានម៉ាមិនលំអៀងទេ»។ ការថ្លែងរបស់លោកធ្វើឡើងក្នុងសន្និសិទសារព័ត៌មានដ៏កម្រ ដែលក្នុងអំឡុងពេលនោះរដ្ឋមន្ត្រីវិនិយោគបាននិយាយថា ស្ថានភាពនៅក្នុងប្រទេសកំពុងមានស្ថេរភាព។
មន្ត្រីជាន់ខ្ពស់ទាំងពីរនិយាយថា ការត្រៀមខ្លួនសម្រាប់ការបោះឆ្នោតមុនខែសីហា ឆ្នាំ ២០២៣ កំពុងដំណើរការ ប៉ុន្តែពួកគេមិនបានបញ្ជាក់ថាតើគណបក្សសម្ព័ន្ធជាតិដើម្បីប្រជាធិបតេយ្យរបស់លោកស្រី អ៊ុងសាន ស៊ូជី នឹងត្រូវបានអនុញ្ញាតឲ្យចូលរួមការបោះឆ្នោតឬយ៉ាងណាទេ។
លោក Maung Maung Ohn និយាយថា គណបក្សរបស់លោកស្រីកំពុងស្ថិតក្រោមការស៊ើបអង្កេតដោយគណៈកម្មការបោះឆ្នោត។
សូមរម្លឹកថា លោកស្រី អ៊ុងសាន ស៊ូជី ដែលបច្ចុប្បន្នមានវ័យ ៧៦ឆ្នាំ ត្រូវបានឃុំខ្លួនចាប់តាំងពីមានរដ្ឋប្រហារយោធាកាលពីខែកុម្ភៈ ឆ្នាំ ២០២១មក។
របបយោធារបស់លោក Min Aung Hlaing បានធ្វើការចោទប្រកាន់បន្ថែមទៀតទៅលើលោកស្រី រូមមានការរំលោភច្បាប់សម្ងាត់ផ្លូវការ អំពើពុករលួយ និងការក្លែងបន្លំក្នុងការបោះឆ្នោត។ លោកស្រីប្រឈមនឹងការជាប់គុកជាច្រើនទសវត្សរ៍ប្រសិនមានការកាត់ទោសលើគ្រប់ការចោទប្រកាន់ទាំងអស់។
ចាប់តាំងពីមានរដ្ឋប្រហារមក មនុស្សជាង១.៣០០នាក់ត្រូវបានសម្លា.ប់ និងជាង១.០០០នាក់ត្រូវបានចាប់ខ្លួននៅក្នុងការបង្ក្រាប។ នេះបើយោងតាមទិន្នន័យរបស់ក្រុមសង្កេតការ។
សហគមន៍អន្តរជាតិបានថ្កោលទោសអំពើហិ.ង្សាពីសំណាក់របបយោធា និងបានទាមទារឲ្យមានការដោះលែងលោកស្រី អ៊ុងសាន ស៊ូជី៕ (យោងតាមប្រភព៖ Channel News Asia)
ចែករំលែកព័តមាននេះ