យុវជនម្នាក់រួមគំនិតជាមួយម្តាយ សម្លា.ប់បងស្រីមានផ្ទៃពោះ ព្រោះរឿងរៀបការ
ឥណ្ឌា ៖ យុវជនម្នាក់ត្រូវបានចាប់ខ្លួននៅក្នុងប្រទេសឥណ្ឌាពីបទកា.ត់ក្បាលបងស្រីរបស់ខ្លួន ខណៈម្តាយជួយចាប់ជើងរបស់នាង។
ឥណ្ឌា ៖ យុវជនម្នាក់ត្រូវបានចាប់ខ្លួននៅក្នុងប្រទេសឥណ្ឌាពីបទកា.ត់ក្បាលបងស្រីរបស់ខ្លួន ខណៈម្តាយជួយចាប់ជើងរបស់នាង។
ឥណ្ឌា ៖ យុវជនម្នាក់ត្រូវបានចាប់ខ្លួននៅក្នុងប្រទេសឥណ្ឌាពីបទកា.ត់ក្បាលបងស្រីរបស់ខ្លួន ខណៈម្តាយជួយចាប់ជើងរបស់នាង។ នេះបើតាមការចុះផ្សាយរបស់ CNN នៅថ្ងៃពុធ ទី៨ ខែធ្នូនេះ។
ប៉ូលីសឥណ្ឌាថ្លែងប្រាប់ CNN ដូច្នេះថា ស្ត្រីរងគ្រោះដែលរៀបការប្រឆាំងបំណងរបស់ឪពុកម្តាយ មានផ្ទៃពោះពីរខែនៅពេលនាងត្រូវបានសម្លា.ប់ និងកា.ត់ក្បាលដោយប្អូនប្រុស។ នាងមានអាយុ ១៩ឆ្នាំ។
ហេតុការណ៍ដ៏រន្ធ.ត់នោះកើតឡើងកាលពីថ្ងៃអាទិត្យកន្លងទៅនេះនៅក្នុងទីក្រុង Vaijapur នៃរដ្ឋ Maharashtra របស់ឥណ្ឌា ហើយរហូតមកដល់ពេលនេះទាំងជនជាប់ចោទ និងជនរងគ្រោះមិនត្រូវបានប៉ូលីសបញ្ចេញឈ្មោះជាសាធារណៈឡើយ។
មន្ត្រីជាន់ខ្ពស់ឥណ្ឌាម្នាក់និយាយថា «ស្ត្រីវ័យ១៩ឆ្នាំនោះបានប្រឆាំងបំណងរបស់ឪពុកម្តាយ និងបានរៀបការកាលពី ៥ខែមុន។ ពួកគេរៀបការនៅមុខតុលាការ ហើយចាប់តាំងពីពេលនោះមកនាងមិនបានទាក់ទងជាមួយនឹងគ្រួសារឡើយ និងរស់នៅជាមួយប្តី»។
លោកបន្ថែមទៀតថា កាលពីថ្ងៃអាទិត្យ ម្តាយ និងប្អូនប្រុសរបស់ស្ត្រីរងគ្រោះបានមកលេងផ្ទះរបស់នាង ហើយនាងបានអញ្ជើញពួកគេឲ្យចូលក្នុងផ្ទះទទួលទានតែ។
«នៅពេលនោះហើយ ប្អូនប្រុសរបស់នាងបានយកកាំបិ.តកា.ត់ស្មៅកា.ប់នាងចំនួន៤កាំបិត និងកា.ត់ក្បាលរបស់នាង។ ពួកគេបានយកក្បាលរបស់នាងទុកនៅខាងក្រៅផ្ទះ និងខ្លួននៅខាងក្នុង»។
លោកថ្លែងបន្តថា «ស្ត្រីជាម្តាយបានជួយចាប់ជើងរបស់ស្ត្រីរងគ្រោះអំឡុងពេលមានហេតុការណ៍នោះ»។
ប៉ូលីសនិយាយថា ចំណែកប្តីស្ត្រីរងគ្រោះកំពុងដេកលង់លក់នៅក្នុងផ្ទះអំឡុងមានហេតុការណ៍កើតឡើងលើប្រពន្ធរបស់គាត់ និងបានក្រោកឡើងនៅពេលលឺសំឡេងស្រី។ ជនសង្ស័យក៏បានវា.យប្រហារបុរសជាប្តីផងដែរ ប៉ុន្តែគាត់បានគេចរួច។
ប៉ូលីសបញ្ជាក់ថា ក្រោយមកជនសង្ស័យទាំង២នាក់ម្តាយនិងកូន បានទៅកាន់ប៉ុស្តិ៍ប៉ូលីសដើម្បីសារភាព។ ប៉ូលីសបានធ្វើការស៊ើបអង្កេត ក្រោយពេលពួកគេបានធ្វើដំណើរទៅផ្ទះកើតហេតុ និងបានរកឃើញសាកស.ព និងក្បាលរបស់ជនរងគ្រោះ។
យុវជន និងម្តាយរបស់គាត់ មិនទាន់បានត្រូវចោទប្រកាន់ជាផ្លូវការនៅឡើយទេ ប៉ុន្តែរបាយការណ៍ប៉ូលីសបានកត់ត្រាពីបទចោទឃា.តកម្មសម្រាប់អ្នកទាំងពីរ។
សូមបញ្ជាក់ថាករណីដ៏រន្ធ.ត់នេះជាករណីសម្លា.ប់ (Honor killing) ដែលជាការសម្លា.ប់ស្ត្រី ឬក្មេងស្រីពីសំណាក់សមាជិកប្រុសដែលអះអាងថា ជនរងគ្រោះធ្វើឲ្យខូចកិត្តយសដល់គ្រួសារ។
ក្នុងឆ្នាំ២០២០ ឥណ្ឌាមានករណីសម្លា.ប់បែបនេះកើតឡើង ២៣ករណី៕ (យោងតាមប្រភព៖ CNN)
ចែករំលែកព័តមាននេះ