រាជធានីភ្នំពេញ ៖ កាលពីថ្ងៃទី១២ ខែឧសភា ឆ្នាំ២០១៦ កន្លងទៅនេះ ក្រុមហ៊ុនចែកចាយផលិតផល Nestlé ដែលជាក្រុមហ៊ុនផ្គត់ផ្គង់ផលិតផលឧបភោគបរិភោគធំជាងគេនៅលើពិភពលោក បានធ្វើការផ្គត់ផ្គង់និងចែកចាយផលិតផលទឹកប្រេងខ្យងម៉េកគីថ្មីរបស់ខ្លួន តាមគោលដៅសំខាន់ៗមួយចំនួនក្នុងរាជធានីភ្នំពេញ ខេត្តកំពង់ចាម សៀមរាប បាត់ដំបង និង ព្រះសីហនុ ។
ដោយសារតែបច្ចុប្បន្ន មនុស្សគ្រប់រូបមិនត្រឹមតែត្រូវការបរិភោគអាហារដែលមានរសជាតិឈ្ងុយឆ្ងាញ់ប៉ុណ្ណោះទេ ប៉ុន្តែគេត្រូវការសុវត្ថិភាពចំណីអាហារដែលមិនប៉ះពាល់ដល់សុខភាពផងដែរ ។ ហេតុដូចនេះហើយ ទើបផលិតផលម៉េកគី យកចិត្តទុកដាក់អភិវឌ្ឍគុណភាពរបស់ខ្លួនជានិច្ចទាំងរសជាតិ និងសុវត្ថិភាពចំណីអាហារ។ ជាក់ស្តែងថ្មីៗនេះ ផលិតផលប្រេងខ្យងម៉េកគីថ្មី ទើបតែនាំចូលមកដល់ប្រទេសកម្ពុជា និងបន្តចែកចាយទៅតាមទីផ្សារនានាទូទាំងប្រទេស ។
ទឹកប្រេងខ្យងម៉េកគីថ្មីនេះ ជាផលិតផលមកពីប្រទេសថៃ វេចខ្ចប់ដោយសម្បកថ្មី ចម្រាញ់ចេញពីខ្យងសមុទ្រសុទ្ធ១០០% គុណភាពខ្ពស់ រសជាតិកាន់តែឈ្ងុយឆ្ងាញ់ជាងមុន ចំណុះច្រើនជាងមុន តែតម្លៃនៅដដែល ។ កាន់តែពិសេសជាងនេះទៀតនោះ បងប្អូនខ្មែរអ៊ិស្លាមក៏អាចទទួលទានបានដែរ ព្រោះទឹកប្រេងខ្យងម៉េកគីថ្មី មានបិទស្លាកសញ្ញាហាឡាល់(Halal)នៅលើផលិតផល ដែលស្លាកសញ្ញានេះត្រូវបានទទួលស្គាល់ដោយសមាគមអ៊ិស្លាមពិភពលោកអំពីសុវត្ថិភាពចំណីអាហារសម្រាប់អ៊ិស្លាមសាសនិក ។
តាមរយៈយុទ្ធនាការនេះ ក្រុមការងារផលិតផលប្រេងខ្យងម៉េកគីចំនួន២ក្រុម នឹងចុះទៅតាមគោលដៅទីផ្សារសំខាន់ៗមួយចំនួន តាមបណ្តាខេត្ត រាជធានី ខាងលើ ចាប់ពីថ្ងៃទី១២ ខែឧសភា រហូតដល់ថ្ងៃទី១២ ខែកក្កដា ឆ្នាំ២០១៦ ដើម្បីចែកចាយនិងផ្គត់ផ្គង់ផលិតផលទឹកប្រេងខ្យងម៉េកគី អមដោយការលក់បញ្ចុះតម្លៃពិសេសៗជាច្រើន ថែមទាំងមានបង្ហាញពីវិធីចម្អិនម្ហូបអាហារឱ្យមានរសជាតិឈ្ងុយឆ្ងាញ់ ដោយប្រើផលិតផលម៉េកគីផងដែរ ។
សូមបញ្ជាក់ថា ម៉េកគីគឺជាម៉ាកសញ្ញាគ្រឿងទេសដ៏ល្បី ដែលស្ត្រីមេផ្ទះនៅលើពិភពលោកទទួលស្គាល់និងជឿជាក់លើគុណភាព និងរសជាតិគ្មានពីរ ដែលជាជំនួយការដ៏ឆ្នើម សម្រាប់ផ្សំរសជាតិអាហារឱ្យមានឱជារសឈ្ងុយឆ្ងាញ់ជាប់មាត់ជាប់ចិត្ត រួមទាំងក្លិនប្រហើរឈ្ងុយខុសប្លែកពីផលិតផលដទៃ ៕
ចែករំលែកព័តមាននេះ