អាមេរិកព្រមានដាក់ទណ្ឌកម្មធ្ងន់ធ្ងរលើរុស្សី ប្រសិនបើមានការឈ្លានពានអ៊ុយក្រែន
អាមេរិក ៖ សេតវិមានបានធ្វើការព្រមានថាអាមេរិកនឹងដាក់ទណ្ឌកម្មសេដ្ឋកិច្ចយ៉ាងធ្ងន់ធ្ងរលើប្រទេសរុស្សី និងបង្កើនវត្តមាន
អាមេរិក ៖ សេតវិមានបានធ្វើការព្រមានថាអាមេរិកនឹងដាក់ទណ្ឌកម្មសេដ្ឋកិច្ចយ៉ាងធ្ងន់ធ្ងរលើប្រទេសរុស្សី និងបង្កើនវត្តមាន
អាមេរិក ៖ សេតវិមានបានធ្វើការព្រមានថាអាមេរិកនឹងដាក់ទណ្ឌកម្មសេដ្ឋកិច្ចយ៉ាងធ្ងន់ធ្ងរលើប្រទេសរុស្សី និងបង្កើនវត្តមានយោធារបស់ខ្លួននៅអ៊ឺរ៉ុបខាងកើត ប្រសិនទីក្រុងម៉ូស្កូ (Moscow) ឈ្លានពានអ៊ុយក្រែន។
ការព្រមានរបស់អាមេរិកកើតឡើងនៅថ្ងៃច័ន្ទ មួយថ្ងៃបន្ទាប់ពីមេដឹកនាំអាមេរិក និងរុស្សីគ្រោងជួបពិភាក្សាគ្នាតាមរយៈវីដេអូនៅថ្ងៃអង្គារ ខណៈដែលភាពតានតឹងកំពុងកើនឡើងខ្លាំងនៅព្រំដែនអ៊ុយក្រែន។
មន្ត្រីជាន់ខ្ពស់អាមេរិកបាននិយាយថា ប្រធានាធិបតីអាមេរិកនឹងធ្វើការផ្តល់ដំណឹងភ្លាមៗ ទៅដល់ប្រធានាធិបតីអ៊ុយក្រែនលោក Volodymyr Zelensky អំពីព័ត៌មានលម្អិតនៃការពិភាក្សាគ្នារបស់លោកជាមួយប្រធានាធិបតីរុស្សី Vladimir Putin។
មន្ត្រីអាមេរិកថ្លែងប្រាប់អ្នកសារព័ត៌មានដូច្នេះថា សេតវិមានមិនដឹងថាតើលោក Putin ធ្វើការសម្រេចចិត្តអន្តរាគមន៍យោធាប្រឆាំងអ៊ុយក្រែន បញ្ឈប់ ឬយ៉ាងណាទេ។
ប៉ុន្តែលោកប្រធានាធិបតី Joe Biden នឹងបញ្ជាក់ឲ្យច្បាស់ថា នឹងការសងបកវិញពិតប្រាកដ និងប្រកបដោយអត្ថន័យ ប្រសិនបើរុស្សីជ្រើសរើសទៅជាមួយនឹងការបង្កើនកម្លាំងយោធា។
មន្ត្រីដដែលដែលមិនបានបញ្ចេញឈ្មោះនិយាយទៀតថា សហរដ្ឋអាមេរិក និងសម្ព័ន្ធមិត្តអ៊ឺរ៉ុបបានត្រៀមលក្ខណៈដើម្បីចាត់វិធានការបកផ្នែកសេដ្ឋកិច្ច ដែលនឹងធ្វើឲ្យប៉ះពាល់ធ្ងន់ធ្ងរលើសេដ្ឋកិច្ចរបស់រុស្សី ប្រសិនរុស្សីវា.យប្រហារ។
ជាពិសេសទៅទៀត លោក Joe Biden នឹងបញ្ជាក់ឲ្យច្បាស់ថា ប្រសិនលោក Putin ធ្វើអន្តរាគមន៍ នឹងមានសំណើរពីសម្ព័ន្ធមិត្តខាងកើត និងការឆ្លើយតបវិជ្ជមានពីអាមេរិកសម្រាប់កងទ័ពបន្ថែម និងសមយុទ្ធ។
សូមបញ្ជាក់ថា នៅព្រំដែនអ៊ុយក្រែន និងរុស្សីកំពុងមានភាពតានតឹងខ្លាំងខណៈដែលរុស្សីបានចលនាទ័ពនៅទីនោះ។ មន្ត្រីចារកម្មអាមេរិកបានឲ្យដឹងថា រុស្សីប្រហែលមានផែនការវា.យប្រហារអ៊ុយក្រែននៅក្នុងឆ្នាំ ២០២២ខាងមុន។
ចំណែកអ៊ុយក្រែនវិញបាននិយាយថា មានវត្តមានទ័ពរុស្សីជាង ១៧៥.០០០នាក់នៅក្បែរព្រំដែន៕ (យោងតាមប្រភព៖ Channel News Asia)
ចែករំលែកព័តមាននេះ