ហេតុកំពង់ចាម ៖ ប្រតិបត្តិការស្រាវជ្រាវបង្ក្រាបករណីប៉ុនប៉ងឃា.តកម្ម (កា.ប់ដោយកាំបិតខ្វែវ) នៅក្នុងស្រុកបាធាយ ត្រូវបានកម្លាំងសមត្ថកិច្ចគ្រប់ច្រកល្អធ្វើការស្រាវជ្រាវរហូតចាប់បានជនសង្ស័យម្នាក់ ត្រូវបានតាមចាប់ខ្លួនរហូតដល់ខេត្តស្វាយរៀង ជាប់ព្រំដែនប្រទេសវៀតណាម ។ លោកឧត្តមសេនីយ៍ទោឯម…
ហេតុកំពង់ចាម ៖ ប្រតិបត្តិការស្រាវជ្រាវបង្ក្រាបករណីប៉ុនប៉ងឃា.តកម្ម (កា.ប់ដោយកាំបិតខ្វែវ) នៅក្នុងស្រុកបាធាយ ត្រូវបានកម្លាំងសមត្ថកិច្ចគ្រប់ច្រកល្អធ្វើការស្រាវជ្រាវរហូតចាប់បានជនសង្ស័យម្នាក់ ត្រូវបានតាមចាប់ខ្លួនរហូតដល់ខេត្តស្វាយរៀង ជាប់ព្រំដែនប្រទេសវៀតណាម ។
លោកឧត្តមសេនីយ៍ទោឯម កុសល ស្នងការនគរបាលខេត្តមានប្រសាសន៍រំលឹកថា កាលពីថ្ងៃទី១៥ ខែវិច្ឆិកា ឆ្នាំ២០២១ វេលាម៉ោង២០និង៣០នាទី ប្រព្រឹត្តនៅភូមិតាំងជ្រៃ ឃុំសណ្តែក ស្រុកបាធាយ ខេត្តកំពង់ចាម ។
ក្រោយហេតុការណ៍កើតឡើងភ្លាម រូបលោកបានចាត់តាំងកម្លាំងរបស់ផែនការងារនគរបាលព្រហ្មទណ្ឌ សហការជាមួយកម្លាំងជំនាញរបស់អធិការដ្ឋាននគរបាលស្រុកបាធាយចុះដល់កន្លែងកើតហេតុធ្វើការស្រាវជ្រាវស៊ើបអង្កេត រហូតកំណត់បានមុខសញ្ញាបាន០១នាក់ ឈ្មោះ ឆេន ឆៃវុត ភេទប្រុស អាយុ២២ឆ្នាំ ជាតិខ្មែរ មានទីលំនៅភូមិតាំងជ្រៃ ឃុំសណ្តែក ស្រុកបាធាយខេត្តកំពង់ចាម ដែលបានរត់គេចខ្លួន បន្ទាប់ពីធ្វើសកម្មភាពរួច ។ ប្រតិបត្តិការនេះមានការចូលរួមពីសំណាក់លោកឧត្តមសេនីយ៍ត្រីហេង វុទ្ធីស្នងការរងនគរបាលខេត្តផងដែរ ។
លោកស្នងការបានបន្តឲ្យដឹងទៀតថា ដោយមានការចង្អុលការដឹកនាំដ៏ខ្ពង់ខ្ពស់ពីឯកឧត្តម នាយឧត្តមសេនីយ៍សន្តិបណ្ឌិត អគ្គស្នងការនគរបាលជាតិ , ឯកឧត្តម នាយឧត្តមសេនីយ៍ អគ្គស្នងការរងទទួលផែនសន្តិសុខ និងឯកឧត្តម អភិបាលនៃគណអភិបាលខេត្តកំពង់ចាម និងដោយមានកិច្ចសហប្រតិបត្តិការល្អពីកម្លាំងជំនាញរបស់ស្នងការដ្ឋាននគរបាលខេត្តស្វាយរៀង រហូត នៅថ្ងៃទី០៦ ខែធ្នូ ឆ្នាំ២០២១ វេលាម៉ោង១៧ និង៣០នាទី សមត្ថកិច្ចយើងបានធ្វើការសហការស្រាវជ្រាវចាប់ខ្លួនឈ្មោះ ឆេន ឆៃវុត បាននៅចំណុចតាមផ្លូវស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង តាមអំណាចដីកាបញ្ជាឲ្យចូលខ្លួនលេខ១៥ អ.យ.គ ចុះថ្ងៃទី០៦ ខែធ្នូ ឆ្នាំ២០២១ ចេញដោយលោក សាន សុភៈ ព្រះរាជអាជ្ញារងនៃអយ្យការអមសាលាដំបូងខេត្តកំពង់ចាម (ដោយក្នុងកិច្ចប្រតិបត្តិការស្រាវជ្រាវបង្ក្រាបខាងលើធ្វើឡើងក្នុងរយៈពេល២០ថ្ងៃប៉ុណ្ណោះ) ។
ក្រោមការសួរចម្លើយ ឈ្មោះ ឆេន ឆៃវុត បានឆ្លើយសារភាពថា ខ្លួនពិតជាបានធ្វើសកម្មភាពយកកាំបិតខ្វែវកា.ប់ទៅលើជនរងគ្រោះឈ្មោះ ញ៉ វិត ភេទប្រុស អាយុ២៤ឆ្នាំ ជាតិខ្មែរ មានទីលំនៅភូមិ ឃុំកើតហេតុខាងលើពិតប្រាកមែន (មូលហេតុធ្លាប់មានទំនាស់ជាមួយគ្នាពេលលេងបាល់ កាលពីរយៈពេល០២ខែមុន)។
បច្ចបុ្បន្នឈ្មោះ ឆេន ឆៃវុត ត្រូវបានបញ្ជូនទៅកាន់អយ្យការអមសាលាដំបូងខេត្តកំពង់ចាម ដើម្បីចាត់ការតាមផ្លូវច្បាប់ ៕
ចែករំលែកព័តមាននេះ