ក្រុមហ៊ុនស្រាវជ្រាវទីផ្សារ IDC បានបញ្ចេញរបាយការណ៍ចុងក្រោយគេក្នុងត្រីមាសទី១ ឆ្នាំ២០១៦ ដែលជាស្ថិតិសម្រាប់ទីផ្សារឧបករណ៍ពាក់លើកដៃ និងនាឡិកាអេឡិចត្រូនិក (Smartwatch & Wearable )
ក្រុមហ៊ុនស្រាវជ្រាវទីផ្សារ IDC បានបញ្ចេញរបាយការណ៍ចុងក្រោយគេក្នុងត្រីមាសទី១ ឆ្នាំ២០១៦ ដែលជាស្ថិតិសម្រាប់ទីផ្សារឧបករណ៍ពាក់លើកដៃ និងនាឡិកាអេឡិចត្រូនិក (Smartwatch & Wearable ) នៅទូទាំងពិភពលោក ។ ក្នុងរបាយការណ៍បានបង្ហាញថា ក្រុមហ៊ុនចិន Xiaomi បច្ចុប្បន្នស្ថិតក្នុងចំណាត់ថ្នាក់លេខ២ក្នុងតារាង ពោលគឺបានទម្លាក់ក្រុមហ៊ុន Apple មកលេខ៣ ។
ដោយឡែកក្រុមហ៊ុនអាមេរិក Fitbit នៅតែបន្តតំណែងលេខ១ក្នុងកំពូលតារាង ហើយក្រុមហ៊ុន Garmin នៅតែរក្សាលេខរៀងទី៤ដដែល ។ ចំណែកក្រុមហ៊ុន Samsung វិញត្រលប់មកកាត់តំណែងទី៥វិញ ។ ទោះបីជាក្រុមហ៊ុនទាំងនោះនាំចេញនាឡិកាអេឡិចត្រូនិកនិងឧបករណ៍ពាក់កដៃច្រើន តែភាគរយក្នុងត្រីមាសទី១ ឆ្នាំ២០១៦ បានបង្ហាញពីការធ្លាក់ចុះបន្តិចបន្តួចបើប្រៀបធៀបទៅនឹងឆ្នាំមុន ។
លោក Ramon Llamas អ្នកស្រាវជ្រាវប្រចាំក្រុមហ៊ុន IDC កត់សម្គាល់ថា ព័ត៌មានដែលល្អនោះគឺទីផ្សារនាឡិកាអេឡិចត្រូនិកបន្តពង្រីកខ្លួនលើទីផ្សារបច្ចេកវិទ្យា ខណៈអ្នកប្រើប្រាស់មានការកើនឡើង ៕
ចែករំលែកព័តមាននេះ