រដ្ឋាភិបាលថៃលើកទឹកចិត្តប្រជាជនឱ្យធ្វើដំណើរកម្សាន្តបន្ថែមដើម្បីជំរុញវិស័យទេសចរណ៍
ថៃ ៖ រដ្ឋាភិបាលថៃកំពុងលើកទឹកចិត្តឲ្យប្រជាជនថៃទាំងអស់ធ្វើដំណើរកម្សាន្តបន្ថែមទៀតដើម្បីជំរុញវិស័យទេសចរណ៍ក្នុងស្រុក
ថៃ ៖ រដ្ឋាភិបាលថៃកំពុងលើកទឹកចិត្តឲ្យប្រជាជនថៃទាំងអស់ធ្វើដំណើរកម្សាន្តបន្ថែមទៀតដើម្បីជំរុញវិស័យទេសចរណ៍ក្នុងស្រុក
ថៃ ៖ រដ្ឋាភិបាលថៃកំពុងលើកទឹកចិត្តឲ្យប្រជាជនថៃទាំងអស់ធ្វើដំណើរកម្សាន្តបន្ថែមទៀតដើម្បីជំរុញវិស័យទេសចរណ៍ក្នុងស្រុក ដោយសង្ឃឹមថានឹងមានការធ្វើដំណើរដោយពួកគេបានចំនួន១០០លានដងនៅបំណាច់ឆ្នាំ ២០២១នេះ។
លោកស្រី Rachada Dhnadirek អ្នកនាំពាក្យរងរបស់រដ្ឋាភិបាលបាននិយាយថា នាយករដ្ឋមន្ត្រី Prayut Chan-o-cha បានយកចិត្តទុកដាក់យ៉ាងខ្លាំងចំពោះការលើកកម្ពស់វិស័យទេសចរណ៍ក្នុងស្រុក ព្រោះវានឹងបង្កើតប្រាក់ចំណូលសម្រាប់អាជីវកម្ម និងជំរុញកំណើនការងារក្នុងឧស្សាហ៍កម្មទេសចរណ៍ដែលរងការប៉ះពាល់យ៉ាងធ្ងន់ធ្ងរដោយវិបត្តិកូវីដ ១៩អស់រយៈពេលជិត២ឆ្នាំ។
លោកស្រីថ្លែងបន្តថា ទោះបីមានការបើកប្រទេសវិញក្តី វានឹងត្រូវការពេលវេលាមួយចំនួនមុនពេលដំណើរទេសចរណ៍របស់អ្នកទេសចរអន្តរជាតិងើបឡើងវិញ និងមានចំនួនលើលរាប់លាន។ ដូច្នេះការលើកទឹកចិត្តប្រជាជនថៃក្នុងប្រទេសគឺជាជំហានចាំបាច់ដើម្បីជំរុញកំណើនសេដ្ឋកិច្ច។
លោកស្រីបន្តថា ក្រសួងទេសចរណ៍ និងកីឡាបានប៉ាន់ប្រមាណថាការធ្វើដំណើរក្នុងស្រុករបស់ប្រជាជនថៃនឹងមានចំនួន១០០លានដងនៅចុងឆ្នាំ ២០២១នេះ។
គិតត្រឹមខែមុន មានការធ្វើដំណើរក្នុងស្រុកចំនួន៩២លានដងដោយប្រជាជនថៃ ដោយបង្កើតប្រាក់ចំណូលក្នុងវិស័យទេសចរណ៍ប្រហែល ៦៥០ពាន់លានបាត។
សូមរម្លឹកថា ថៃបានធ្វើការបើកប្រទេសឡើងវិញចាប់តាំងពីដើមខែវិច្ឆិកា ដើម្បីស្វាគមន៍ភ្ញៀវទេសចរបរទេសដែលចាក់វ៉ាក់សាំងពេញលេញ។ វិធានការរបស់ថៃគឺដើម្បីជំរុញវិស័យទេសចរណ៍ឲ្យរស់ឡើងវិញ៕ (យោងតាមប្រភព៖ Bangkok Post)
ចែករំលែកព័តមាននេះ