បន្ទាប់ពីការជម្រុះក្នុងរយៈពេលពីរថ្ងៃកន្លងមក ក្រុមដែលជាប់ក្នុងជម្រើស២០ក្រុម អាចបន្តទៅកាន់វគ្គពាក់កណ្តាលផ្តាច់ព្រ័ត្រ។ សម្រាប់ការប្រកួតវគ្គដំបូង តម្រូវឲ្យបេក្ខជនចូលរួមប្រកួតជាក្រុម
បន្ទាប់ពីការជម្រុះក្នុងរយៈពេលពីរថ្ងៃកន្លងមក ក្រុមដែលជាប់ក្នុងជម្រើស២០ក្រុម អាចបន្តទៅកាន់វគ្គពាក់កណ្តាលផ្តាច់ព្រ័ត្រ។ សម្រាប់ការប្រកួតវគ្គដំបូង តម្រូវឲ្យបេក្ខជនចូលរួមប្រកួតជាក្រុម ដែលក្រុមនីមួយៗមានសមាជិកចាប់ពី២នាក់ទៅ៥នាក់ ហើយវគ្គពាក់កណ្តាលផ្តាច់ព្រ័ត្រ នឹងតម្រូវឲ្យបេក្ខជន Mix បទចម្រៀងពីរបទ ដែលមានស្រាប់ ដើម្បីបង្កើតជាបទសប្បាយៗថ្មីមួយ។ អ្នកចូលរួមទាំងអស់ត្រូវមានអាយុចាប់ពី១៣ដល់២២ឆ្នាំ និងជម្រុះយកតែ២០ក្រុមប៉ុណ្ណោះ ក្នុងចំណោម៣០៣ក្រុម ដែលបានសម្ដែងនៅមហោស្រពចេនឡា ថ្ងៃទី១៤ និង១៥ ឧសភា ដែលមានការចូលរួមផ្តល់ពិន្ទុ និងកាត់សេចក្តីដោយតារាចម្រៀងដ៏ពេញនិយម គឺលោក នីកូ គ្រូបង្ហាត់ព្យាណូអន្ដរជាតិ លោក សូ ស្រណោះ និងលោក សុខ វិសាល ស្ថាបនិកក្រុមតន្ត្រី Klapyahandz ដ៏ល្បីល្បាញ។
លោក សុខ វិសាល បានឲ្យដឹងថា «វគ្គជម្រុះ គឺជាដំណាក់កាលដ៏លំបាក និងសំខាន់ បំផុត ព្រោះក្រុមនីមួយត្រូវប្រកួតជាមួយនឹងក្រុម៣០៣ក្រុមផ្សេងទៀត។ ក្រុមនីមួយៗ សុទ្ធតែមានទេពកោសល្យ និងការតាំងចិត្ត១១០%» ។ ចៅក្រមវាយតម្លៃក្រុមនីមួយៗ ដោយយោងទៅលើទឹកដមសំឡេង បច្ចេកទេសច្រៀង កម្រិតនៃការសម្តែង និងសមត្ថភាពសម្តែងជាក្រុម។ នៅទីបញ្ចប់ចៅក្រមបានដាក់ពិន្ទុឲ្យ២០ក្រុមដែលជាប់ទៅវគ្គពាក់កណ្តាលផ្តាច់ព្រ័ត្រ គឺក្រុមកូនខ្មែរ, ក្រុម Ahnitto Band, ក្រុម Street Live Band, ក្រុម 2 Brothers, ក្រុម I Love you, ក្រុម Fifty Five, ក្រុម BT, ក្រុម Gina, ក្រុម Dynamic, ក្រុម 2SN, ក្រុម Rith Cool, ក្រុម Smart Narong, ក្រុម Music Engles, ក្រុម Set2All, ក្រុម S.F, ក្រុម Dé Ocean, ក្រុម Sing Boy, ក្រុម G.B, ក្រុម MK2 និងក្រុម WAB ។
បន្ទាប់មក ក្រុមដែលជាប់ទាំង២០ក្រុមនោះនឹងបន្តទៅវគ្គបន្ទាប់នៃការប្រកួតដែលត្រូវ Mix បទចម្រៀងពីរបទ ដើម្បីបង្កើតជាបទថ្មីមួយក្រោមការបង្វឹកដោយលោក នីកូ ផ្ទាល់។ បទចម្រៀងថ្មីដែល Mix រួច ត្រូវថតដោយក្រុមនីមួយៗ រួច Post នៅលើ Wall Facebook របស់បេក្ខជន។
ក្រុមនីមួយៗនឹងទទួលពិន្ទុ៥០% ពីចៅក្រម និង៥០%ទៀត ពីការបោះឆ្នោតនៅលើហ្វេសប៊ុក។ ហើយលទ្ធផលនឹងត្រូវប្រកាសនៅលើទំព័រហ្វេសប៊ុក Fanta នៅថ្ងៃទី០១ មិថុនា ខាងមុខនេះ ។ លោក នីកូ បានពន្យល់ថា «នៅក្នុងការប្រកួតនេះ ការបោះឆ្នោត គឺសំខាន់ណាស់ ព្រោះអ្នកគាំទ្រក្រុមនីមួយៗអាចជួយឲ្យពួកគាត់កើនពិន្ទុយ៉ាងច្រើន។ ដូច្នេះបើអ្នកគិតថា ក្រុមណាមួយមានទេពកោសល្យ និងភាពច្នៃប្រឌិតខ្ពស់ សូមបោះឆ្នោតជូនពួកគាត់ ដើម្បីជួយសម្រេចក្តីសុបិនឲ្យពួកគាត់ក្លាយជាតារា» ។
បន្ទាប់ពីការបោះឆ្នោត ក្រុមជាប់ក្នុងជម្រើស៤ក្រុមចុងក្រោយ នឹងត្រូវឡើងសម្តែងផ្ទាល់នៅលើឆាក និងមានការផ្សាយផ្ទាល់លើកញ្ចក់ទូរទស្សន៍ MyTV ។ ក្រុមដែលឈ្នះលេខ១ នឹងក្លាយជាតារាក្នុង Fanta MV ដែលនឹងត្រូវ Upload ទៅលើ YouTube និងរង្វាន់ទឹកប្រាក់១.៥០០ដុល្លារ។ ចំណែកក្រុមជ័យលាភីលេខ២ ដល់លេខ៤ ក្នុងមួយក្រុមៗនឹងទទួលបានប្រាក់រង្វាន់៥០០ដុល្លារ។
ចែករំលែកព័តមាននេះ