អេក្រង់ Smartwatch តូចធ្វើឱ្យអ្នកប្រើប្រាស់ពិបាកទាក់ទងជាមួយវា ប៉ុន្តែឧបករណ៍ទំនើបនាពេលអនាគតនឹងបំពេញការងារកាន់តែអស្ចារ្យ ពោលគឺអ្នកប្រើប្រាស់ទាំងអស់អាចគ្រប់គ្រងវាលើដៃរបស់ពួកគេបាន។ ក្រុមហ៊ុនសាំស៊ុងនឹងនាំបច្ចេកវិទ្យានេះដោយបានចុះបញ្ជីប៉ាតង់ថ្មីមួយបង្ហាញពីការបញ្ចាំង (Projector) រួមបញ្ចូលក្នុង Smartwatch ដែលពង្រីកតំបន់អន្តរកម្មឱ្យលោក-អ្នកប្រើគ្រប់គ្រងនាឡិកាអេឡិចត្រូនិករបស់អ្នកលើរាងកាយបានយ៉ាងងាយស្រួល ។
ជាក់ស្តែងបច្ចេកវិទ្យានឹងបង្កើតផ្ទាំងរូបភាពមានភាពប្រទាក់ក្រឡាដូចជា ក្តារចុច ឬជម្រើសកម្មវិធីបង្ហាញលើខ្នងដៃ ឬលើកំភួនដៃ ហើយអ្នកប្រើប្រាស់អាចប៉ះផ្ទាល់លើផ្ទៃរូបភាពនោះដោយវាយលេខបញ្ចូលពាក្យ ឬការជ្រើសរើសណាមួយ ។ ប៉ាតង់ថ្មីនោះឱ្យដឹងថា ឧបករណ៍ពាក់ដៃនឹងរួមបញ្ចូលកាមេរ៉ាដែលចាប់រូបភាពក្នុងកម្រិត ៣៦០ ដឺក្រេបាន ។ ក្រុមហ៊ុនសាំស៊ុងបានចង្អុលបង្ហាញក្នុងការចុះបញ្ជីប៉ាតង់នេះថា បច្ចេកវិទ្យានេះអាចត្រូវបានប្រើប្រាស់សម្រាប់ពាក់លើក្បាលដើម្បីឱ្យអ្នកប្រើប្រាស់ទទួលយកបទពិសោធន៍ជាមួយរបស់ដែលនៅជុំវិញប្រែជារូបរាងសិប្បនិមិត្តដូចឧបករណ៍ពាក់លើក្បាល VR ដែរ ។
Smartwatch ឬនាឡិកាអេឡិចត្រូនិកនឹងមានថាមពលថ្មគ្រប់គ្រាន់ដើម្បីគាំទ្រដល់ការបញ្ចាំងយ៉ាងហោចណាស់ឱ្យបានពេញ១ថ្ងៃឯណោះ ៕
ចែករំលែកព័តមាននេះ