ថៃរកឃើញករណីឆ្លងវីរុសបំប្លែងថ្មី Omicron លើកដំបូង
ថៃ ៖ ថៃបានរកឃើញករណីឆ្លងវីរុសបំប្លែងថ្មី Omicron លើកដំបូងលើប្រជាពលរដ្ឋអាមេរិកម្នាក់ដែលបានធ្វើដំណើរពីអេស្ប៉ាញ
ថៃ ៖ ថៃបានរកឃើញករណីឆ្លងវីរុសបំប្លែងថ្មី Omicron លើកដំបូងលើប្រជាពលរដ្ឋអាមេរិកម្នាក់ដែលបានធ្វើដំណើរពីអេស្ប៉ាញចូលក្នុងប្រទេសថៃ កាលពីចុងខែវិច្ឆិកា កន្លងទៅនេះ។ នេះបើតាមការបញ្ជាក់របស់មន្ត្រីសុខាភិបាលថៃនៅថ្ងៃច័ន្ទនេះ។
ករណីឆ្លងវីរុស Omicron លើកដំបូងត្រូវបានរកឃើញលើបុរសជនជាតិអាមេរិកម្នាក់ដែលបានធ្វើដំណើរមកកាន់ប្រទេសថៃកាលពីថ្ងៃទី ២៩ ខែវិច្ឆិកា ធ្វើឲ្យថៃក្លាយជាប្រទេសទី៤៧ ក្នុងពិភពលោកដែលរកឃើញវីរុសបំប្លែងថ្មីនេះ។
លោកវេជ្ជបណ្ឌិត Opas Karnkawinpong អគ្គនាយកនាយករដ្ឋានគ្រប់គ្រងជំងឺបានថ្លែងក្នុងសន្និសិទថា «ករណីវីរុស Omicron លើកដំបូងត្រូវបានរកឃើញនៅលើបុរសអាមេរិកវ័យ ៣៥ឆ្នាំម្នាក់ដែលបានរស់នៅប្រទេសអេស្ប៉ាញអស់ជ្រាច្រើនឆ្នាំ» ។ លោកបន្ថែមថាអ្នកជំងឺនៅមានរោគសញ្ញាស្រាល។
លោកបញ្ជាក់ថា អាជ្ញាធរថៃកំពុងធ្វើតេស្តបន្ថែមទៅលើមនុស្សដែលមានពាក់ព័ន្ធនឹងបុរសអាមេរិករូបនោះ ប៉ុន្តែរហូតមកដល់ពេលនេះ អ្នកពាក់ព័ន្ធមានហានិភ័យទាប។
សូមរម្លឹកថា វីរុសបំប្លែងថ្មីត្រូវបានអ្នកវិទ្យាសាស្ត្រអាហ្វ្រិចខាងត្បូងរាយការណ៍លើកដំបូងទៅកាន់អង្គការសុខភាពពិភពលោកនៅថ្ងៃទី ២៤ ខែវិច្ឆិកា ឆ្នាំ២០២១។
ប្រទេសជាច្រើនជុំវិញពិភពលោករួមទាំងថៃផងដែរនោះ បានប្រកាសបិទជើងហោះហោរមកពីអាហ្វ្រិចខាងត្បូង និងប្រទេសចំនួន ៧ផ្សេងទៀតក្នុងតំបន់អាហ្វ្រិច ដើម្បីទប់ស្កាត់ការឆ្លងរីករាលដាលវីរុសថ្មីនេះ។
នៅថ្ងៃច័ន្ទនេះផងដែរ ថៃដែលមានប្រជាជនជិត៧០លាននាក់ បានរកឃើញអ្នកឆ្លងកូវីដ ១៩ថ្មីចំនួន ៤.០០០នាក់ និងស្លា.ប់ ២២នាក់។ ចំនួនអ្នកឆ្លងសរុបក្នុងប្រទេសកើនដល់ជាង ២,១លាននាក់ និងស្លា.ប់ ២០.៩៦៦នាក់។
ទិន្នន័យក្រសួងសុខាភិបានបង្ហាញថា ប្រជាជនថៃជាង៥៧ឆ្នាំ ទទួលបានការចាក់វ៉ាក់សាំងកូវីដចំនួន ២ដូស៕ (យោងតាមប្រភព៖ Reuters)
ចែករំលែកព័តមាននេះ