ប្រទេសជាង២០ទាមទារឱ្យក្រុមតាលីបង់បញ្ឈប់ការសម្លា.ប់អតីតទាហានអាហ្វហ្គានីស្ថាន
អាហ្វហ្គានីស្ថាន ៖ ប្រទេសជាង២០ជុំវិញពិភពលោក រួមទាំងសហរដ្ឋអាមេរិកបានចេញសេចក្តីថ្លែងការណ៍រួមមួយ ដោយបង្ហាញពី
អាហ្វហ្គានីស្ថាន ៖ ប្រទេសជាង២០ជុំវិញពិភពលោក រួមទាំងសហរដ្ឋអាមេរិកបានចេញសេចក្តីថ្លែងការណ៍រួមមួយ ដោយបង្ហាញពីការព្រួយបារម្ភយ៉ាងខ្លាំងចំពោះការចោទប្រកាន់ថា ពួកតាលីបង់បានសម្លា.ប់អតីតសមាជិកកងកម្លាំងសន្តិសុខអាហ្វហ្គានីស្ថាន។
នៅក្នុងសេចក្តីថ្លែងការណ៍កាលពីថ្ងៃសៅរ៍កន្លងទៅនេះ ប្រទេសចំនួន២២ បានទាមទារឲ្យរបបតាលីបង់គោរពតាមការសន្យារបស់ខ្លួនដែលក្រុមនេះប្រកាសថាមិនធ្វើ និងលើកលែងទោសដល់អតីតទាហានរដ្ឋាភិបាលអាហ្វហ្គានីស្ថាន។
សេចក្តីថ្លែងការណ៍រួមនិយាយថា «យើងមានការព្រួយបារម្ភយ៉ាងខ្លាំងចំពោះរបាយការណ៍នៃការសម្លា.ប់ និងការបាត់ខ្លួន»។
កាលពីសប្តាហ៍មុន អង្គការសិទ្ធិមនុស្ស Human Rights Watch បានចេញរបាយការណ៍មួយដោយលើកឡើងថាអតីតទាហានអាហ្វហ្គានីស្ថានជាង ១០០នាក់ត្រូវបានសម្លា.ប់ និងធ្វើឲ្យបាត់ខ្លួនដោយក្រុមតាលីបង់ ចាប់តាំងពីក្រុមនេះឡើងកាន់កាប់ប្រទេសរយៈពេល ៤ខែមុនមក។
អង្គការនេះក៏បានចងក្រងឯកសារអំពីការសម្លា.ប់សមាជិកកងកម្លាំងសន្តិសុខអាហ្វហ្គានីស្ថាន ៤៧នាក់ផងដែរដែលបានចុះចាញ់ ឬត្រូវបានចាប់ខ្លួនដោយក្រុមតាលីបង់ ចន្លោះថ្ងៃទី ១៥ ខែសីហា និងថ្ងៃទី ៣១ ខែតុលា ឆ្នាំ ២០២១នេះ។
សេចក្តីថ្លែងការណ៍រួមដែលចេញដោយសហរដ្ឋអាមេរិក និងត្រូវបានចុះហត្ថលេខាដោយចក្រភពអង់គ្លេស សហភាពអ៊ឺរ៉ុប និងប្រទេសចំនួន ១៩ផ្សេងទៀត បានលើកឡើងពីការព្រួយបារម្ភខ្លាំងចំពោះការរកឃើញ និងបានអំពាវនាវឲ្យមានការស៊ើបអង្កេតលើការសម្លា.ប់ក្រៅប្រព័ន្ធច្បាប់ និងការបាត់ខ្លួនទាំងនោះ។
«យើងនឹងបន្តថ្លឹងថ្លែងក្រុមតាលីបង់តាមរយៈសកម្មភាពរបស់ពួកគេ»។
ទោះយ៉ាងណា ក្រុមតាលីបង់បានធ្វើការបដិសេធសារជាថ្មីចំពោះការចោទប្រកាន់។
សេចក្តីប្រកាសរបស់ក្រុមនេះនិយាយថា «មិនមានភស្ថុតាងណាមួយដែលបង្ហាញថារឿងនេះបានកើតឡើងទេ»។
«យើងមានឆន្ទៈក្នុងការអនុញ្ញាតឲ្យមានការស៊ើបអង្កេតលើការចោទប្រកាន់ទាំងនេះ ហើយយើងនឹងសហការពេញទំហឹង»៕ (យោងតាមប្រភព៖ BBC)
ចែករំលែកព័តមាននេះ