បង្ក្រាបជនសង្ស័យ៣នាក់ពាក់ព័ន្ធគ្រឿងញៀ.ន ដកហូតបានកាំភ្លើ.ងខ្លីមួយដើម
- ភ្នំពេញ
រាជធានីភ្នំពេញ ៖ ជនសង្ស័យ៣នាក់ពាក់ព័ន្ធនឹងគ្រឿងញៀ.ន ត្រូវបានកម្លាំងនគរបាលប៉ុស្តិ៍រដ្ឋបាលក្បាលកោះ សហការជាមួយ
រាជធានីភ្នំពេញ ៖ ជនសង្ស័យ៣នាក់ពាក់ព័ន្ធនឹងគ្រឿងញៀ.ន ត្រូវបានកម្លាំងនគរបាលប៉ុស្តិ៍រដ្ឋបាលក្បាលកោះ សហការជាមួយ
រាជធានីភ្នំពេញ ៖ ជនសង្ស័យ៣នាក់ពាក់ព័ន្ធនឹងគ្រឿងញៀ.ន ត្រូវបានកម្លាំងនគរបាលប៉ុស្តិ៍រដ្ឋបាលក្បាលកោះ សហការជាមួយនគរបាល នៃការិយាល័យប្រឆាំងបទល្មើសគ្រឿងញៀ.ននៃស្នងការដ្ឋាននគរបាលរាជធានីភ្នំពេញ ធ្វើការបង្ក្រាប និងឃាត់ខ្លួនបានកាលពីវេលាម៉ោង២និង៣០នាទីរសៀលថ្ងៃទី៤ ខែធ្នូ ឆ្នាំ២០២១ នៅចំណុចភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ។
ជនសង្ស័យទាំង៣នាក់ខាងលើ រួមមាន ១-ឈ្មោះស៊ឹម ចិត្រា ភេទប្រុស អាយុ៣៨ឆ្នាំ មុខរបរមិនពិតប្រាកដ ជនរូបនេះ មានដីកាចាប់ខ្លួនលេខ ៥៩០ ដចន ចុះថ្ងៃទី ៣០.០៨.២០១៨ ចេញដោយលោក តុប ឈុនហេង ចៅក្រមស៊ើបសួរនៃសាលាដំបូងរាជធានីភ្នំពេញ ពាក់ព័ន្ធបទល្មើសគ្រឿងញៀ.ន ២-ឈ្មោះ អ៉ឹម សុវិចិត្រ ភេទ ប្រុស អាយុ៣៥ឆ្នាំ មុខរបរ មិនពិតប្រាកដ និង៣-ឈ្មោះ ខាត់ ឧត្តម ភេទ ប្រុស អាយុ២៨ឆ្នាំ មុខរបរ មិនពិតប្រាកដ ។
ជនទាំង៣នាក់ ត្រូវបានកម្លាំងសមត្ថកិច្ចមូលដ្ឋាន សហការជាមួយសមត្ថកិច្ចការិយាល័យជំនាញ បើកការស្រាវជ្រាវ រហូតឈានដល់ឃាត់ខ្លួនបានរួមគ្នា នៅវេលាម៉ោងខាងលើ ក៏ចុះឃាត់ខ្លួនបានតែម្តង ។
ក្នុងការឃាត់ខ្លួនជនសង្ស័យទាំង៣នាក់ខាងលើនេះដែរ សមត្ថកិច្ចធ្វើការដកហូតបានម្សៅក្រាមពណ៍សថ្លាចំនួន១១កញ្ចប់តូចនិងអាវុ.ធខ្លី១ដើម ម៉ាកកា៥៩ លេខ៧៦៧៦ បង់ចំនួន១ និងមានគ្រាប់ចំនួន២គ្រាប់ ។ ហើយជនសង្ស័យទាំង៣នាក់ ក៏មានផ្ទុកសារធាតុញៀ.ន ក្នុងខ្លួនផងដែរ ។
បច្ចុប្បន្នជនសង្ស័យ ត្រូវបានបញ្ចូនខ្លួនទៅកាន់អធិការដ្ឋាននគរបាលខណ្ឌច្បារអំពៅ ដើម្បីឃុំខ្លួនបណ្តោះអាសន្ន នឹងត្រៀមកសាងសំណុំរឿងបញ្ចូនទៅតុលាការ ចាត់ការទៅតាមនីតិវិធីច្បាប់នៅពេលក្រោយផងដែរ ៕
ចែករំលែកព័តមាននេះ