រ៉េតឈ្ងោកមើលខោដែលអរុណកំពុងដេរ ឃើញថ្នេរមិនត្រង់ជ្រួញវៀចខោឡើងជ្រួញ រ៉េតបើកភ្នែកធំៗ ស្រវាទាញខោមកវិញ
រ៉េត៖ អ៊ូៗ! អត់ទេៗ! ខ្ញុំមិនឲ្យបងរុណដេរឲ្យទេ! ស្មានថាចេះគ្រាន់បើជាងខ្ញុំ!
រ៉េតឈ្ងោកមើលខោដែលអរុណកំពុងដេរ ឃើញថ្នេរមិនត្រង់ជ្រួញវៀចខោឡើងជ្រួញ រ៉េតបើកភ្នែកធំៗ ស្រវាទាញខោមកវិញ
រ៉េត៖ អ៊ូៗ! អត់ទេៗ! ខ្ញុំមិនឲ្យបងរុណដេរឲ្យទេ! ស្មានថាចេះគ្រាន់បើជាងខ្ញុំ! ដេរថ្នេរខោមិនត្រង់ជួផង ស្លៀកយ៉ាងម៉េចកើតទៅខ្មាស់គេស្លាប់ហើយ! គេដេរខោរបៀបហ្នឹងនោះ!
អរុណអស់សំណើច
អរុណ៖ អឺ! ចុះបើបងទើបតែរៀនដេរដែរ ធ្វើម៉េចហ្នឹងដេរស្អាត! ឯងមិនឲ្យដេរនោះល្អហើយ បងកំពុងតែខ្ជិលស្រាប់! មនុស្សយើងបើធ្វើចេះពេកឆាប់ហត់ទៅវិញទេ ធ្វើល្ងង់អញ្ចឹងហើយ ទើបស្រណុកខ្លួន!
រ៉េត៖ នៅខំនិយាយអួតទៀត! ខំធ្វើល្ងង់ស្អីទៅ! គឺបងល្ងង់មែនទែនហ្នឹងណាស់! បើទុកខ្ញុំដេរឲ្យប្រហែលជាដេរស្អាតជាងហ្នឹងផង!
មីងរឿងកាន់កែវទឹកដូងពីរកែវ មកដាក់ឲ្យអរុណ និងរ៉េត ញញឹមបណ្តើរ
រឿង៖ នែស! កុំអាល់ជជែកគ្នា ផឹកទឹកដូងសិនទៅកូន! ដូងយើងដាំនៅក្រោយផ្ទះ ផ្លែធំៗណាស់! ម៉ែកាប់តែមួយសោះបានទឹកពីរបីកែវឯណោះ ហើយផ្អែមល្អទៀត!
អរុណបើកភ្នែកធំៗទទួលកែវទឹកដូង
អរុណ៖ ហ៎ា! ចុះអ្នកណាឡើងបះឲ្យម៉ែ ? ថ្ងៃមុនម៉ែប្រាប់ឲ្យខ្ញុំឡើងបះ ហើយខ្ញុំភ្លេចបាត់ទៅ !
រឿងអង្គុយចុះក្បែរអរុណ
រឿង៖ ពូផាត គាត់មកសុំទិញដូងយើងយកទៅលក់ហ្នឹងណាកូន ! គាត់ឡើងកាប់ខ្លួនឯង ម៉ែក៏ទុកខ្លះផឹកទៅ ។ លក់ដូងបានបីបួនធ្លាយដែរកូន គ្រាន់ហ្នឹងរួចថ្លៃម្ហូបបានមួយអាទិត្យដែរ !
រ៉េតផឹកទឹកដូងបណ្តើរ លិតមាត់បណ្តើរ
រ៉េត៖ ដូងយើងផ្អែមមែនហ្នឹងម៉ែ! ថ្ងៃក្រោយអាដើមមួយហ្នឹង កុំលក់អីម៉ែ! ទុកផឹកខ្លួនឯងវិញល្អជាង ! ដូងគេមិនមែនបានផ្អែមដូចដូងយើងទេ !
រឿង៖ អឺ! តែទម្រាំតែឯងនឹកឃើញប្រាប់នោះ ម៉ែលក់អស់បាត់ទៅហើយអារ៉េតអើយ! ចាំវាផ្លែសាក្រោយទៅ !
រឿងឈ្ងោកមើលអរុណដេរអាវដេរខោ ឃើញមិនចេះដេរ រឿងញញឹមគ្រវីក្បាល
រឿង៖ បើដេរមិនត្រង់ជ្រុងផង ខំដេរធ្វើអីកូន! ល្មមរកប្រពន្ធមកទុកឲ្យជួយដេរប៉ះខោអាវឲ្យហើយ ! ម៉ែក៏ចង់បានកូនប្រសារស្រីមកជួយជំនួសដៃជើងដែរ មានកូនសុទ្ធតែប្រុស គ្មានអ្នកណាចេះធ្វើការងារផ្ទះជំនួសម៉ែទេ ! ម៉ែសម្លឹងឃើញក្មួយកែវ រូបរាងក៏ស្អាតសមរម្យ ហើយនាងក៏ស្រឡាញ់កូនខ្លាំងណាស់ម៉ែមើលដឹង! ជាកូនកំព្រាគ្មានម៉ែគ្មានឪអញ្ចឹងស្រួលម្យ៉ាងដែរ ហើយលោកមេភូមិក៏គាត់អាណិតអប់រំក្មួយបានល្អ មិនចាញ់កូនគេមានម៉ែមានឪទេ !
អរុណទម្លាក់ខោកំពុងដេរចុះ មើលមុខរឿងភាំងបន្តិចរួចដកដង្ហើមធំ
អរុណ៖ ម៉ែ! បេះដូងមិនមែនជារឿងអាចប្តូរផ្លាស់ដូចជាសម្លៀកបំពាក់ទេ! ម៉ែស្គាល់កូនម៉ែច្បាស់ជាងអ្នកណាទាំងអស់! ក្តីស្រលាញ់ស្ថិតនៅលើនិស្ស័យ ! ខ្ញុំមិនបានសម្លឹងមើលភួងម្លិះទៅលើទ្រព្យសម្បត្តិដែលនាងមានទេ ខ្ញុំសម្លឹងមើលដល់បេះដូង ព្រោះខ្ញុំពេញចិត្តអូនម្លិះលើគ្រប់យ៉ាងដែលនាងមាន ហើយទាំងអស់នោះមិនបាច់ពឹងពាក់ទៅលើទ្រព្យសម្បត្តិឡើយ ! ខ្ញុំគ្មានថ្ងៃដែលនឹងកែប្រែចិត្ត និងក្តីរំពឹងទុកនេះទេ ! ទោះជាគ្មានសង្ឃឹម ឬមានសង្ឃឹមក៏ខ្ញុំនៅតែប្រឹងដើរឲ្យដល់ទីបំផុតដែរ ! ហើយម៉ែក៏មិនបាច់ ជ្រើសរើស ឬក៏សម្លឹងមើលស្រីផ្សេងទៀតនោះទេ ខ្ញុំនឹងនៅរង់ចាំភួងម្លិះ រហូតដល់ធ្មេញបាក់សក់ស្កូវ !
រឿងបើកភ្នែកធំៗមើលមុខហួសចិត្ត
រឿង៖ ថាម៉េចហ្នឹងកូន ? ត្រូវការពេលវេលាចាំគ្នាយូរយ៉ាងនេះហ្អី! កូនគិតឲ្យម៉ែគ្មានចៅពនឹងគេ ឬយ៉ាងម៉េច ? មនុស្សស្រីដែលល្អ មិនមែនមានតែម្នាក់ហ្នឹងទេ ! កូនឯងកុំធ្វើដូចជាគ្មានភួងម្លិះហើយ ក្នុងលោកនេះរលំរលាយអស់នោះ ! ម៉ែដឹងថាម្លិះជាស្រីល្អ គ្រប់លក្ខណៈ ក៏ប៉ុន្តែការស្រមៃរបស់កូនវាមិនអាចក្លាយជាការពិតបានឡើយ !
(នៅមានត)
ចែករំលែកព័តមាននេះ