ភ្នាក់ងារអនុវត្តន៍ច្បាប់សហព័ន្ធអាមេរិក US Marshalls បានប្រកាសផ្តល់ប្រាក់រង្វាន់ចំនួន ១០.០០០ដុល្លារទៅដល់អ្នកណាដែលបានផ្តល់ព័ត៌មានឈានដល់ការចាប់ខ្លួនប្តីប្រពន្ធពីរនាក់ ដែលត្រូវជាឪពុកម្តាយយុវជនអាមេរិកដែលបានបា.ញ់ប្រហារនៅក្នុងសាលារៀនកាលពីដើមសប្តាហ៍នេះ។ លោក James និងភរិយារបស់គាត់ឈ្មោះ Crumbley…
ភ្នាក់ងារអនុវត្តន៍ច្បាប់សហព័ន្ធអាមេរិក US Marshalls បានប្រកាសផ្តល់ប្រាក់រង្វាន់ចំនួន ១០.០០០ដុល្លារទៅដល់អ្នកណាដែលបានផ្តល់ព័ត៌មានឈានដល់ការចាប់ខ្លួនប្តីប្រពន្ធពីរនាក់ ដែលត្រូវជាឪពុកម្តាយយុវជនអាមេរិកដែលបានបា.ញ់ប្រហារនៅក្នុងសាលារៀនកាលពីដើមសប្តាហ៍នេះ។
លោក James និងភរិយារបស់គាត់ឈ្មោះ Crumbley ដែលកំពុងរត់គេចខ្លួនត្រូវបានចោទប្រកាន់ពីបទមិនអើពើនឹងការព្រមាន មុនពេលមានការបា.ញ់ប្រហារនៅសាលារៀនពីសំណាក់កូនរបស់ពួកគេ បណ្តាលឲ្យសិស្សស្លា.ប់ និងរបួសជាច្រើននាក់។
ពួកគេរងការចោទប្រកាន់ពីបទមនុស្សឃាតអចេនា ប៉ុន្តែមិនបានបង្ហាញខ្លួនសម្រាប់ការកាត់ទោសកាលពីថ្ងៃសុក្រម្សិលមិញនេះ។
យុវជន Ethan Crumbley វ័យ ១៥ឆ្នាំ ដែលត្រូវជាកូនរបស់អ្នកទាំងពីរ រងការចោទប្រកាន់ពីបទប្រើប្រាស់កាំភ្លើ.ងរបស់ឪពុកខ្លួន ដើម្បីបា.ញ់មិត្តរួមថ្នាក់នៅក្នុងរដ្ឋ Michigan។ ប៉ុន្តែយុវជនរូបនោះប្រកែកថាមិនបានប្រព្រឹត្តិបទឧក្រិដ្ឋឡើយ។
អាជ្ញាធរអាមេរិកបានចេញដីការចាប់ខ្លួនប្តីប្រពន្ធទាំងពីរ និងបានប្រាប់ប្រព័ន្ធផ្សព្វផ្សាយអាមេរិកថា អាជ្ញាធរបានចាប់ផ្តើមការស្វែងរក ក្រោយពេលមេធាវីរបស់ប្តីប្រពន្ធនោះមិនអាចទាក់ទងកូនក្តីរបស់ពួកគេបានតាមទូរស័ព្ទ។
ប៉ុន្តែនៅក្នុងសេចក្តីប្រកាសរួមដែលបានផ្ញើមកកាន់ BBC មេធាវីបាននិយាយថា ប្តីប្រពន្ធទាំងពីរមិនបានគេចខ្លួនពីការអនុវត្តន៍ច្បាប់ឡើយ។
មេធាវីបានលើកឡើងថា ពួកគេបានចាកចេញពីក្រុងនៅយប់ថ្ងៃកើតហេតុដើម្បីសុវត្ថិភាពផ្ទាល់ខ្លួន។
កូនប្រុសរបស់ពួកគេរងការចោទប្រកាន់ពីបទបា.ញ់ប្រហារលើមិត្តរួមថ្នាក់ និងគ្រូ នៅសាលាស្ថិតក្នុងទីក្រុង Oxford។ ក្នុងហេតុការណ៍បា.ញ់ប្រហារនោះបណ្តាលឲ្យមនុស្សចំនួន ៤នាក់ស្លា.ប់ និង ៧នាក់ផ្សេងទៀតរងរបួស។ អ្នកស្លា.ប់មានអាយុពី ១៤ ដល់ ១៧ឆ្នាំ៕ (យោងតាមប្រភព៖ BBC)
ចែករំលែកព័តមាននេះ