រាជធានីភ្នំពេញ ៖ ស្រាបៀរលីអូ បានប្រគល់រង្វាន់ជូនគូរស្វាមីភរិយា ក្នុងកម្មវិធី LEO Beer Surprise ដោយគូរស្វាមីភរិយាបានជាវស្រាបៀរលីអូ យកទៅទទួលភ្ញៀវក្នុងពិធីអាពាហ៍ពិពាហ៍របស់ខ្លួន និងឈ្នះក្នុងការចាប់រង្វាន់
រាជធានីភ្នំពេញ ៖ ស្រាបៀរលីអូ បានប្រគល់រង្វាន់ជូនគូរស្វាមីភរិយា ក្នុងកម្មវិធី LEO Beer Surprise ដោយគូរស្វាមីភរិយាបានជាវស្រាបៀរលីអូ យកទៅទទួលភ្ញៀវក្នុងពិធីអាពាហ៍ពិពាហ៍របស់ខ្លួន និងឈ្នះក្នុងការចាប់រង្វាន់កាលពីសប្ដាហ៍កន្លងទៅ នៅក្នុងកម្មវិធី Leo Beer Surprise របស់ស្ថានីយទូរទស្សន៍ MyTV ។ ពិធីប្រគល់រង្វាន់ជូនគូរស្វាមីភរិយានេះ ក៏បានធ្វើឡើងក្នុងការផ្សាយផ្ទាល់របស់ទូរទស្សន៍ MyTV ក្នុងកម្មវិធី Leo Beer Surprise ដែរ កាលពីថ្ងៃទី១៥ ឧសភា ២០១៦ ។
រង្វាន់ដែលត្រូវបានប្រគល់ជូនគូរស្វាមីភរិយា នៅក្នុងឱកាសនោះ មានខ្សែ.កពេជ្រចំនួន៧ខ្សែប្រគល់ជូនគូរស្វាមីភរិយា ចំនួន៧គូរ និងរង្វាន់ធំនោះ គឺទឹកប្រាក់ចំនួន១ម៉ឺនដុល្លារអាមេរិក ។
លោក ព្រាប សុវណ្ណ ប្រធានទីផ្សារនៃក្រុមហ៊ុនស្រាបៀរលីអូ បានអោយដឹងថា ស្រាបៀរលីអូ បាននិងកំពុងក្លាយជាផ្នែកមួយដ៏សំខាន់ និងចាប់អារម្មណ៍ចំពោះអាពាហ៍ពិពាហ៍រាប់រយ រាប់ពាន់នៅទូទាំងព្រះរាជាណាចក្រកម្ពុជា អស់រយ:ពេលជាច្រើនឆ្នាំកន្លងមកហើយ។ កម្មវិធីដែលផ្តល់ជូនសម្រាប់ម្ចាស់មង្គលការទាំងអស់ជាប្រចាំឆ្នាំ គឺធ្វើឡើងដើម្បីថ្លែងអំណរគុណចំពោះអតិថិជនរបស់ខ្លួនដែលបានជ្រើសរើសយកស្រាបៀរលីអូសម្រាប់ថ្ងៃមង្គលរបស់របស់ពួកគេ ដែលញុំាងឲ្យកម្មវិធីទាំងមូលកាន់តែមានភាពអស្ចារ្យ និងរីករាយ។
លោកបន្តថា ស្របជាមួយនឹងយុទ្ធនាការផ្សព្វផ្សាយថ្មីរបស់ស្រាបៀរលីអូ ជាមូយពាក្យស្លោកថា «ភាពអស្ចារ្យ អាចកើតមានឡើងគ្រប់ពេល» ឆ្នាំនេះយើងនឹងមានការផ្តល់ជូននូវរង្វាន់ធំជាច្រើនដែលមិនធ្លាប់មានពីមុនមក ហើយក៏ផ្តល់ជូននូវឱកាសកាន់តែច្រើនចំពោះអតិថិជនផងដែរ។
លោកបន្ថែមថា អតិថិជនរបស់ស្រាបៀរលីអូ នៅតែមានឱកាសឈ្នះរង្វាន់នៅទូទាំងប្រទេសជាមួយកម្មវីធីផ្តល់ជូនពិសេសសម្រាប់អាពាហ៍ពិពាហ៍ដែលបាននិងកំពុងដំណើរការអស់រយ:ពេល៦ខែមកហើយ ហើយនឹងបញ្ចប់នៅបំណាច់ខែកញ្ញា ឆ្នាំ២០១៦ ខាងមុខនេះ ។ អតិថិជនគ្រាន់តែជាវស្រាបៀរលីអូសម្រាប់ទទួលភ្ញៀវក្នុងពិធីមង្គលការអាចមានឱកាសឈ្នះរង្វាន់ប្រាក់សុទ្ធ១ម៉ឺនដុល្លារ និងរង្វាន់ខ្សែ.កពេជ្រជាច្រើនរង្វាន់ទៀត ៕
ចែករំលែកព័តមាននេះ