អ្នកជំនាញតៃវ៉ាន់ថា វត្តមានទាហានអាមេរិកជាយុទ្ធសាស្ត្រពង្រឹងទំនាក់ទំនងជាមួយតៃវ៉ាន់
កោះតៃវ៉ាន់ ៖ អ្នកជំនាញប្រវត្តិសាស្ត្រ និងការពារជាតិរបស់តៃវ៉ាន់លោក Bill Sharp បានជឿជាក់ថា ការកើនឡើងនៃទាហានអា
កោះតៃវ៉ាន់ ៖ អ្នកជំនាញប្រវត្តិសាស្ត្រ និងការពារជាតិរបស់តៃវ៉ាន់លោក Bill Sharp បានជឿជាក់ថា ការកើនឡើងនៃទាហានអា
កោះតៃវ៉ាន់ ៖ អ្នកជំនាញប្រវត្តិសាស្ត្រ និងការពារជាតិរបស់តៃវ៉ាន់លោក Bill Sharp បានជឿជាក់ថា ការកើនឡើងនៃទាហានអាមេរិកនៅកោះតៃវ៉ាន់ក្នុងឆ្នាំកន្លងទៅនេះគឺជាផ្នែកមួយនៃយុទ្ធសាស្ត្រ Salami-Slicing របស់ទីក្រុងវ៉ាស៊ីនតោនដើម្បីពង្រឹងទំនាក់ទំនងជាមួយកោះតៃវ៉ាន់។
Salami-Slicing គឺជាយុទ្ធសាស្ត្រនៃការប្រើប្រាសកម្លាំងយោធាក្នុងវិធីមួយដែលមិនមានការចាប់ផ្តើមសង្គ្រាមជាក់ស្តែង ប៉ុន្តែវាអាចផ្លាស់ប្តូរស្ថានភាពភូមិសាស្ត្របានដោយជោគជ័យតាមការពេញចិត្ត។
មន្ទីរបញ្ចាកោណនៃក្រសួងការពារជាតិអាមេរិកកាលពីពេលថ្មីនេះបានបង្ហើបថា មានទាហាន ២នាក់មកពីកងទ័ព ៣នាក់មកពីកងទ័ពជើងទឹក ៥នាក់មកពីទ័ពដែនអាកាស និង ២៩នាក់មកពីម៉ារីនកំពុងមានវត្តមាននៅកោះតៃវ៉ាន់។ ចាប់ពីថ្ងៃទី ៣១ ខែធ្នូ ឆ្នាំ ២០២០ ដល់ថ្ងៃទី ៣០ ខែកញ្ញាឆ្នាំ ២០២១ ចំនួនកងទ័ពអាមេរិកនៅកោះតៃវ៉ាន់បានកើនឡើងពី ២០ ទៅ ៣៩នាក់។
សារព៌តមានអាមេរិក VOA បានដកស្រងសម្តីរបស់លោក Bill Sharp ដូច្នេះថា «អាមេរិកកំពុងបង្ហាញការគាំទ្រដល់កោះតៃវ៉ាន់ក្នុងយុទ្ធសាស្ត្រ Salami-slicing តាមរយៈដំណើរទស្សនៈកិច្ចរបស់សមាជិកសភាអាមេរិក និងឥស្សរជនជាន់ខ្ពស់ជាច្រើនទៀត»។
លោកបានបន្ថែមថា ក្នុងរយៈពេល ១៨ខែចុងក្រោយ អាមេរិកក៏បានលក់អាវុ.ធជាច្រើនផងដែរទៅដល់កោះតៃវ៉ាន់។
អ្នកជំនាញរូបនេះបានប៉ាន់ស្មានថា ការកើនឡើងចំនួនកងទ័ពរបស់អាមេរិកអាចមកពីការហ្វឹកហ្វឺនសព្វាវុ.ធ និងការប្រយុទ្ធ ដូចជាការណែនាំតៃវ៉ាន់ពីការការពារកោះ Dongsha Island។
លោកថ្លែងថា «ការវា.យប្រហារលើកោះនោះអាចជាធម្យោបាយងាយស្រួលសម្រាប់ចិនដើម្បីធ្វើឲ្យតៃវ៉ាន់ និងអាមេរិអាម៉ាស ដោយមិនមានការបាត់បង់ជីវិតជនស៊ីវិលណាម្នាក់»។
ដូច្នេះលោក Bill Sharp បានប៉ានស្មានថា នឹងមានទាហានអាមេរិកមួយចំនួននៅលើកោះនោះ។ វត្តមានរបស់ទាហានអាមេរិកអាចការពារចិនពីការវា.យប្រហារ ពីព្រោះប្រសិនជាទាហានអាមេរិកណាម្នាក់ស្លា.ប់ វានឹងបំផ្លាញទំនាក់ទំនងរវាងអាមេរិក និងចិន។
សូមរម្លឹកថា ចិនតែងចាត់ទុកកោះតៃវ៉ាន់ជាផ្នែកមួយរបស់ខ្លួន និងប្រកាសរួបរួមគ្នាវិញនៅពេលអនាគត ប៉ុន្តែមេដឹកនាំតៃវ៉ាន់ បានប្រកាសធ្វើអ្វីៗគ្រប់យ៉ាងដើម្បីការពារសេរីភាព និងប្រជាជនរបស់ខ្លួន។
តៃវ៉ាន់បានផ្តាច់ចេញពីចិននៅក្នុងឆ្នាំ ១៩៤៩ បន្ទាប់ពីមានសង្គ្រាមស៊ីវិល៕ (យោងតាមប្រភព៖ Taiwan News)
ចែករំលែកព័តមាននេះ