អាមេរិករឹតបន្តឹងវិធានការធ្វើដំណើរ ក្រោយរកឃើញវីរុសបំប្លែងថ្មីក្នុងរដ្ឋជាច្រើន
អាមេរិក ៖ ប្រធានាធិបតីអាមេរិកលោក Joe Biden បានដាក់ចេញនូវវិធានការរឹតបន្តឹងបន្ថែមលើកូវីដ ១៩ ខណៈដែលអាមេរិ
អាមេរិក ៖ ប្រធានាធិបតីអាមេរិកលោក Joe Biden បានដាក់ចេញនូវវិធានការរឹតបន្តឹងបន្ថែមលើកូវីដ ១៩ ខណៈដែលអាមេរិ
អាមេរិក ៖ ប្រធានាធិបតីអាមេរិកលោក Joe Biden បានដាក់ចេញនូវវិធានការរឹតបន្តឹងបន្ថែមលើកូវីដ ១៩ ខណៈដែលអាមេរិករកឃើញវីរុសបំប្លែងថ្មី Omicron ក្នុងរដ្ឋជាច្រើន។
លោកនិយាយថាផែនការរបស់លោកមិនមានការបិទខ្ទប់ឡើយ។
ករណីឆ្លងវីរុសបំប្លែងថ្មី ត្រូវបានរកឃើញនៅក្នុងរដ្ឋ California, Colorado, Minnesota, New York និងរដ្ឋ Hawaii ដែលអាជ្ញាធរនិយាយថាអ្នកឆ្លងទាំងនោះមិនមានប្រវត្តិធ្វើដំណើរឡើយកាលពីពេលថ្មីៗនេះ។
មន្ត្រីសុខាភិបាលអាមេរិកបានឲ្យដឹងថាករណីឆ្លងវីរុសបំប្លែងថ្មីកំពុងស្ថិតក្នុងរោគសញ្ញាស្រាលនៅឡើយ។
រហូតមកដល់ពេលនេះ វីរុសបំលែងថ្មីដែលមានប្រភពមកពីអាហ្វ្រិចខាងត្បូង បានធ្វើដំណើរទៅដល់ប្រទេសជាង ៣០ហើយ។ អង្គការសុខភាពពិភពលោកបានចាត់ទុកវាជាការព្រួយបារម្ភ។
បើតាមផែនការរឹតបន្តឹងរបស់លោក Joe Biden ដែលបានប្រកាសកាលពីថ្ងៃព្រហស្បតិ៍ រាល់អ្នកដំណើរអន្តរជាតិទាំងអស់ត្រូវធ្វើតេស្តរកមើលវីរុសក្នុងរយៈពេល ២៤ម៉ោង មុនពេលពួកគេធ្វើដំណើរមកអាមេរិក។ អ្នកដំណើរនៅលើយន្តហោះ រថភ្លើង និងរថយន្តក្រុងតម្រូវឲ្យពាក់ម៉ាស ហើយការអនុវត្តន៍នឹងត្រូវបន្តរហូតដល់ខែមីនា។
រដ្ឋាភិបាលអាមេរិកនឹងធ្វើតេស្តប្រជាជនរាប់លាននាក់ដល់ផ្ទះតាមរយៈក្រុមហ៊ុនធានារ៉ាប់រ៉ងឯកជន។ ចំណែកផែនការសម្រាប់រដូវរងារវិញគឺការលើកទឹកចិត្តឲ្យប្រជាជនពេញវ័យទាំងអស់ទទួលការចាក់វ៉ាក់សាំងជម្រុញ។
ប្រជាជនអាមេរិកជាង ៤០លាននាក់បានទទួលការចាក់វ៉ាក់សាំងជម្រុញរួចហើយ ប៉ុន្តែលោក Joe Biden និយាយថា ប្រជាជនជិត ១០០លាននាក់ទៀតមានសិទ្ធិចាក់ ប៉ុន្តែមិនទាន់បានចាក់។
សូមបញ្ជាក់ថា អាមេរិកគឺជាប្រទេសរងការវា.យប្រហារខ្លាំងគេបំផុតពីវីរុសកូវីដ ១៩ ចាប់តាំងពីវាផ្ទុះចេញដំបូងកាលពីចុងឆ្នាំ ២០១៩ នៅក្នុងប្រទេសចិន។ រហូតមកដល់ពេលនេះ អាមេរិក ដែលមានប្រជាជនសរុបជាង ៣៣០លាននាក់ មានអ្នកឆ្លងកូវីដ ១៩ ជាង ៤៨,១លាននាក់ និងអ្នកស្លា.ប់ជាង ៧៧៧.០០០នាក់៕ (យោងតាមប្រភព៖ BBC)
ចែករំលែកព័តមាននេះ