ប្រទេសថៃ ៖ រតនាគារជាតិនឹងដំឡើងអត្រាជួលដីធ្លីរបស់រដ្ឋនៅទូទាំងប្រទេស ។ អត្រានៃការកែតម្រូវនេះ នឹងពឹងផ្អែកលើតម្លៃថ្មីនៅឆ្នាំ២០១៦ ដល់ឆ្នាំ២០១៩ ដើម្បីឆ្លុះបញ្ចាំងពីកម្រិតទីផ្សារថ្មី ។
« អគ្គនាយកដ្ឋានគ្រោងនឹងដំឡើងថ្លៃសម្រាប់អគារពាណិជ្ជកម្ម ដែលស្ថិតនៅលើដីរបស់រដ្ឋ ចាប់ពី៥០%ទៅ៦០%នៃតម្លៃទីផ្សារ ប្រសិនបើអត្រានៅតែទាបជាងទីផ្សារ» ។ នេះបើតាមប្រសាសន៍របស់អគ្គនាយកទូទៅ លោក Chakkrit Parapuntakul ។
រតនាគារជាតិនឹងយកអត្រាការប្រាក់ពីអគារពាណិជ្ជកម្ម ចាប់ពី៣០% ទៅ៤០%នៃតម្លៃទីផ្សារ ។ ក្រៅពីដំឡើងថ្លៃជួល ក៏នឹងពិចារណាថា តើការប្រើប្រាស់ដីរបស់រដ្ឋនិងអគារ នឹងមានកម្រិតអតិបរមាឬក៏អត់ ខណៈកិច្ចសន្យាជួលដីរដ្ឋាភិបាល ការពិតជាការជួលសម្រាប់ធ្វើពាណិជ្ជកម្ម ។
លោក Chakkrit Parapuntakul បានបញ្ជាក់ថា ៖ « រតនាគារជាតិបានយកថ្លៃជួលទាបចំពោះដី និងអគារលំនៅឋានដែលប្រើប្រាស់ក្នុងផ្នែកកសិកម្ម បើធៀបនឹងការជួលសម្រាប់វិស័យពាណិជ្ជកម្ម ។ ក្នុងនោះក៏បានព្យាករថា ប្រាក់ចំណូលប្រចាំឆ្នាំបានកើនឡើងចំនួន១០ប៊ីលានបាត ស្របតាមផែនការរយៈពេល៥ឆ្នាំ រហូតដល់ឆ្នាំ២០២០ ដើម្បីបង្កើនប្រសិទ្ធភាពនៃការប្រើប្រាស់ដីរដ្ឋ និងការកែតម្រូវអត្រាការជួលរបស់ខ្លួន » ។
រតនាគារជាតិអាចរកប្រាក់ចំណូលបាន៥ប៊ីលានបាតក្នុងមួយឆ្នាំ ក្នុងនោះបានពីការជួលចំនួន៤ប៊ីលានបាត និងបានពីប្រភពផ្សេងៗទៀត ។ មិនតែប៉ុណ្ណោះ ការជួលដីបានរួមចំណែក៣លានបាតនៃប្រាក់ចំណូលជារៀងរាល់ឆ្នាំសម្រាប់រតនាគារជាតិ ៕
ចែករំលែកព័តមាននេះ