Carrick សម្រេចចាកចេញពីបិសាចក្រហម ក្រោយដឹកនាំឈ្នះ Arsenal
អង់គ្លេស ៖ លោក Michael Carrick បានសម្រេចចាកចេញពីក្លិប Manchester United បន្ទាប់ពីបញ្ចប់ការងារជាអ្នកចាត់ការ
អង់គ្លេស ៖ លោក Michael Carrick បានសម្រេចចាកចេញពីក្លិប Manchester United បន្ទាប់ពីបញ្ចប់ការងារជាអ្នកចាត់ការ
អង់គ្លេស ៖ លោក Michael Carrick បានសម្រេចចាកចេញពីក្លិប Manchester United បន្ទាប់ពីបញ្ចប់ការងារជាអ្នកចាត់ការបណ្តោះអាសន្ន។
ការប្រកាសចាកចេញពីសំណាក់បុរសវ័យ៤០ឆាំ្នរូបនេះ គឺនៅក្រោយពេលលោកដឹកនាំ Man Utd យកឈ្នះលើក្រុមភ្ញៀវ Arsenal ដោយលទ្ធផល ៣-២ កាលពីយប់មិញ។
«បន្ទាប់ពីគិតនិងពិចារណាជាច្រើនដង ខ្ញុំបានសម្រេចចិត្តថា ពេលនេះ គឺជាពេលវេលាដ៏ត្រឹមត្រូវបំផុត សម្រាប់ខ្ញុំក្នុងការចាកចេញ»។ នេះជាការលើកឡើងរបស់ Michael Carrick ក្រោយបញ្ចប់ការប្រកួត។
Carrick ដែលឈ្នះជើងឯក Premier League ៥សម័យកាល អំឡុងពេល១២ឆ្នាំក្នុងនាមជាខ្សែបម្រើរបស់ Man Utd បានចូលកាន់តំណែងជាអ្នកចាត់ការបណ្តោះអាសន្ន បន្ទាប់ពីលោក Ole Gunnar Solskjaer លាលែងតំណែងជាអ្នកចាត់ការកាលពីថ្ងៃទី២១ ខែវិច្ឆិកា កន្លងទៅ។
ក្រោមការដឹកនាំចំនួន៣ប្រកួតរបស់ Carrick ក្រុមបិសាចក្រហមឈ្នះ ២-០ លើម្ចាស់ផ្ទះ Villarreal ក្នុងជំនួបក្របខណ្ឌ Champions League និងបន្តស្មើ ១-១ ជាមួយម្ចាស់ផ្ទះ Chelsea មុនពេលយកឈ្នះ Arsenal សម្រាប់ជំនួបក្របខណ្ឌ Premier League។ ខណៈ Man Utd បច្ចុប្បន្នកំពុងស្ថិតនៅចំណាត់ថ្នាក់ទី៧ ក្នុងតារាង គិតត្រឹមសប្តាហ៍ទី១៤។
គួរបញ្ជាក់ថា Man Utd បានសម្រេចតែងតាំងលោក Ralf Rangnick ដែលត្រូវបានគេដាក់រហស្សនាមថា «បិតាបាល់ទាត់សម័យទំនើបរបស់អាល្លឺម៉ង់» ជាអ្នកចាត់ការបណ្តោះអាសន្នរបស់ខ្លួន កាលពីថ្ងៃទី២៩ ខែវិច្ឆិកា ដើម្បីដឹកនាំរហូតចប់រដូវកាលនេះ ជាមួយលក្ខខណ្ឌពិសេស ដោយលោកនឹងបន្តការងារ២ឆ្នាំបន្ថែមទៀតនៅ Old Trafford ក្នុងតួនាទីអ្នកប្រឹក្សាយោបល់ក្លិប៕ (ដកស្រង់ចេញពី BBC)
ចែករំលែកព័តមាននេះ