ម៉ូទ័របូមទឹកឆក់មនុស្ស៤នាក់ សំណាងមិនស្លា.ប់
ខេត្តកំពង់ចាម ៖ សំឡេងបានស្រែកជួយផងមនុស្សឆក់ខ្សែភ្លើងហើយ ! បង្កឲ្យមនុស្សម្នាភ្ញាក់ផ្អើល ឮទៅដល់អ្នកជិតខាងបានរត់ស្ទុះ ទៅបិទឌីសសង់ទ័រ(បិទចរន្តភ្លើង)
ខេត្តកំពង់ចាម ៖ សំឡេងបានស្រែកជួយផងមនុស្សឆក់ខ្សែភ្លើងហើយ ! បង្កឲ្យមនុស្សម្នាភ្ញាក់ផ្អើល ឮទៅដល់អ្នកជិតខាងបានរត់ស្ទុះ ទៅបិទឌីសសង់ទ័រ(បិទចរន្តភ្លើង)
ខេត្តកំពង់ចាម ៖ សំឡេងបានស្រែកជួយផងមនុស្សឆក់ខ្សែភ្លើងហើយ ! បង្កឲ្យមនុស្សម្នាភ្ញាក់ផ្អើល ឮទៅដល់អ្នកជិតខាងបានរត់ស្ទុះ ទៅបិទឌីសសង់ទ័រ(បិទចរន្តភ្លើង) គេបានឃើញមនុស្សប្រុសស្រី ចំនួន៤នាក់បានដួលទៅលើដី សំណាងណាស់មិនបានរងគ្រោះថ្នាក់ដល់អាយុជីវិត ។ ហេតុការណ៏នេះកើតឡើងនៅវេលាម៉ោងជិត៥ល្ងាច ថ្ងៃទី១៣ ខែឧសភា ឆ្នាំ២០១៦ នៅភូមិតាមូត ឃុំគរ ស្រុកព្រៃឈរ ត្រូវបានគេជួយសង្គ្រោះដោយកប់ខ្សាច់ និងបន្តនាំមកសង្គ្រោះនៅមន្ទីរពេទ្យខេត្តទាំងយប់ ។
អ្នករងគ្រោះឈ្មោះ ខែម ចាន់ធា ភេទស្រីអាយុ៣៨ឆ្នាំប្រាប់ឲ្យដឹងថា ដំបូងគាត់បានប្រើកូនស្រីឈ្មោះ ឈឺន និតា អាយុ១០ឆ្នាំ ឲ្យចេញទៅបិទម៉ូទ័របូមទឹកនៅខាងក្រោយផ្ទះ ក្នុងពេលដែលទៅនោះស្រាប់ តែឃើញកូនស្រីបានដួលហើយបានស្រែកថាម៉ែៗ រំពេចនោះគាត់នឹងស្មានតែកូនធ្វើលេង បន្ទាប់មកបានស្ទុះក្នុងគោលបំណងទៅជួយកូន តែបែជាឆក់ខ្សែភ្លើង ដោយដៃតោងទៅបង្គោលដែកដាក់ស៊ីទែនទឹកព្រមទាំងបានស្រែកជួយផងៗ ។ អ្នករងគ្រោះឈ្មោះ ចាន់ ធា ប្រាប់បន្តថា ក្រោយបានស្តាប់ឮបែបនោះ ហើយមានអ្នកជិតខាងឈ្មោះ ស្រីនិច ភេទស្រី អាយុ១៥ឆ្នាំ បានរត់មកជួយក៏ត្រូវបានខ្សែភ្លើងឆក់បន្តទៀត រហូតដល់ទៅសន្លប់ ទាំងអស់គ្នាតែម្តង ។
គាត់ថាចំពោះខ្សែភ្លើងគឺខ្លាចណាស់រឿងឆក់ តែងតែមានការប្រុងប្រយ័ត្នព្រោះ ប្រាប់ទៅកូនៗពេលណាដែលមានដៃសើម មិនត្រូវទៅកាន់កុងតាក់បិទម៉ូទ័របូមទឹកឡើយ ។ សម្រាប់ភ្លើងតផ្ទះគាត់បានហៅជាងភ្លើងមកពីភ្នំពេញតឲ្យ ចំពោះមូលហេតុដែលឆក់អាចមកពីនៅថ្ងៃទី១២ ខែឧសភា ឆ្នាំ២០១៦ មេឃបានបង្អុរភ្លៀកធ្លាក់ចុះមក មានសំណើមនៅកុងតាក់ម៉ូទ័រទើបជាហេតុបណ្តាលឲ្យឆ្លងចរន្តឆក់យ៉ាងដូច្នេះ ។
បុរសជាប្តីឈ្មោះ ឈុន នី អាយុ៤០ឆ្នាំ បានប្រាប់ឲ្យដឹងដែរថា ស្របពេលដែលរូបគាត់កំពុងតែស្ថិត នៅខាងមុខផ្ទះស្រាប់តែឮសូរសំលេង ដូចជារបៀបមនុស្សឈ្លោះគ្នា ក៏បានរត់មកមើលខាងក្រោយ ផ្ទះឃើញប្រពន្ធគាត់តោងបង្គោលដែកដាក់ធុងទឹក ដោយក្បាលងើយទៅខាងលើ ក្រែងតែប្រពន្ធខ្យល់ក៏ស្ទុះទៅទប់។ ក្នុងពេលនោះជាហេតុបណ្តាលឲ្យឆក់ទាំងរូបលោកទៀត ដួលមកត្រូវមុតដែកត្រង់ ចង្កេះតែប្រឹងទប់ស្មារតី ស្រែកហៅឲ្យអ្នកជិតខាងជួយខ្សែភ្លើងឆក់ហើយ រួចបានដួលទៅលើដីដែរ។ បន្តិចក្រោយមកបានអ្នកភូមិផងរបងជាមួយបាន រត់ទៅបិទឌីសសង់ទ័រ នៅនឹងបង្គោលភ្លើងដើម្បីកុំឲ្យមានចរន្តអគ្គីសនីឆ្លងមកទៀត ។
គ្រាន់តែបិទភ្លើងភ្លាមរូបលោកក៏បានស្ទុះងើបឡើងវិញ ហើយក៏មានការភ្ញាក់ផ្អើលដល់អ្នកជិតខាង និងសាច់ញាតិមកជួយនាំគ្នាមកលើកប្រពន្ធកូន និងអ្នកជិតខាងម្នាក់ដែលសន្លប់ សែងមកខាងមុខផ្ទះយកខ្សាច់កប់និងប្រឹងប្រែងធ្វើចលនា រហូតដឹងខ្លួន ពេលធូរស្រាលក៏ប្រញាប់ដឹកមកសង្គ្រោនៅមន្ទីរពេទ្យបង្អែកស្រុក និងនាំបន្តមកសង្គ្រោះនៅមន្ទីរពេទ្យខេត្ត ផុតពីគ្រោះថ្នាក់ដល់អាយុជីវិតទាំងអស់គ្នា ៕
ចែករំលែកព័តមាននេះ