អនិច្ចាធម៌ប្រែថាដូចម្តេច ?
ពាក្យថា អនិច្ចតាធម៌ ឬអនិច្ចធម៌ ឬអនិច្ចំ ញែកចេញជា៖ អ ប្រែថា មិន, មិនមាន, មិនមែន…
ពាក្យថា អនិច្ចតាធម៌ ឬអនិច្ចធម៌ ឬអនិច្ចំ ញែកចេញជា៖ អ ប្រែថា មិន, មិនមាន, មិនមែន និង និច្ច ប្រែថា ទៀងទាត់, មិនប្រែប្រួល ចំណែក ធម៌ ប្រែថា ធម្មជាតិដែលមានពិតក្នុងលោក រួមសេចក្តីមកអនិច្ចតាធម៌ ប្រែថា ភាពមិនទៀងទាត់ក្នុងធម៌ទាំងឡាយ ។
និយាយឱ្យងាយឆាប់យល់ពាក្យ អនិច្ចានេះលោកសំដៅទៅលើ វត្ថុណា ឬធម្មជាតិណាដែលកើតពីសង្ខារធម៌ទាំងឡាយ វត្ថុ ឬធម្មជាតិនោះរមែងមិនទៀងទាត់ស្ថិតស្ថេរតាំងនៅឡើយ ហើយមានការប្រែប្រួលជាធម្មតា ទើបហៅថា អនិច្ចតាធម៌ ។
អនិច្ចតាធម៌នេះមានប្រាកដក្នុងមនុស្សសត្វទាំងអស់ក្នុងលោក គ្មានអ្នកណាម្នាក់អាចកន្លងបង់នូវធម៌អនិច្ចានេះបានឡើយ គ្រប់ខណៈ គ្រប់វេលានៃជីវិតរមែងមានការប្រែប្រួល វិវឌ្ឍទៅមុខជាដរាប ។
ហេតុនោះបំណងព្រះពុទ្ធគឺទ្រង់បង្រៀនយើងរហូតទាមទារឲ្យយើងដកពិសោធន៍ទៀត គឺការសង្កេតពិនិត្យមើលសុខភាពខ្លួនឯងគ្រប់ខណៈនោះនឹងយល់ច្បាស់ថាគ្រប់អាការៈក្នុងរូបកាយរបស់យើងនេះពិតជាមានការប្រែប្រួលប្រាកដ គឺទ្រង់មិនឲ្យយើងជឿដោយគ្រាន់តែស្ដាប់ គ្រាន់តែឮ ដោយមិនបានគិតពិចារណា និងពិសោធន៍នោះទេ ៕ សាន សារិន
ចែករំលែកព័តមាននេះ