បន្ទាប់ពីការប្រកួតដ៏ស្វិតស្វាញរយៈពេលជាងមួយខែមក ពេលនេះសាមសុងអាចរកឃើញអ្នកឈ្នះក្នុងកម្មវិធី ប្រកួតថតរូបងូតទឹកជាមួយទូរស័ព្ទសាមសុង Galaxy S7 edge ឬក៏ S7 ដែលជាទូរស័ព្ទអាចការពារការជ្រាបទឹក បានរយៈពេល30នាទី ឬក៏ជម្រៅ1ម៉ែត្រកន្លះ។
លោក ហុង កិត្យា ជាបេក្ខជនដែលទទួលបានការគាំទ្ររហូតដល់ទៅជាង៥ពាន់ក្នុងរយៈពេលជាងមូយខែប៉ុណ្ណោះ ។ លោក ហុង កិត្យា បានឲ្យដឹងថា «ខ្ញុំពិតជារីករាយបំផុតដែលបានទទួលរង្វាន់ទូរស័ព្ទសាមសុង Galaxy S7 edge ពីការប្រកួតមួយនេះ។ សាមសុង Galaxy S7 edge ពិតជាឡូយមែន អាចការពារការជ្រាបទឹកពិតប្រាក»។
នៅក្នុងកម្មវិធីប្រកួតនេះ តម្រូវឲ្យបេក្ខជនថតរូប selfie ពេលងូតទឹកដោយកាន់ទូរស័ព្ទសាមសុង Galaxy S7 edge ឬក៏ S7 ហើយផូសក្នុងហ្វ៊េសបុក ។ បេក្ខជនដែលទទួលបានចំនួនចូលចិត្ត (Like) ច្រើនជាងគេ គឺជាអ្នកឈ្នះ។
បើយោងតាមក្រុមហ៊ុនសាមសុងបានឲ្យដឹងថា ភាពជោគជ័យរបស់សាមសុង Galaxy S7 edge និង Galaxy S7 បានជួយឲ្យចំណូលរបស់សាមសុងទូទាំងពិភពលោកនៅក្នុងត្រីមាសទីមួយ ក្នុងឆ្នាំ2016 កើនឡើងរហូតដល់ទៅ ៥,៧ភាគរយ ហើយប្រាក់ចំណេញកើនរហូតដល់ទៅ12ភាគរយ។
សាមសុង Galaxy S7 edge និង Galaxy S7 សាកថ្មបានលឿន ទោះជាមិនប្រើខ្សែក៏ដោយ។ លើសពីនេះទៀត វាមានកន្លែងដាក់ស៊ីមពីរ ហើយអ្នកអាចបន្ថែមអង្គចងចាំមួយទៀតរហូតដល់ទៅ 200GB ពេលដែលប្រើស៊ីមតែមួយ។
រាល់ការជាវទូរស័ព្ទសាមសុង Galaxy S7 edge ឬ S7 អតិថិជននឹងទទួលបានភ្លាមនូវស៊ីមកាត Cellcard ដែលមានទឹកប្រាក់360ដុល្លារអាមេរិក ព្រមទាំងអាចប្រើអីុនធើរណេត 3GB ថែមទៀត។
ចែករំលែកព័តមាននេះ