ខេត្តកណ្តាល ៖ ណាហ្គាវើលបេះដូងសប្បុរស បានប្រគល់រង្វាន់ថវិកាដល់ជ័យលាភីចំនួន២៩នាក់ ក្នុងកម្មវិធីប្រឡងប្រកបពាក្យភាសាអង់គ្លេស ក្នុងសាលាបឋមសិក្សារកា ស្ថិតក្នុងស្រុកខ្សាច់កណ្តាល ខេត្តកណ្តាល
ខេត្តកណ្តាល ៖ ណាហ្គាវើលបេះដូងសប្បុរស បានប្រគល់រង្វាន់ថវិកាដល់ជ័យលាភីចំនួន២៩នាក់ ក្នុងកម្មវិធីប្រឡងប្រកបពាក្យភាសាអង់គ្លេស ក្នុងសាលាបឋមសិក្សារកា ស្ថិតក្នុងស្រុកខ្សាច់កណ្តាល ខេត្តកណ្តាល កាលពេលថ្មីៗនេះ ។
លោក James Ma នាយកផ្នែកទំនាក់ទំនងបុគ្គលិក និងការងារសង្គមណាហ្គាវើល មានប្រសាសន៍ថា «ណាហ្គាវើលបេះដូងសប្បុរស បានផ្តួចផ្តើមបង្កើតកម្មវិធីអប់រំជាច្រើន ដើម្បីលើកទឹកចិត្តកុមារឲ្យខិតខំរៀនសូត្រមុនសម្រាប់អនាគតនៃប្រទេសកម្ពុជា។ កម្មវិធីប្រឡងប្រកបពាក្យភាសាអង់គ្លេស គឺជាកម្មវិធីមួយក្នុងចំណោមកម្មវិធីជាច្រើន ដែលណាហ្គាវើលបេះដូងសប្បុរសបានផ្តួចផ្តើមបង្កើត ដើម្បីលើកទឹកចិត្តកុមារឲ្យខិតខំរៀនភាសាអន្តរជាតិនេះ។ យើងសប្បាយរីករាយដែលឃើញលទ្ធផលនៃកម្មវិធីប្រឡងប្រកបពាក្យភាសាអង់គ្លេសនេះ មានភាពល្អប្រសើរ។ ថ្ងៃនេះ យើងនឹងប្រគល់រង្វាន់ថវិកាទៅដល់ជ័យលាភីក្នុងកម្មវិធីប្រឡងប្រកបពាក្យភាសាអង់គ្លេស។ រង្វាន់លេខ១ បានទៅលើសិស្សឈ្មោះ រឺម យូរ៉េត ដែលទទួលបាន៨៩ពិន្ទុ ជាសិស្សថ្នាក់ទី៦ «ក» មកពីសាលាបឋមសិក្សារកា។ ជ័យលាភីចំនួន២៩នាក់ បានទទួលរង្វាន់ថវិកា និងប័ណ្ណសរសើរ ដែលបានប្រគល់ដោយណាហ្គាវើលបេះដូងសប្បុរស។
នេះគឺជាសញ្ញាល្អមួយ ហើយក៏ជាលទ្ធផលវិជ្ជមានមួយផងដែរ សម្រាប់កម្មវិធីរបស់យើង។ តាមរយៈការអនុវត្តន៍កម្មវិធីប្រឡងប្រកបពាក្យភាសាអង់គ្លេសនេះ យើងសង្ឃឹមថា ពាក្យវាក្យសព្ទភាសាអង់គ្លេសរបស់កុមារ នឹងមានការល្អប្រសើរឡើង»។
យុវសិស្ស រឺម យូរ៉េត ដែលបានឈ្នះរង្វាន់លេខ១ បាននិយាយដោយទឹកមុខញញឹមញញេមថា «ខ្ញុំមានអារម្មណ៍សប្បាយរីករាយ និងរំភើបជាខ្លាំងដែលបានឈ្នះរង្វាន់លេខ១ ក្នុងកម្មវិធីប្រឡងប្រកបពាក្យភាសាអង់គ្លេស ដែលបានរៀបចំដោយណាហ្គាវើលបេះដូងសប្បុរស។ កម្មវិធីនេះ គឺមានសារសំខាន់ណាស់ ដើម្បីជួយពង្រឹងភាសាអង់គ្លេសរបស់យើង ជាពិសេសកម្មវិធីនេះ ធ្វើឲ្យយើងចេះពាក្យជាច្រើន។ ខ្ញុំសូមថ្លែងអំណរគុណដល់ណាហ្គាវើលបេះដូងសប្បុរសសម្រាប់ការផ្តល់ឱកាសឲ្យខ្ញុំបានចូលរួមក្នុងកម្មវិធីនេះ។ ថវិកាចំនួន១២០.000រៀល គឺពិតជាច្រើនណាស់។ ខ្ញុំនឹងប្រើប្រាស់ថវិកានេះ ដើម្បីគាំទ្រការសិក្សារបស់ខ្ញុំ»។
លោក ង៉ុយ ផាត នាយកសាលាបឋមសិក្សារកា បានមានប្រសាសន៍ថា «ថ្ងៃនេះ គឺជាថ្ងៃពិសេស និងរំភើបមួយ ពីព្រោះសិស្សរបស់ខ្ញុំបានឈ្នះរង្វាន់លេខ១ និង៣ ក្នុងកម្មវិធីប្រឡងប្រកបពាក្យភាសាអង់គ្លេសដែលបានរៀបចំដោយណាហ្គាវើលបេះដូងសប្បុរស។ ពួកគេបានទទួលរង្វាន់ថវិកា រួមទាំងប័ណ្ណសរសើរពីណាហ្គាវើល បេះដូងសប្បុរស។ កម្មវិធីប្រឡងប្រកបពាក្យភាសាអង់គ្លេសនេះ គឺមានសារសំខាន់ណាស់សម្រាប់សិស្សានុសិស្សដើម្បីជួយពង្រឹងភាសាអង់គ្លេសរបស់ពួកគេ។ ខ្ញុំសូមថ្លែងអំណរគុណដល់ណាហ្គាវើលបេះដូងសប្បុរស ដែលតែងតែបានឧបត្ថម្ភសម្ភារសិក្សាដល់សិស្សរបស់យើង និងបានផ្តួចផ្តើមបង្កើតកម្មវិធីប្រឡងប្រកបពាក្យភាសាអង់គ្លេស ដើម្បីលើកទឹកចិត្តកុមាររបស់យើងឲ្យខិតខមរៀនសូត្រជាងមុនសម្រាប់អនាគតភ្លឺស្វាងរបស់ពួកគេ»។
លោក ចែម ធី មេភូមិរកា បានមានប្រសាសន៍ថា «ខ្ញុំសប្បាយរីករាយណាស់ និងសូមអប់អរសាទរដល់កុមារចំនួន២៩នាក់ ដែលបានឈ្នះជ័យលាភីក្នុងការប្រកួតប្រជែងដែលរៀបចំដោយណាហ្គាវើលបេះដូងសប្បុរស។ កម្មវិធីប្រកួតប្រជែងនេះ គឺជាកម្មវិធីលើកទឹកចិត្តមួយសម្រាប់កុមារ ដើម្បីរៀនភាសាអង់គ្លេស។ តាងនាមឲ្យអាជ្ញាធរមូលដ្ឋាន ខ្ញុំសូមថ្លែងអំណរគុណដល់ណាហ្គាវើលបេះដូងសប្បុរសសម្រាប់ការរៀបចំកម្មវិធីប្រឡងប្រកបពាក្យសម្រាប់កុមាររបស់យើង»៕
ចែករំលែកព័តមាននេះ