វៀតណាមផ្អាកការហោះហើរទៅ និងមកពីតំបន់អាហ្វ្រិច ដោយសារបារម្ភឆ្លងវីរុសបំប្លែងថ្មី
វៀតណាម ៖ ប្រទេសវៀតណាមនឹងធ្វើការផ្អាកការហោះហើរទៅកាន់ និងមកពីប្រទេសអាហ្វ្រិចចំនួន៧ ដោយសារមានការព្រួយ
វៀតណាម ៖ ប្រទេសវៀតណាមនឹងធ្វើការផ្អាកការហោះហើរទៅកាន់ និងមកពីប្រទេសអាហ្វ្រិចចំនួន៧ ដោយសារមានការព្រួយ
វៀតណាម ៖ ប្រទេសវៀតណាមនឹងធ្វើការផ្អាកការហោះហើរទៅកាន់ និងមកពីប្រទេសអាហ្វ្រិចចំនួន៧ ដោយសារមានការព្រួយបារម្ភពីការឆ្លងវីរុសបំប្លែងថ្មី Omicron។ នេះបើយោងតាមការចុះផ្សាយរបស់សារព័ត៌មានរដ្ឋវៀតណាមកាលពីថ្ងៃពុធម្សិលមិញ។
កាសែតវៀតណាម Lao Dong បានចុះផ្សាយថា អាជ្ញាធរអាកាសចរណ៍ស៊ីវិលវៀតណាមបានយល់ព្រមលើការហោះហើរនោះ ប៉ុន្តែមិនបានបញ្ជាក់ថាតើវានឹងចូលជាធរមាននៅពេលណាឡើយ។
កាលពីថ្ងៃអាទិត្យកន្លងទៅ ក្រសួងសុខាភិបាលវៀតណាមបានស្នើឲ្យអាជ្ញាធរពាក់ព័ន្ធទាំងអស់ធ្វើការផ្អាកការហោះហើរទាំងអស់មកពីប្រទេសតំបន់អាហ្វ្រិចមានដូចជា អាហ្វ្រិចខាងត្បូង បូតស្វាណា (Botswana) ហ្សីមបាវ៉េ (Zimbabwe) ណាមីប៊ី (Namibia) ឡេសូថូ (Lesotho) អេសវ៉ាធីនី (Eswatini) និង ម៉ូសំប៊ិក (Mozambique)។
វីរុសបំលែងថ្មី Omicron ត្រូវបានអ្នកវិទ្យាសាស្ត្រអាហ្វ្រិចខាងត្បូងបានរាយការណ៍ទៅកាន់អង្គការសុខភាពពិភពលោកកាលពីថ្ងៃទី ២៤ ខែវិច្ឆិកា។ រហូតមកដល់ពេលនេះ វីរុសនេះបានធ្វើដំណើរទៅដល់ប្រទេសជាង ២០ជុំវិញពិភពលោក។ អ្នកវិទ្យាសាស្ត្រថាវីរុសអាចឆ្លងរីករាលដាលយ៉ាងលឿន និងធន់នឹងវ៉ាក់សាំង។
រហូតមកដល់ពេលនេះ វៀតណាមដែលមានប្រជាជនជិត ១០០លាននាក់ មិនទាន់រកឃើញមានករណីឆ្លងវីរុសបំប្លែងថ្មីនេះនៅឡើយទេ។
កាលពីថ្ងៃពុធម្សិលមិញនេះ វៀតណាមបានរកឃើញករណីឆ្លងវីរុសកូវីដ ១៩ចំនួន ១៤.៥០៨ករណី ធ្វើឲ្យអ្នកឆ្លងសរុបក្នុងប្រទេសកើនឡើងដល់ ១,២៥លាននាក់ និងករណីស្លា.ប់ ២៥.០០០នាក់៕ (យោងតាមប្រភព៖ Channel News Asia & Lao Dong)
ចែករំលែកព័តមាននេះ