ថៃអាចនឹងបិទប្រទេសសារជាថ្មី បើរកឃើញមានករណីឆ្លងវីរុសបំប្លែងថ្មី Omicron
ថៃ ៖ នាយករដ្ឋមន្ត្រីថៃលោក Prayut Chan-o-cha នឹងត្រូវធ្វើការសម្រេចចិត្តថាតើត្រូវបិទប្រទេសឡើងវិញឬយ៉ាងណា ប្រសិនរក
ថៃ ៖ នាយករដ្ឋមន្ត្រីថៃលោក Prayut Chan-o-cha នឹងត្រូវធ្វើការសម្រេចចិត្តថាតើត្រូវបិទប្រទេសឡើងវិញឬយ៉ាងណា ប្រសិនរក
ថៃ ៖ នាយករដ្ឋមន្ត្រីថៃលោក ប្រាយុទ្ធ ចាន់អូចា (Prayut Chan-o-cha) នឹងត្រូវធ្វើការសម្រេចចិត្តថាតើត្រូវបិទប្រទេសឡើងវិញឬយ៉ាងណា ប្រសិនរកឃើញមានការឆ្លងវីរុសបំប្លែងថ្មី Omicron នៅក្នុងប្រទេស។
ប៉ុន្តែរហូតមកដល់ពេលនេះ អាជ្ញាធរសុខាភិបាលថៃបញ្ជាក់ថាមិនទាន់រកឃើញមានករណីវីរុសបំប្លែងថ្មីឡើយនៅក្នុងប្រទេស។
វីរុសបំលែងថ្មី Omicron ដែលមានប្រភពចេញពីអាហ្វ្រិចខាងត្បូង ត្រូវបានគេរកឃើញនៅក្នុងប្រទេសមួយចំនួនដូចជា កាណាដា ចក្រភពអង់គ្លេស ប៉ទុយហ្គាល់ ប៊ែលហ្សិក និងហូឡង់ជាដើម។
ប្រទេសជាច្រើនបានដាក់អាហ្វ្រិចខាងត្បូង និងប្រទេសចំនួន ៧ទៀតក្នុងតំបន់អាហ្វ្រិចចូលក្នុងបញ្ជីខ្មៅ ដោយហាមប្រាមអ្នកដំណើរមកពីប្រទេសទាំងនោះ ក្រោយពេលអ្នកវិទ្យាសាស្ត្រអាហ្វ្រិចខាងត្បូងបានរកឃើញវីរុសបំលែងថ្មី ដែលអាចឆ្លងរីករាលដាលយ៉ាងលឿន និងធន់នឹងវ៉ាក់សាំង។
ថ្លែងក្រោយកិច្ចប្រជុំគណៈរដ្ឋមន្ត្រីកាលពីថ្ងៃអង្គារម្សិលមិញនេះ លោក Supattanapong Punmeechaow ឧបនាយករដ្ឋមន្ត្រី និងជារដ្ឋមន្ត្រីថាមពលបាននិយាយថា គណៈរដ្ឋមន្ត្រីបានណែនាំឲ្យស្ថាប័នពាក់ព័ន្ធទាំងអស់ត្រួតពិនិត្យស្ថានភាពឲ្យបានដិតដល់ ខណៈដែលក្រសួងសុខាភិបាលនឹងធ្វើការវាយតម្លៃពីការបើកប្រទេសក្នុងរយៈពេល ២សប្តាហ៍។
អនុរដ្ឋមន្ត្រីសុខាភិបាលថៃលោក Sathit Pitutecha បានជំរុញឲ្យសាធារណៈជនកុំមានការភ័យខ្លាច ដោយលោកបញ្ជាក់ថា នាយករដ្ឋមន្ត្រីបានបញ្ជាឲ្យភ្នាក់ងារសន្តិសុខបង្កើនការឃ្លាំមើលព្រំដែន ដើម្បីការពារការឆ្លងព្រំដែនខុសច្បាប់ ដើម្បីទប់ស្កាត់វីរុស។
លោកក៏បានព្រមានផងដែរថា មន្ត្រីណាដែលធ្វេសប្រហែលក្នុងការបំពេញកាតព្វកិច្ចនឹងប្រឈមនឹងការផ្តន្ទាទោសយ៉ាងធ្ងន់ធ្ងរ។
សូមរម្លឹកថា ថៃបានធ្វើការបើកប្រទេសឡើងវិញកាលពីថ្ងៃទី ១ខែវិច្ឆការនេះ ដើម្បីទទួលយកអ្នកទេសចរណ៍ចាក់វ៉ាក់សាំងរួចមកពីប្រទេសចំនួន ៦០ទូទាំងពិភពលោក ក្រោយពេលបិទព្រំដែនអស់រយៈពេល ១៨ខែដោយសារវិបត្តកូវីដ ១៩។ ការបើកប្រទេសឡើងវិញគឺដើម្បីស្ថារវិស័យទេសចរណ៍ដែលរងការប៉ះពាល់ដោយវិបត្តិកូវីដ ១៩៕ (យោងតាមប្រភព៖ Bangkok Post & BBC)
ចែករំលែកព័តមាននេះ