វីរុសកូវីដបំបែ្លងខ្លួនអូមីក្រុង ៖ ខណៈវីរុសកូវីដ-១៩ បំប្លែងខ្លួនថ្មី ហៅ «អូមីក្រុង» ដែលតាមអង្គការសុខភាពពិភពលោក WHO ថា អាចមានហានីភ័យខ្ពស់ បណ្ដារោគសញ្ញារបស់វាហាក់មានលក្ខណៈផ្សេងៗគ្នា ពីកូវីដប្រពៃណី ឬវីរុសដើម ព្រមទាំងវីរុសប្រភទដែលតា។ នេះបើតាមការសង្កេតឃើញដំបូងនានា របស់គ្រូពេទ្យអាហ្វ្រិកខាងត្បូង។
វីរុស «អូមីក្រុង» នេះ កំពុងបង្កក្ដីបារម្ភខ្លាំងរបស់ពិភពលោក។ ខណៈបណ្ដាប្រទេសនៅអឹរ៉ុបកំពុងតែទប់ស្កាត់រលកទី៥ នៃការឆ្លងរាលដាលកូវីដ ពេលដែលប្រទេសអាហ្វ្រិកខាងត្បូងក៏បានប្រកាសពីការរកឃើញវីរុសបំប្លែងខ្លួនថ្មីនាំឲ្យមានការបារម្ភខ្លាំង នោះជាវីរុសដែលគេដាក់ឈ្មោះថា «អូមីក្រុង»។ តាម WHO ថា វីរុសនោះមានហានិភ័យខ្ពស់បំផុត ក្នុងកម្រិតពិភពលោក និងគួរឲ្យបារម្ភ។
វេជ្ជបណ្ឌិតល្បីល្បាញអាមេរិកលោក ANTHONY FAUCI បានគូសបញ្ជាក់ថា វីរុសនេះ ឆ្លងខ្លាំង និងលឿន ហើយអាចធន់នឹងបណ្ដាវ៉ាក់សាំង មកពីវាមានការបំប្លែងជាច្រើន។ ទោះបីវីរុសនេះ នៅមិនទាន់ឆ្លងរាតត្បាតខ្លាំងនៅឡើយនៅអឹរ៉ុប និងលើពិភពលោក តែបណ្ដារោគសញ្ញាលើបណ្ដាអ្នកជំងឹឆ្លងវីរុសប្រភេទថ្មីនេះ ត្រូវបានគេយកមកវិភាគ។
ហើយនៅពេលសម្ភាសន៍ជាមួយកាសែតអង់គ្លេស TELEGRAPH គ្រូពេទ្យអាហ្វ្រិកខាងត្បូងដំបូងគេ ដែលប្រកាសពីការរកឃើញ បណ្ដាអ្នកជំងឺឆ្លង «អូមីក្រុង» លោកស្រី ANGELIQUE COETZEE បានថ្លែងថា បណ្ដារោគសញ្ញា គឹខុសពីធម្មតាតែស្រាល។ លោកស្រីបន្តថា ការសង្ស័យចំពោះវីរុសបំប្លែងថ្មី គឹពេលបណ្ដាអ្នកជំងឹចូលមកកាន់កន្លែងលោកស្រី កាលពីដើមខែនេះ មានរោគសញ្ញានៃកូវីដ ដែលមានអាការៈហត់់ខ្លាំង ជីពចរដើរលឿន តែពុំមែន ANOSMIE ទេ។ ហើយកុមារជាច្រើននាក់មានសភាពហត់ដង្ហក់ ជីពចរដើរលឿន តែក្នុងចំណោមពួកគេពុំមាននរណាម្នាក់បាត់បង់រសជាតិ ឬក្លិនឡើយ។ យើងមានករណីគួរឲ្យចាប់អារម្មណ៍បំផុតមួយ ដោយកុមារម្នាក់អាយុ៦ឆ្នាំមានក្ដៅខ្លួន មានជីពចរដើរលឿន ហើយខ្ញុំគិតថា តើត្រូវបញ្ជូនគេទៅមន្ទីរពេទ្យឬយ៉ាងណា?។ តែពេលខ្ញុំព្យាបាលគេបាន២ថ្ងៃ គេក៏បានធូរស្រាលឡើងវិញ។
គ្រូពេទ្យរូបនេះបន្តថា ភាគច្រើននៃអ្នកជំងឹរបស់លោកស្រី មានអាយុក្រោម៤០ឆ្នាំ ក្នុងនោះក្រោមពាក់កណ្ដាលមិនបានចាក់វ៉ាក់សាំង ហើយមានអាការៈអស់កម្លាំងខ្លាំង និងឈឺចុកចាប់ក្នុងខ្លួន មានក្អកស្ងួត រមាស់បំពង់.ក និងមានការក្ដៅខ្លួនតិចៗ។ វាមានរោគសញ្ញាស្រាល ក៏ចំពោះបណ្ដាអ្នកមិនទាន់ចាក់វ៉ាក់សាំងដែរ។
វេជ្ជបណ្ដិត ANGELIQUE COETZEE រំំឭកថា បណ្ដាព័ត៌មានស្ដីពីគ្រោះថ្នាក់នៃវីរុស «អូមីក្រុង» នោះ នៅប្រមូលបានតិចតួចនៅឡើយនឹងថា តែគេមិនត្រូវមើលស្រាល ក៏ទោះបីវាមានរោគសញ្ញាហាក់ដូចជាស្រាលក្ដី។ ខ្ញុំមិននិយាយថា វាមិនមែនជាជំងឹធ្ងន់ តែសម្រាប់ពេលនេះ ទោះបណ្ដាអ្នកជំងឹដែលយើងបានមើល មិនទាន់បានចាក់វ៉ាក់សាំង ក៏មានរោគសញ្ញាស្រាលដែរ។ ផ្ទុយទៅវិញលោកស្រីបញ្ជាក់ថា អ្នកជំងឹទាំងអស់របស់លោកស្រីមានសុខភាពល្អ តែខ្លាចវីរុសបំប្លែងថ្មីនេះ វាយប្រហារខ្លាំងលើបណ្ដាមនុស្សចាស់ ឬបណ្ដាអ្នកដែលមានជំងឹទឹកនោមផ្អែម ឬជំងឹបេះដូងជាដើម៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ