រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន បានមានប្រសាសន៍ថា «ពណ៌អីក៏ដោយ ក៏ត្រូវតែចាត់ការកុំមករញ៉េរញ៉ៃ ឲ្យតែធ្វើខុសគឺចាប់ទាំងអស់ គុកធ្វើឡើង ដើម្បីអ្នកខុស»។
រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន បានមានប្រសាសន៍ថា «ពណ៌អីក៏ដោយ ក៏ត្រូវតែចាត់ការកុំមករញ៉េរញ៉ៃ ឲ្យតែធ្វើខុសគឺចាប់ទាំងអស់ គុកធ្វើឡើង ដើម្បីអ្នកខុស»។ ជាមួយគ្នានេះដែរសម្តេចតេជោនាយករដ្ឋមន្ត្រីក៏បានបង្ហើបថាអ្នកឧបត្ថម្ភថវិកាបោះអាវសម្រាប់ក្រុមអង្គការសង្គមស៊ីវិលធ្វើយុទ្ធនាការ «ថ្ងៃចន្ទពណ៌ខ្មៅ» គឺត្រូវបានស្គាល់មុខអស់ហើយ។
សម្តេចតេជោមានប្រសាសន៍ខាងលើបែបនេះ បានធ្វើឡើងនៅព្រឹកថ្ងៃទី១០ ឧសភា ២០១៦ ក្នុងឱកាសដែលសម្តេចបានអញ្ជើញជាអធិបតីចែកសញ្ញាបត្រជូនដល់និស្សិតវិទ្យាស្ថានវ៉ាន់ដា នៅមជ្ឈមណ្ឌលកម្សាន្ត និងពិព័រណ៍កោះពេជ្រ ។
ក្នុងឱកាសនោះដែរ សម្តេចតេជោ ហ៊ុន សែន បានសង្កត់ធ្ងន់ទៀតថា «រាជរដ្ឋាភិបាលមិនអនុញ្ញាតឲ្យសន្តិសុខមនុស្សរាប់លាននាក់ ត្រូវបានបំផ្លាញដោយបុគ្គល ៤-៥នាក់នោះទេ ។ សម្តេចតេជោបានជំរុញឲ្យមន្ត្រីអង្គការសង្គមស៊ីវិលស្វែងរកមេធាវីពូកែ ដើម្បីការពារក្តីដល់មន្ត្រីអង្គការសិទ្ធិមនុស្សដែលជាប់ឃុំមិនអាចដាក់សម្ពាធលើតុលាការបាននោះទេ»។
សម្តេចបន្តថា «សិទ្ធិមានព្រំប្រទល់ជាមួយសិទ្ធិអ្នកដទៃអ្នកប្រើសិទ្ធិ សូមកុំប្រើសិទ្ធិ ដើម្បីបំពានអ្នកដទៃ។ រាជរដ្ឋាភិបាលត្រូវការពារនិងរក្សាសន្តិភាព ស្ថេរភាព ដើម្បីការអភិវឌ្ឍ បុគ្គលធ្វើខុសត្រូវទទួលខុសត្រូវចំពោះមុខច្បាប់ បើមិនធ្វើខុសគ្មានការចាប់ខ្លួនទេ។ បើទាមទារដោះលែងគ្មានលក្ខខណ្ឌមិនចាំបាច់មានច្បាប់នោះទេ»។
ចែករំលែកព័តមាននេះ