ខេត្តសៀមរាប ៖ កាលពីថ្ងៃទី០៩ ឧសភា ២០១៦ ស្ថិតក្នុងបរិវេណសាលាស្រុកជីក្រែង ខេត្តសៀមរាប ដោយមានការដឹកនាំ ដោយលោកជំទាវ គួយ ណាលីន ឃឹម ប៊ុន សុង អនុប្រធានគណៈកម្មាធិការសាខាកាកបាទក្រហមកម្ពុជាខេត្តសៀមរាប និង
ខេត្តសៀមរាប ៖ កាលពីថ្ងៃទី០៩ ឧសភា ២០១៦ ស្ថិតក្នុងបរិវេណសាលាស្រុកជីក្រែង ខេត្តសៀមរាប ដោយមានការដឹកនាំ ដោយលោកជំទាវ គួយ ណាលីន ឃឹម ប៊ុន សុង អនុប្រធានគណៈកម្មាធិការសាខាកាកបាទក្រហមកម្ពុជាខេត្តសៀមរាប និងលោកស្រីទោម ចន្ថា នូ ផល្លា សមាជិកាកិត្តិយសកាកបាទក្រហមកម្ពុជាខេត្ត ត្រូវបានសាខាកាកបាទក្រហមកម្ពុជាខេត្ត នាំយកអំណោយរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ទៅចែកជូនបងប្អូនប្រជាពលរដ្ឋចំនួន២១គ្រួសារ ដែលរងគ្រោះដោយខ្យល់កន្ទ្រាក់ រលំផ្ទះ របើកដំបូល មកពី០៩ភូមិ ក្នុងឃុំ៤ របស់ស្រុកជីក្រែង ខេត្តសៀមរាប ។
គួរបញ្ជាក់ថា ពលរដ្ឋដែលរងគ្រោះដោយខ្យល់កន្ទ្រាក់ កើតឡើងកាលពីថ្ងៃទី២៨ មេសា ២០១៦ កន្លងមកនេះ ធ្វើឱ្យលំនៅឋានចំនួន២១ខ្នង នៅភូមិមួយចំនួន ក្នុងឃុំខ្វាវឃុំសង្វើយ ឃុំអន្លង់សំណរ និងឃុំល្វែងប្ញស្សី ស្រុកជីក្រែង ទទួលរងគ្រោះដោយ ក្នុងនោះ បណ្តាលឱ្យរលំផ្ទះចំនួន៩ខ្នង និងរបើកដំបូល១២ខ្នងផងដែរ ។ ក្នុងនោះ គ្រួសាររលំផ្ទះ ទទួលបានអំណោយ១៤មុខ និង គ្រួសារផ្ទះប៉ើង ដំបូលទទួលបាន១២មុខ ក្នុងនោះ លោកបណ្ឌិត ឃឹម ប៊ុនសុង និងលោកជំទាវ បានឧបត្ថម្ភបងប្អូនទាំង២១គ្រួសារ ដោយមួយគ្រួសារ បានថវិកា៥ម៉ឺនរៀល ។
ចែករំលែកព័តមាននេះ