ប្រទេសចិន ៖ ប្រទេសចិនទើបអនុញ្ញាតកាលពិថ្ងៃទី២៨វិច្ឆិកាឲ្យប្រើក្នុងការធ្វើពាណិជ្ចកម្ម រថយន្តតាក់ស៊ីដែលគ្មានមនុស្សបើក។
រថយន្តប្រភេទនោះរត់ដោយមិនចាំបាច់មានមនុស្សកាន់ចង្កូត ហើយអាចផ្លាស់ប្ដូរល្បឿន ឈប់តាមភ្លើងស្តុប និងឈប់ទទួលអ្នកដំណើរដោយស្វ័យប្រវត្តិ។
វាជារថយន្តតាក់ស៊ីដែលមានការសន្សំសំចៃ ទាំងកម្លាំងពលកម្មទាំងប្រេងលើកដំបូង ដែលមានរត់នៅក្រុងប៉េកាំង។ រថយន្តធុនSUVទាំងនេះ ប្រដាប់ដោយឧបករណ៍ចាប់នៅលើដំបូលនិងអាចដឹកអ្នកដំណើរបានតែ២នាក់មួយលើក ជាមួយមនុស្សម្នាក់ជិះនៅខាងមុខ ត្រៀមកាន់ចង្កូចក្នុងករណិដែលកើតមាននឹកស្មានមិនដល់។ រថយន្តតាក់ស៊ីស្វ័យប្រវតិ្តពណ៌សធុននោះ មាន៦៧គ្រឿងសម្រាប់ពេលនេះ ដែលដាក់ឲ្យប្រើនៅតំបន់YIZHUANG ជាយក្រុងភាគខាងត្បូងនៃក្រុងប៉េកាំង ចម្ងាយ១០គីឡូម៉ែត្រពីកណ្ដាលរដ្ឋធានីចិន។
ពិតណាស់គេនៅរង់ចាំច្រើនឆ្នាំទៀត មុនពេលដែលរថយន្តទាំងឡាយអាចរត់ ដោយមិនចាំបាច់មានអន្តរាគមន៍របស់មនុស្ស។ ការដាក់ឲ្យធ្វើចរាចរណ៍ពេញលេញនៃរថយន្តប្រភេទនោះ នៅជួបឧបសគ្គជាច្រើនទាំងខាងបច្ចេកទេសទាំងខាងផ្លូវច្បាប់។ ប៉ុន្តែការផ្ដល់ភ្លើងខៀវកាលពីថ្ងៃទី២៥វិច្ឆិកា ឲ្យក្រុមហ៊ុនអ៊ីនធើរណេតយក្សចិន BAIDUនិងក្រុមហ៊ុនSTAART-UP PONY .AI ដែលមានភាគហ៊ុនជាមួយក្រុមហ៊ុនរថយន្តតូយូតា ពិតជាការឈានមុខដ៏ធំមួយ។
បណ្ដាអ្នកដំណើរជិះរថយន្តតាក់សីុស្វ័យប្រវត្តិនោះ ត្រូវចុចកំណត់ផ្លូវដែលគេចង់ធ្វើដំណើរមុនឡើងជិះរថយន្តនោះ។ ក្នុងបរិយាកាសដែលចរាចរណ៍តាមដងវិថីនានា នៃក្រុងបេ៉កាំងជួនកាលមានលក្ខណៈអានាធិបតេយ្យ រថយន្តនោះអាចបើកលឿននិងយឺតឬទប់ហ្វ្រាំងនិងបត់បែនដោយស្វ័យប្រវត្តិ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ