មេដឹកនាំអាហ្វ្រិកខាងត្បូងអំពាវនាវឱ្យដកបម្រាមធ្វើដំណើរលើប្រទេសខ្លួនជាបន្ទាន់ និងថាជាការរើសអើ.ង
អាហ្វិកខាងត្បូង ៖ ប្រធានាធិបតីអាហ្វ្រិកខាងត្បូង លោក Cyril Ramaphosa បានថ្កោលទោសចំពោះការដាក់បម្រាមធ្វើដំណើរ
អាហ្វិកខាងត្បូង ៖ ប្រធានាធិបតីអាហ្វ្រិកខាងត្បូង លោក Cyril Ramaphosa បានថ្កោលទោសចំពោះការដាក់បម្រាមធ្វើដំណើរ
អាហ្វិកខាងត្បូង ៖ ប្រធានាធិបតីអាហ្វ្រិកខាងត្បូង លោក Cyril Ramaphosa បានថ្កោលទោសចំពោះការដាក់បម្រាមធ្វើដំណើរប្រឆាំងប្រទេសរបស់លោក និងប្រទេសជិតខាងក្នុងតំបន់អាហ្វ្រិក ដោយបានហៅវាជារឿងមិនសមហេតុផលតាមលក្ខណៈវិទ្យាសាស្ត្រ។
លោកបានអំពាវនាវឲ្យមានការដកបម្រាមជាបន្ទាន់ ព្រោះវានឹងអាចបំផ្លាញសេដ្ឋកិច្ចប្រទេសរងផលប៉ះពាល់កាន់តែធ្ងន់ធ្ងរបន្ថែមទៀត។
ប្រទេសថៃ អាមេរិក ចក្រភពអង់គ្លេស និងសហភាពអ៊ឺរ៉ុបបានដាក់អាហ្វ្រិកខាងត្បូង និងប្រទេសចំនួន៧ទៀតក្នុងតំបន់អាហ្វ្រិកចូលក្នុងបញ្ជីខ្មៅ ដោយហាមប្រាមអ្នកដំណើរមកពីប្រទេសទាំងនោះ ក្រោយពេលអ្នកវិទ្យាសាស្ត្រអាហ្វ្រិចខាងត្បូងបានរកឃើញវីរុសបំលែងថ្មី ដែលអាចឆ្លងរីករាលដាលយ៉ាងលឿន និងធន់នឹងវ៉ាក់សាំង។
អង្គការសុខភាពពិភពលោកដាក់ឈ្មោះវីរុសបំប្លែងថ្មីនោះថា Omicron។ វីរុស Omicron ត្រូវបានគេរកឃើញនៅហុងកុង បែលហ្សិក អ៊ីស្រាអ៊ែល និងហូឡង់ បណ្តាលឲ្យមានការព្រួយបារម្ភជាសកល។
ប្រធានាធិបតីអាហ្វ្រិកខាងត្បូងបានថ្លែងកាលពីថ្ងៃអាទិត្យដូច្នេះថា «យើងសូមអំពាវនាវឲ្យប្រទេសទាំងអស់ដែលដាក់បម្រាមធ្វើដំណើរមកលើប្រទេសយើង និងប្រទេសជិតខាងអាហ្វ្រិកទៀត ឲ្យធ្វើការលុបចោលការសម្រេចចិត្តរបស់ពួកគេជាបន្ទាន់។ ការហាមឃាត់លើការធ្វើដំណើរមិនមែនជាការណែនាំតាមវិទ្យាសាស្ត្រទេ»។
«រឿងតែមួយគត់ដែលការហាមឃាត់លើការធ្វើដំណើរនឹងធ្វើបានគឺការបំផ្លាញសេដ្ឋកិច្ចរបស់ប្រទេសរងប៉ះពាល់ឲ្យកាន់តែធ្ងន់ធ្ងរបន្ថែមទៀត និងបំផ្លាញសមត្ថភាពពួកគេក្នុងការឆ្លើយតប និងការងើបឡើងវិញពីការរាតត្បាត»។
លោកថ្លែងថា «ការរឹតបន្តឹងទាំងនោះមិនសមហេតុផល និងមានការរើសអើ.ងដោយអយុត្តិធម៌ចំពោះប្រទេសយើង និងប្រទេសបងប្អូនក្នុងតំបន់អាហ្វ្រិចខាងត្បូង» ។
សូមរម្លឹកថា ចាប់តាំងពីមានការផ្ទុះវីរុសកូវីដ ១៩ចេញពីប្រទេសចិនចុងឆ្នាំ ២០១៩ រហូតដល់បច្ចុប្បន្ន អាហ្វ្រិកខាងត្បូងមានអ្នកឆ្លងសរុបជាង ២,៩៦លាននាក់ និងអ្នកស្លា.ប់ជិត ៩០.០០០នាក់។ អាហ្វ្រិចខាងត្បូងមានប្រជាជនជាង៦០លាននាក់។
នៅអាហ្វ្រិកខាងត្បូង ពលរដ្ឋប្រមាណ២៤ភាគរយប៉ុណ្ណោះទទួលបានការចាក់វ៉ាក់សាំងពេញលេញ ដែលការឆ្លងរីករាលដាលខ្លាំងអាចនឹងកើតមាននៅទីនោះ៕ (យោងតាមប្រភព៖ BBC & MSN)
ចែករំលែកព័តមាននេះ