រាជធានីភ្នំពេញ ៖ ក្រុមហ៊ុនមិត្តហ្វូនកាលពីរសៀលថ្ងៃទី៦ ឧសភា កន្លងទៅនេះបានប្រារព្ធពិធីប្រគល់រង្វាន់ជូនអតិថិជនមានសំណាងឈ្នះក្នុងកម្មវិធី « Selfie Is Lucky» នូវទូរស័ព្ទ Sumsung Gallaxy Core II ,Sumsung Gallaxy Note 4, Sumsung Gallaxy S7 និង រង្វាន់សំបុត្រកុន, គូប៉ុង KOI ទៅកាន់អតិថិជនដែលមានសំណាងឈ្នះ ពីការលេង Minigame នៅលើទំព័រ Facebook Page របស់មិត្តហ្វូន កាលពីអំឡុងបុណ្យចូលឆ្នាំថ្មីប្រពៃណីខ្មែរកន្លងទៅនេះ។ពិធីនេះធ្វើឡើងនៅការិយាល័យកណ្តាលរបស់ក្រុមហ៊ុនមិត្តហ្វូន ដោយមានការចូលរួមជាកិត្តិយសពីលោក ញិន ឌិនថន អគ្គនាយករងក្រុមហ៊ុនមិត្តហ្វូន ។
គួរបញ្ជាក់ថា ដើម្បីអបអរថ្ងៃបុណ្យចូលឆ្នាំថ្មីប្រពៃណីខ្មែរ ឆ្នាំវក អដ្ឋស័ក ព.ស ២៥៦០ កាលពីថ្ងៃទី១២-២៨ ខែមេសា នេះក្រុមហ៊ុនមិត្តហ្វូនបានផ្តល់ជូននៅកម្មវិធីពិសេសគឺការប្រកួតប្រជែងថតរូប Selfie នៅលើគេហទំព័រ www.selfieislucky.com រាល់អតិថិជនមិត្តហ្វូនទាំងអស់អាចចូលរួមលេងក្នុងការប្រកួតប្រជែងមួយនេះនឹងមានឱកាសឈ្នះរង្វាន់ទូរស័ព្ទ Sumsung Gallaxy Core II ចំនួន១០គ្រឿង ទូរស័ព្ទ Sumsung Gallaxy Note 4 ចំនួន៥គ្រឿង និងទូរស័ព្ទ Sumsung Gallaxy S7 ចំនួន៥គ្រឿង ។
ក្រុមហ៊ុនមិត្តហ្វូនបានធ្វើការស្វែងរកអ្នកមានសំណាងជារៀងរាល់ថ្ងៃ ។ ថ្ងៃទី២៥ ខែមេសា ឆ្នាំ២០១៦ មិត្ដហ្វូនបានរកឃើញអ្នកឈ្នះទូរស័ព្ទ Sumsung Gallaxy Core II មានចំនួន៥រូប។ ថ្ងៃទី២៦ ខែមេសា ឆ្នាំ២០១៦ មិត្ដហ្វូនបានរកឃើញអ្នកឈ្នះទូរស័ព្ទ Sumsung Gallaxy Core II ចំនួន៥រូប ។ ថ្ងៃទី២៧ ខែមេសា ឆ្នាំ២០១៦ អ្នកឈ្នះទូរស័ព្ទ Sumsung Gallaxy Note 4 មានចំនួន៥រូប ហើយថ្ងៃទី២៨ ខែមេសា ឆ្នាំ២០១៦ មិត្ដហ្វូនបានរកឃើញអ្នកឈ្នះទូរស័ព្ទ Sumsung Gallaxy S7 ចំនួន៥ រូបទៀត។
ក្នុងឱកាសពិធីប្រគល់រង្វាន់នេះផងដែរ លោក ញិន ឌិនថន អគ្គនាយករងក្រុមហ៊ុនមិត្តហ្វូនបានចូលរួមធ្វើការអបអរសាទរទៅកាន់អតិថិជនដែលមានសំណាង ឈ្នះរង្វាន់ពីក្រុមហ៊ុន សម្រាប់ជាកាដូឆ្នាំថ្មី នៃកម្មវិធី Selfie នាំសំណាង ដែលពួកគាត់បានចូលរួមកន្លងមក ហើយក៏បានធ្វើការថ្លែងអំណរគុណដល់អតិថិជនដែលតែងតែគាំទ្រប្រើប្រាស់បណ្តាញទូរស័ព្ទចល័តមិត្តហ្វូន ។
ក្រុមហ៊ុនមិត្តហ្វូនគឺជាបណ្តាញទូរស័ព្ទចល័តដ៏ធំជាងគេ ដែលមានសេវាគ្របដណ្តប់ល្អបំផុតទូទាំងប្រទេសកម្ពុជា ក៏បានកំពុងនឹងមានអតិថិជនគាំទ្រប្រើប្រាស់បណ្តាញនេះយ៉ាងច្រើនលើសលុបផងដែរ ។ ក្រុមហ៊ុនមិត្តហ្វូនតែងតែផ្តល់ជូននៅកម្មវិធីថ្មីៗពិសេសៗជាច្រើនសម្រាប់អិតិថិជនមិត្តហ្វូនទាំងអស់ដែលគាំទ្រសេវាកម្មរបស់ខ្លួន ៕
ចែករំលែកព័តមាននេះ