អាមេរិក និងអ៊ីរ៉ង់ស្វែងរកការចរចាដើម្បីស្តារកិច្ចព្រមព្រៀងនុយក្លេអ៊ែរ
អាមេរិក ៖ ការចរចារដ៏សំខាន់ជាមួយប្រទេសអ៊ីរ៉ង់ ដើម្បីស្តារឡើងវិញនូវកិច្ចព្រមព្រៀងនុយក្លេអ៊ែរនឹងត្រូវនៅក្នុងទីក្រុង Vienna
អាមេរិក ៖ ការចរចារដ៏សំខាន់ជាមួយប្រទេសអ៊ីរ៉ង់ ដើម្បីស្តារឡើងវិញនូវកិច្ចព្រមព្រៀងនុយក្លេអ៊ែរនឹងត្រូវនៅក្នុងទីក្រុង Vienna
អាមេរិក ៖ ការចរចារដ៏សំខាន់ជាមួយប្រទេសអ៊ីរ៉ង់ ដើម្បីស្តារឡើងវិញនូវកិច្ចព្រមព្រៀងនុយក្លេអ៊ែរនឹងត្រូវនៅក្នុងទីក្រុង Vienna ប្រទេសអូទ្រីស បន្ទាប់ពីជាប់គាំងអស់រយៈពេល ៥ខែ។ នេះបើតាមការចុះផ្សាយរបស់ BBC នៅថ្ងៃព្រឹកថ្ងៃច័ន្ទនេះ។
ក្រុមមន្ត្រីនឹងពិភាក្សាគ្នាអំពីការវិលត្រឡប់មកវិញរបស់អាមេរិកចូលក្នុងកិច្ចព្រមព្រៀងនុយក្លេអ៊ែរឆ្នាំ ២០១៥ ដែលកិច្ចព្រមព្រៀងនេះបានដាក់កំហឹតដល់សកម្មភាពនុយក្លេអ៊េររបស់អ៊ីរ៉ង់ ជាថ្នូរនឹងការដកទណ្ឌកម្ម។
អ៊ីរ៉ង់បានរំលោ.ភលើការប្តេជ្ញាចិត្តសំខាន់ៗដែលមានចែងក្នុងកិច្ចព្រមព្រៀង ចាប់តាំងពីពេលប្រធានាធិបតីអាមេរិក Donald Trump បានដកខ្លួនចេញពីកិច្ចព្រមព្រៀងឆ្នាំ ២០១៨ និងបានដាក់ទណ្ឌកម្មអាមេរិកឡើងវិញប្រឆាំងអ៊ីរ៉ង់។
ប៉ុន្តែរដ្ឋបាលថ្មីរបស់លោកប្រធានាធិបតី Joe Biden បានបង្ហាញពីឆន្ទៈក្នុងការដកទណ្ឌកម្មអាមេរិកចេញ ប្រសិនអ៊ីរ៉ងបញ្ឈប់ការរលោ.ភបំពា.ននោះ។ ប៉ុន្តែអ៊ីរ៉ង់ចង់ឲ្យអាមេរិកធ្វើការដកទណ្ឌកម្មចេញជាមុនសិន។
អ្នកការទូតប្រទេសលោកខាងលិចបានព្រមានថា ពេលវេលាជិតអស់ហើយក្នុងការចរចាររកដំណោះស្រាយ ពីព្រោះអ៊ីរ៉ងមានការរីករចម្រើនយ៉ាងលឿនក្នុងកម្មវិធីផលិតសារធាតុអ៊ុយរ៉ានីញ៉ូមរបស់ខ្លួន ដែលជាផ្លូវឆ្ពោះទៅការសម្រេចបានគ្រាប់បែកនុយក្លេអ៊ែរ។
ប៉ុន្តែអ៊ីរ៉ង់អះអាងថា កម្មវិធីនុយក្លេអ៊ែររបស់ខ្លួនមានសន្តិភាពទាំងស្រុង។
ក្រសួងការបរទេសអ៊ីរ៉ង់បានលើកឡើងថា ខ្លួនចង់ឲ្យមានការដកទណ្ឌកម្មទាំងអស់របស់អាមេរិក និងមានការធានាថា គ្មានអនាគតប្រធានាធិបតីអាមេរិករូបណានឹងបោះបង់ចោលកិច្ចព្រមព្រៀងនុយក្លេអ៊ែរជាឯកតោភាគីម្តងទៀតឡើយ។
លោក Robert Malley បេសកជនពិសេសប្រចាំអ៊ីរ៉ង របស់លោក Joe Biden បាននិយាយថា អាមេរិកបានត្រៀមខ្លួនរួចរាល់ហើយ ដើម្បីចាត់វិធានការចាំបាច់ក្នុងការវិលត្រឡប់ទៅវិញ រួមមានការដកទណ្ឌកម្មដែលដាក់ដោយរដ្ឋបាលរបស់អតីតប្រធានាធិបតី Donald Trump។
ប៉ុន្តែលោកក៏បានព្រមានផងដែរថា ទ្វារសម្រាប់ការចរចារនឹងមិនបើករហូតឡើយ។
សូមរម្លឹកថា កិច្ចព្រមព្រៀងនុយក្លេអ៊ែរអ៊ីរ៉ងត្រូវបានបង្កើតឡើងក្នុងឆ្នាំ ២០១៥ដោយមានការចូលរួមពីប្រទេសមហាអំណាចចំនួន ៦ដូចជា អាមេរិក ចក្រភពអង់គ្លេស អាឡឺម៉ង ចិន រុស្សី និងបារាំង។ អាមេរិកបានដកខ្លួនចេញកាលពីឆ្នាំ ២០១៨៕ (យោងតាមប្រភព៖ BBC)
ចែករំលែកព័តមាននេះ